ഡല്ഹിയില് നടക്കുന്നത് കുമ്മാട്ടികളി... എല്ലാം ആന്റണി അറിഞ്ഞുള്ള കളി
നാടകീയ സംഭവവികാസങ്ങളാണ് ഹൈക്കമാന്റിന് മുമ്പില് നടക്കുന്നത് . കെ ബാബു, അടൂര് പ്രകാശ്, കെ.സി.ജോസഫ്, ബെന്നി ബഹന്നാന് എന്നിവര്ക്ക് സീറ്റ് നല്കിയില്ലെങ്കില് നിയമസഭാ തെരഞ്ഞെടുപ്പില് യുഡിഎഫിനെ നയിക്കാന് താനില്ലെന്ന് ഉമ്മന്ചാണ്ടി ഹൈക്കമാന്റിനെ അറിയിച്ചു. അഴിമതിക്കാര്ക്ക് സീറ്റ് നല്കിയാല് കെപിസിസി പ്രസിഡന്റ് സ്ഥാനത്തേക്ക് മറ്റൊരാളെ അന്വേഷിക്കാന് സുധീരനും പറഞ്ഞു.
സിറ്റിംഗ് എംഎല്എമാരെ മാറ്റാന് നിരത്തുന്ന ന്യായങ്ങള് തനിക്കും ബാധകമാണെന്നാണ് ഉമ്മന്ചാണ്ടി ഹൈക്കമാന്റിനെ അറിയിച്ചത്. ഇത് സുധീരന്റെ സാന്നിധ്യത്തിലായിരുന്നു. ഇതു കേട്ടപാടെ സുധീരന് ചിരിക്കുക മാത്രം ചെയ്തു. അതിനര്ത്ഥം ഉമ്മന്ചാണ്ടി പറഞ്ഞത് ശരിയാണെന്നു തന്നെയാണ്.
കോന്നിയില് അടൂര്പ്രകാശിന് പകരം പി.മോഹന്രാജ് , തൃപ്പൂണിത്തുറയില് കെ ബാബുവിനു പകരം എന്. വേണുഗോപാല്, ഇരിക്കൂറില് കെ.സി, ജോസഫിനു പകരം സതീശന് പാച്ചേരി, തൃക്കാക്കരയില് ബെന്നി ബഹന്നാന് പകരം പിടി. തോമസ്, പാറശ്ശാലയില് എടി ജോര്ജിനു പകരം നെയ്യാറ്റിന്കര സനല്, അല്ലെങ്കില് മര്യാപുരം ശ്രീകുമാര് എന്നിവരുടെ പേരുകളാണ് കെപിസിസി നിര്ദ്ദേശിച്ചിരിക്കുന്നത്.
വിഎം സുധീരന് രാഹുല്ഗാന്ധിയുടെ പിന്തുണയുണ്ട്. വിവാദനായകരുടെ മണ്ഡലങ്ങളില് ഹൈക്കമാന്റ് നടത്തിയ രഹസ്യ സര്വേയില് ഇവര് തോല്ക്കുമെന്ന് മനസിലായിരുന്നു. അതിനാല് അഴിമതിക്കാരെ മാറ്റാന് ഹൈക്കമാന്റിനു താത്പര്യമുണ്ട്.
ഉമ്മന്ചാണ്ടിയും മാറി നില്ക്കണമെന്ന അഭിപ്രായം തന്നെയാണ് വിഎം സുധീരനുള്ളത്. എന്നാല് അത് അദ്ദേഹം തുറന്നു പറയുന്നില്ലെന്നേയുള്ളൂ.
അഴിമതിക്കാര് മത്സരിക്കാതിരുന്നാല് യുഡിഎഫിന് അധികാരത്തില് നിഷ്പ്രയാസം തിരിച്ചെത്താമെന്നും ഹൈക്കമാന്റ് കരുതുന്നു.
കെപിസിസിയുടെ നിരീക്ഷണങ്ങളാണ് ശരിയെന്ന് ഹൈക്കമാന്റും കരുതുന്നു. ഒടുവില് ഹൈക്കമാന്റ് സുധീരന്റെ വഴിയേ വരുമെന്നാണ് വിശ്വാസം.
കേരളത്തിലേക്ക് മടങ്ങാന് ബുധനാഴ്ച വിമാനത്താവളത്തില് എത്തിയ ഉമ്മന്ചാണ്ടി കേരള ഹൗസിലേയ്ക്ക് മടങ്ങി.
സുധീരന് പിന്നിലുള്ളത് എകെ ആന്റണിയാണ്. ആന്റണി പറയുന്നതേ ഡല്ഹിയില് നടക്കൂ.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha