മമ്മൂട്ടി ഫാന്സ് അസോസിയേഷന് പിരിച്ചുവിട്ടു; ഇപ്പോള് വെല്ഫയര് മാത്രം
മമ്മൂട്ടി ഫാന്സ് അസോസിയേഷന് പിരിച്ചു വിട്ടു. ഇപ്പോഴുള്ളത് ജീവകാരുണ്യ പ്രവര്ത്തനങ്ങള് മാത്രമാണ്. അതിന് വേണ്ടിയാണ് ആരാധകരുള്ളത്. ഫാന്സ് അസോസിയേഷനില് പലരും കയറി പലതരം തട്ടിപ്പുകള് നടത്തിയതിനെ തുടര്ന്നാണ് താരം അസോസിയേഷന് പിരിച്ചുവിട്ടത്. തിരുവന്തപുരത്ത് ഫാന്സിലെ പ്രധാനിയായിരുന്ന ബിനു മോഷണക്കേസില് ജയിലിലാണ്. വര്ഷങ്ങളോളം അസോസിയേഷനില് പ്രവര്ത്തിച്ച ഇയാള് അസോസിയേഷന്റെ ഐഡന്റിറ്റി കാര്ഡ് ഉപയോഗിച്ചാണ് പൊലീസിനെ കബളിപ്പിച്ചിരുന്നത്.
കുറേ മാസങ്ങള്ക്ക് മുമ്പ് കോവളത്ത് നടന്ന മോഷണ കേസിലാണ് ബിനുവിനെ പിടികൂടിയത്. രാത്രി കാലങ്ങളില് പലയിടത്ത് വച്ച് സംശയാസ്പദമായ സാഹചര്യത്തില് പൊലീസ് ഇയാളെ കണ്ടിരുന്നു. അപ്പോഴെല്ലാം സിനിമയുടെ പോസ്റ്റര് ഒട്ടിക്കാനും മറ്റും പോയെന്ന് പറഞ്ഞ് രക്ഷപെട്ടു. ഫാന്സിന്റെ ഐഡന്റി കാര്ഡ് കാണിച്ചായിരുന്നു അത്. എന്നാല് ഒരിക്കല് പൊലീസ് ഇയാളെ കസ്റ്റഡിയിലെടുത്തു. രണ്ട് ദിവസം കഴിഞ്ഞ് ഇയാളെ അന്വേഷിച്ച് ഫാന്സുകാര് ഫോര്ട്ട് സ്റ്റേഷനില് പരാതിയുമായി ചെന്നപ്പോഴാണ് കാര്യം അറിയുന്നത്.
ഇത്തരം തട്ടിപ്പുകാരുടെ കൂടാരമായി ഫാന്സുകാര് മാറരുതെന്ന് താരത്തിന് നിര്ബന്ധം ഉണ്ട്. അതുകൊണ്ട് 14 ജില്ലകളിലെയും അസോസിയേഷന് പിരിച്ചുവിട്ടു. ഇപ്പോള് ആരാധകര് ജീവകാരുണ്യ പ്രവര്ത്തനങ്ങള് മാത്രമാണ് നടത്തുന്നത്. മറ്റ് താരങ്ങളുടെ സിനിമകള്ക്ക് ഫാന്സുകാര് കൂകൂ വിളിക്കുന്നതും താരത്തിന്റെ ശ്രദ്ധയില്പ്പെട്ടിരുന്നു. ഇപ്പോള് ഫാന്സുകാരെല്ലാം ദുല്ഖറിന് പിന്നാലെയാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
