കെ. ബാബു, അടൂര് പ്രകാശ്, ബെന്നി ബഹന്നാന്, കെ.സി. ജോസഫ്, എ.ടി. ജോര്ജ്... തന്നെ തൊട്ടവനെല്ലാം സുധീരന് പണികൊടുത്തതിങ്ങനെ
കെപിസിസി പ്രസിഡന്റ് വിഎം സുധീരനെ മൈന്ഡ് ചെയ്യാതിരുന്ന സകലര്ക്കും അദ്ദേഹം ധീരമായ പണികൊടുത്തു. എക്സൈസ് വകുപ്പ് മന്ത്രി കെ. ബാബു, റവന്യൂ വകുപ്പ് മന്ത്രി അടൂര് പ്രകാശ്, എം.എല്.എ. ബെന്നി ബഹന്നാന്, മന്ത്രി കെ.സി. ജോസഫ്, എംഎല്എ എ.ടി. ജോര്ജ്...
സുധീരനെ എന്നും ധിക്കരിച്ച ആളാണ് ഉമ്മന് ചാണ്ടിയുടെ വിശ്വസ്തനായ കെ. ബാബു. ബാര് കോഴ അഴിമതി വന്നയുടന് ബാബുവിനോട് രാജിവയ്ക്കണമെന്ന് സുധീരന് ആവശ്യപ്പെട്ടിരുന്നു. എന്നാല് ബാബു സുധീരനെ കളിയാക്കുകയാണ് ചെയ്തത്. പരസ്യമായി സുധീരനെ തള്ളിക്കളയുകയും ചെയ്തു. പിന്നീട് ബാബുവിനോട് സുധീരന് മിണ്ടാത്ത അവസ്ഥവരെയായി.
സുധീരന്റെ കണ്ണിലെ കരടായി നിന്നയാളാണ് രമേശ് ചെന്നിത്തലയുടെ പഴയ വിശ്വസ്തനായ അടൂര് പ്രകാശ്. ബിജു രമേശുമായി ഏറെ അടുപ്പമുള്ളയാളാണ് അടൂര് പ്രകാശ്. ഇവരുടെ മക്കള് തമ്മിലുള്ള വിവാഹവും ചര്ച്ചയായി. ഇത്രയും അടുപ്പമുള്ളയാളാണ് സര്ക്കാരിനെതിരെ തിരിഞ്ഞത്. മാത്രമല്ല ചെന്നിത്തലയെപ്പോലും സംശയദൃഷ്ടിയിലാക്കി. ഇതോടെ ചെന്നിത്തലയും പ്രകാശിനോടെതിരായി. സ്വകാര്യ മുതലാളിമാര്ക്ക് ഭൂമി പതിച്ച് നല്കിയതിനെതിരെ സുധീരന് പരസ്യമായി എതിര്ത്തു. ഇതിനെതിരെ പ്രകാശ് രംഗത്ത് വന്നതെല്ലാം സുധീരന് മനസില് വച്ചു.
ഉമ്മന്ചാണ്ടിയുടെ എല്ലാ കൊള്ളരുതായ്മയ്ക്കും കൂട്ടു നിന്ന അനുയായിയാണ് ബെന്നി ബഹന്നാന്. പലപ്പോഴും സര്ക്കാരിനെ നിലനിര്ത്തിയതും ബഹന്നാനാണ്. സോളാറില് സരിതയുമായി ധാരണയിലെത്തിയത് ബഹന്നാനാണെന്ന് സരിത തന്നെ പറഞ്ഞു. കേരളം കണ്ട വലിയ അഴിമതിക്ക് ചുക്കാന് പിടിച്ച ബഹന്നനുള്ള ശിക്ഷയാണ് സുധീരന് നല്കിയത്.
ആള് സിമ്പിളാണെങ്കിലും ഉമ്മന് ചാണ്ടിക്ക് കുട പിടിക്കുന്ന ആളാണ് കെസി ജോസഫ്. ഉമ്മന് ചാണ്ടിയ്ക്കായി പരസ്യമായും രഹസ്യമായും സുധീരനെ തള്ളി പറഞ്ഞിരുന്നു. പ്രായവും പലതവണ മത്സരിച്ചതും കാരണമാക്കിയാണ് ജോസഫിനെ സുധീരന് വെട്ടിയത്.
പാറശാലയിലെ എ.ടി. ജോര്ജിനു പാരയായത് അദ്ദേഹത്തിന്റെ വഴിവിട്ട ബന്ധങ്ങളാണ്. കോണ്ഗ്രസുകാര്ക്ക് നാണക്കേടായ ആളിന് സീറ്റ് നല്കേണ്ടെന്നാണ് വാദം.
കോന്നി, തൃക്കാക്കര, തൃപ്പൂണിത്തുറ, ഇരിക്കൂര്, പാറശാല മണ്ഡലങ്ങളിലെ സിറ്റിങ് എംഎല്എമാരാണ് ഇവര്. ഈ എംഎല്എമാര്ക്കെതിരായി സുധീരന് രംഗത്തിറക്കുന്നത് കറകളഞ്ഞ യുവ നേതാക്കളേയാണ്. കോന്നിയില് അടൂര് പ്രകാശിനു പകരം പി. മോഹന്രാജ്, തൃപ്പൂണിത്തുറയില് കെ. ബാബുവിനു പകരം എന്. വേണുഗോപാല്, ഇരിക്കൂരില് കെ.സി. ജോസഫിനു പകരം സതീശന് പാച്ചേനി, തൃക്കാക്കരയില് ബെന്നി ബഹന്നനു പകരം പി.ടി. തോമസ്, പാറശാലയില് എ.ടി. ജോര്ജിനു പകരം നെയ്യാറ്റിന്കര സനല് അല്ലെങ്കില് മരിയാപുരം ശ്രീകുമാര് എന്നിവരെയാണു സുധീരന് നിര്ദേശിച്ചത്. സുധീരന്റെ നിര്ദ്ദേശത്തിന് യുവ നേതാക്കളുടെ പിന്തുണയുമുണ്ട്.
അതേസമയം സുധീരന്റെ നിലപാടിനെതിരെ എ,ഐ ഗ്രൂപ്പുകള് രംഗത്തെത്തി. സുധീരന് സിറ്റിങ് എംഎല്എമാരെ മാറ്റാന് നിരത്തുന്ന കാരണങ്ങള് തനിക്കും ബാധകമാണെന്ന നിലപാടിലാണ് ഉമ്മന്ചാണ്ടി. ഇതിനോട് ചെന്നിത്തലയുടെ പിന്തുണയുമുണ്ട്.
എന്തായാലും സുധീരന്റെ വെട്ടിനിരത്തലിന് സാധാരണ കോണ്ഗ്രസുകാരുടെ പിന്തുണയുണ്ട്. അവര് ആഗ്രഹിക്കുന്നതും അതാണ്. എന്തായാലും ഇനി സുധീരനെ വെട്ടി ഇവര് തെരഞ്ഞെടുപ്പ് ലിസ്റ്റില് കടന്നു കൂടിയാലും വിജയം സുധീരന് തന്നെയാണ്. കാരണം സുധീരന്റെ നിലപാട് ജനത്തിനറിയാം. ഇത് ഇവരുടെ ജയത്തെ കാര്യമായി സ്വാധീനിക്കും. ഇവര് പരാജയപ്പെട്ടാല് സുധീരന് പറഞ്ഞത് ശരിയാകുകയും ചെയ്യും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
