സംസ്ഥാന തെരഞ്ഞെടുപ്പ് പടിവാതില്‍ക്കല്‍ നില്‍ക്കേ ഉമ്മന്‍ ചാണ്ടിക്ക് അഗ്നി പരീക്ഷ നല്‍കി വന്‍ ഗൂഢാലോചന നടന്നതായി റിപ്പോര്‍ട്ട്. ഇതിന്റെ പിന്നില്‍ വമ്പന്‍ സ്രാവുകളുണ്ടെന്നാണ് വിലയിരുത്തല്‍.
കെപിസിസി പ്രസിഡന്റ് സുധീരനും ആഭ്യന്തര മന്ത്രി രമേഷ് ചെന്നിത്തലയും സ്ഥാനാര്‍ത്ഥി നിര്‍ണയത്തില്‍ മേല്‍കൈ നേടുമെന്ന അവസ്ഥയിലാണ് ഉമ്മന്‍ ചാണ്ടി ഹൈക്കമാന്‍ഡിനെ സമ്മര്‍ദ്ദത്തിലാക്കി മത്സരിക്കുന്നില്ല എന്നു തീരുമാനമെടുത്തത്. ഇതോടെ പാര്‍ട്ടി പിളരുമെന്ന് കണ്ട എല്ലാവരും ഉമ്മന്‍ ചാണ്ടിയുടെ തീരുമാനത്തെ അംഗീകരിച്ചു. ഇതോടെ സംസ്ഥാന രാഷ്ട്രീയത്തില്‍ ഉമ്മന്‍ ചാണ്ടിയുടെ ശക്തി എല്ലാവരും കണ്ടു. ചാണ്ടിയുടെ വിശ്വസ്ഥരില്‍ ഒരാളെപ്പോലും തൊടാന്‍ ആരും തയ്യാറായില്ല. മാത്രമല്ല കഴിഞ്ഞ ദിവസത്തെ മാതൃഭൂമി സര്‍വേ ഫലവും ഉമ്മന്‍ചാണ്ടിക്ക് അനുകൂലമായിരുന്നു. വി.എസ് അച്യുതാനന്ദന് 36 ശതമാനം പിന്തുണയുണ്ടായയപ്പോള്‍ ഉമ്മന്‍ ചാണ്ടിക്ക് 35 ശതമാനം പിന്തുണയുമുണ്ടായി. മാത്രമല്ല യുഡിഎഫ് ഭരണത്തിന് അടുത്തെത്തുമെന്നും പറഞ്ഞു. ഇത് ചില കേന്ദ്രത്തെ വേദനിപ്പിച്ചു.
ഇതില്‍ ചില ബാറുകാര്‍ പഴയ വൈരം പുറത്തെടുത്തു. ഒരു പ്രമുഖ ബാര്‍ ഉടമ ഇതിന് ചുക്കാന്‍ പിടിച്ചു. മാത്രമല്ല പഴയൊരു യുഡിഎഫ് നേതാവും പഴയ മന്ത്രിയും എല്ലാ ഒത്താശയും ചെയ്തതോടെ സരിതയുടെ കത്ത് വെളിയില്‍ വന്നു.
സോളാര്‍ കേസ് പ്രതി സരിത എസ്. നായര്‍ കസ്റ്റഡിയിലിരിക്കെ എഴുതിയ കത്ത് പുറത്ത് വിട്ടത് ഏഷ്യാനെറ്റാണ്. മുഖ്യമന്ത്രി ഉമ്മന്‍ ചാണ്ടി ലൈംഗികമായി പിഡിപ്പിച്ചെന്നു സരിതയുടെ കത്തിലുണ്ട്. ക്ലിഫ് ഹൗസില്‍വച്ചാണു പിഡിപ്പിച്ചതെന്നും സരിത കത്തില്‍ പറയുന്നു. കേരള രാഷ്ട്രീയത്തില്‍ വന്‍ കോളിളക്കങ്ങള്‍ക്കു വഴിവച്ചേക്കാവുന്നതാണു പുതിയ വിവാദം.
2013 മാര്‍ച്ച് 19നാണ് സരിത വിവാദ കത്ത് എഴുതിയത്. 25 പേജുകള്ള ഈ കത്തിനെച്ചൊല്ലി സോളാര്‍ കേസിന്റെ നാള്‍വഴികളിലുടനീളം വന്‍ വിവാദമുണ്ടായിരുന്നു. ഇതിന്റെ യഥാര്‍ഥ പകര്‍പ്പാണ് ഇന്ന് ഏഷ്യാനെറ്റ് ന്യൂസിനു ലഭിച്ചത്. ഇത് താന്‍ തന്റെ കൈപ്പടയില്‍ എഴുതിയ യഥാര്‍ഥ കത്ത് തന്നെയാണെന്നു സരിത പറഞ്ഞു.
അഡീഷണല്‍ ചീഫ് ജുഡിഷ്യല്‍ മജിസ്‌ട്രേറ്റ് കോടതിയില്‍ നല്‍കാനാണു കത്ത് എഴുതിയത്. അപമാനം ഭയന്നാണ് ഈ കത്ത് താന്‍ സോളാര്‍ കമ്മിഷനു നല്‍കാതിരുന്നത്.
ഒരു മുന്‍ കേന്ദ്ര മന്ത്രി തന്നെ ബലാത്സംഗം ചെയ്‌തെന്നു കത്തില്‍ സരിത പറയുന്നു. സംസ്ഥാന മന്ത്രിയുടെ വസതിയില്‍വച്ചാണു മുന്‍ കേന്ദ്രമന്ത്രി ബലാത്സംഗം ചെയ്തതെന്നും കത്തില്‍ പറയുന്നുണ്ട്. കേന്ദ്ര മന്ത്രിമാര്‍ക്കു തന്നെ കാഴ്ചവയ്ക്കാന്‍ രമേശ് ചെന്നിത്തലയുടെ പിഎ ശ്രമിച്ചു കത്തില്‍ പറയുന്നു.
മുഖ്യമന്ത്രി തന്നെ രക്ഷിക്കുമെന്ന പ്രതീക്ഷ സരിത കത്തിന്റെ പല ഭാഗത്തും പറയുന്നുണ്ട്. എന്നാല്‍ ഇത് ഉണ്ടാവില്ലെന്ന് ഉറപ്പായശേഷമാണ് മുഖ്യമന്ത്രിയടക്കമുള്ളവര്‍ തന്നെ ശാരീരികമായും സാമ്പത്തികമായും ചൂഷണം ചെയ്തുവെന്നു സരിത വെളിപ്പെടുത്തുന്നത്. മുഖ്യമന്ത്രിയുടെ ഓഫിസുമായും കുടുംബവുമായും അടുത്ത ബന്ധമാണുണ്ടായിരുന്നത്. ആ ബന്ധമാണു മുഖ്യമന്ത്രി ക്ലിഫ് ഹൗസില്‍വച്ചു ദുരുപയോഗം ചെയ്തത് സരിത പറയുന്നു.
ഇതൊരു മരണക്കളിയാണ്. ഉമ്മന്‍ചാണ്ടിയെ താഴെയിറക്കാനുള്ള ഈ മരണക്കളിയുടെ ഫലം ഉടന്‍ പുറത്താവും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha