മലയാളികളുടെ പ്രിയതാരം മമ്മൂട്ടി റെക്കോര്‍ഡുകളുടെ പട്ടികയില്‍ നിന്നും പുറത്തായി. ഏറ്റവും കൂടുതല്‍ തവണ ഇന്ത്യയിലെ മികച്ച നടനുള്ള പുരസ്‌കാരം നേടിയ റെക്കോര്‍ഡ് ഏതാനും ദിവസങ്ങള്‍ക്കു മുമ്പു വരെ മമ്മൂട്ടിക്കായിരുന്നു. മൂന്നു തവണയാണ് മമ്മൂട്ടി രജതകമലം നേടിയത്. എന്നാല്‍ ഇക്കഴിഞ്ഞ ദിവസം അമിതാഭ്ബച്ചന്‍ മമ്മൂട്ടിയെ ഔട്ടാക്കി. നാലു തവണ രജതകമലം നേടിയതോടെയാണ് ബച്ചന്‍ റെക്കോര്‍ഡുകളുടെ നെറുകയില്‍ തൊട്ടത്.
1990 ല്‍ പുറത്തിറങ്ങിയ മുകുല്‍ എസ് ആനന്ദിന്റെ അഗ്നിപഥത്തിലെ അഭിനയത്തിനാണ് ബച്ചന് ആദ്യമായി ദേശീയ ചലച്ചിത്ര പുരസ്‌കാരം ലഭിച്ചത്. വിജയ് ദീനാനാഥ് ചൗഹാര്‍ എന്ന കഥാപാത്രത്തെയാണ് അദ്ദേഹം ഇതില്‍ അവതരിപ്പിച്ചത്. ബച്ചന്‍ ഏഷ്യയിലെ തന്നെ മികച്ച നടനാണെന്നായിരുന്നു അന്ന് ദേശീയ ചലച്ചിത്ര ജൂറി ചെയര്‍മാനായിരുന്നു നടന്‍ അശോക് കുമാര്‍ പറഞ്ഞത്. 2005 ന് തന്മാത്രയിലെ മോഹന്‍ലാലിനെ പിന്തള്ളി ബച്ചന്‍ അവാര്‍ഡ് കരസ്ഥമാക്കി.
മതിലുകള്‍, ഒരു വടക്കന്‍വീരഗാഥ(1989), പൊന്തന്‍മാട, വിധേയന്‍(1993), ഡോ. ബാബാസാഹേബ് അംബേദ്കര്‍(1998) എന്നീ ചിത്രങ്ങളാണ് മമ്മൂട്ടിയെ ഇന്ത്യയിലെ മികച്ച നടനാക്കിയത്. 22 തവണ ഹിന്ദി നടന്മാര്‍ രജതകമലം നേടിയിട്ടുണ്ട്.
ഇക്കുറി മമ്മൂട്ടിയും ബച്ചനുമാണ് രജതകമലത്തിനായി മത്സരിച്ചത്. പത്തേമാരിയിലെ അഭിനയത്തിന് മമ്മൂട്ടിക്ക് ദേശീയ പുരസ്‌കാരം ലഭിക്കുമെന്ന് മലയാളം പ്രതീക്ഷിച്ചിരുന്നു. പത്തേമാരി സംസ്ഥാന ചലച്ചിത്ര അവാര്‍ഡിലും മത്സരിച്ചിരുന്നു. മമ്മൂട്ടിയും മകന്‍ ദുല്‍ഖര്‍ സല്‍മാനുമാണ് മികച്ച നടനുള്ള സംസ്ഥാന അവാര്‍ഡിനായി മത്സരിച്ചത്. അച്ഛനെ തോല്‍പ്പിച്ച് മകന്‍ അവാര്‍ഡ് കൊണ്ടുപോയി. അപ്പോള്‍ ദേശീയ അവാര്‍ഡ് അച്ഛന് ലഭിക്കുമെന്ന് അച്ഛനും മകനും വിശ്വസിച്ചു.
മമ്മൂട്ടിയും ദുല്‍ഖറും അതുല്യ കലാകാരന്മാരാണ്. ഒരു വീട്ടില്‍ നിന്നും വരുന്ന ഇരുവരിലും ഏറ്റവും മികച്ചത് ആരാണെന്ന തര്‍ക്കം മാത്രമാണ് ബാക്കിയുള്ളത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha