പി.സി.ജോര്‍ജിനെ വെട്ടിയത് പിണറായി നേരിട്ട്. പാര്‍ട്ടി സംസ്ഥാന സെക്രട്ടറി കോടിയേരി ബാലകൃഷ്ണന്‍ അവസാനം വരെ ശ്രമിച്ചെങ്കിലും സീറ്റ് കൊടുക്കാനാവില്ലെന്ന നിലപാടില്‍ പിണറായി ഉറച്ചു നിന്നു. കാഞ്ഞിരപ്പള്ളി മെത്രാന്‍ മാര്‍ മാത്യു അറയ്ക്കലിന്റെ നിര്‍ദ്ദേശാനുസരണം പ്രമുഖ വ്യവസായി ഫാരിസ് അബൂബക്കറാണ് ജോര്‍ജിനെ വെട്ടിനിരത്തിയത്. അതേസമയം ജോര്‍ജ് പൂഞ്ഞാറില്‍ സ്വതന്ത്രനായി മത്സരിക്കാനാണ് സാധ്യത. എല്‍.ഡിഎഫ് സ്ഥാനാര്‍ത്ഥി പിസി ജോസഫിന്റെ വോട്ടു ബാങ്കില്‍ വിള്ളല്‍ വീഴ്ത്തി ജയിക്കുകയാണ് ലക്ഷ്യം.
പി.സി. ജോസഫ് മാണിയുടെ ഒന്നാന്തരം ശത്രുവാണ്. പി.സി. ജോസഫാണ് ഫ്രാന്‍സിസ് ജോര്‍ജിനെ മാണിഗ്രൂപ്പില്‍ നിന്നും അകറ്റി കൊണ്ടു പോയത്. ചുരുക്കത്തില്‍ പൂഞ്ഞാറില്‍ മത്സരിക്കാനൊരുങ്ങുന്നത് കെ എം മാണിയുടെ രണ്ടു ശത്രുക്കളാണ്. ഇതില്‍ അടുത്ത കാലത്ത് ശത്രുവായ പി.സി. ജോസഫിനോടായിരിക്കും. കേരള കോണ്‍ഗ്രസ് മാണി ഗ്രൂപ്പിന്റെ വോട്ടു ബാങ്കില്‍ കൈ കടത്തി ജയിക്കാനാണ് ജോര്‍ജിന്റെ ശ്രമം.
പാലാ -ഈരാറ്റുപേട്ട റോഡിന്റെ നിര്‍മ്മാണത്തിന് തടസ്സമായി നിന്ന കുരിശ്ശടി പൊളിച്ചതാണ് മാര്‍ മാത്യു അറയ്ക്കലിന് പി.സി.ജോര്‍ജിനോടുള്ള വിരോധം. കുരിശ്ശടി പൊളിക്കരുതെന്ന് അറയ്ക്കല്‍ ജോര്‍ജിനെ നേരിട്ട് വിളിച്ച് ആവശ്യപ്പെട്ടെങ്കിലും പിതാവ് പിതാവിന്റെ പണി നോക്കാനായിരുന്നു ജോര്‍ജ് പറഞ്ഞത്.
പിണറായി വിജയന്റെ സന്തതസഹചാരിയായ ഫാരിസ് അബൂബേക്കര്‍ അറയ്ക്കലിന്റെ വിശ്വസ്തനാണ്. ഫാരിസ് അബൂബക്കറും മാര്‍ മാത്യു അറയ്ക്കലും ചേര്‍ന്നാണ് ദീപിക ദിനപത്രം നടത്തിയിരുന്നത്. പിണറായിയുടെ ശബ്ദമായിരുന്നു അക്കാലത്ത് കോട്ടയത്തെ പഴയ നസ്രാണി ദീപിക.
പിണറായിയും അറയ്ക്കലും ജോര്‍ജിനെ വെട്ടാന്‍ നേരത്തെ തീരുമാനിച്ചിരുന്നതാണ്. എന്നാല്‍ കോടിയേരി ബാലകൃഷ്ണനും ജോര്‍ജും തമ്മിലുള്ള ബന്ധമാണ് പ്രധാന വിലങ്ങു തടിയായത്. വിഎസ് അച്യുതാനന്ദനുമായി അടുപ്പം പുലര്‍ത്തിയിരുന്ന നേതാവായിരുന്നു ജോര്‍ജ്. പിണറായിക്കെതിരെ ആരോപണങ്ങള്‍ ഉന്നയിക്കാന്‍ തെളിവു തേടി വിഎസ് വിദേശത്ത് അയച്ചിരുന്നത് പി.സി ജോര്‍ജ്ജിനെയാണ്.
ഫ്രാന്‍സിസ് ജോര്‍ജിന്റെ പാര്‍ട്ടിക്ക് നാലു സീറ്റുകള്‍ നല്‍കാനുള്ള കാരണവും ഇടുക്കി, കോട്ടയം, മെത്രാന്‍മാര്‍ തന്നെയാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha