ഓര്‍മ്മയുണ്ടല്ലോ... ബിജു രാധാകൃഷ്ണന്‍ സോളാര്‍ കമ്മീഷന്റെ അഭിഭാഷകന്റെ നേതൃത്വത്തില്‍ പോലീസുകാര്‍ ഉള്‍പ്പെടെ ആറംഗ സംഘവും ചേര്‍ന്ന് മുഖ്യമന്ത്രിയുടെ വിവാദ സിഡി തേടി കോയമ്പത്തൂരില്‍ പോയത്. അന്ന് അവിടെനിന്നും മാറ്റിയെന്ന് പറയപ്പെടുന്ന ആ സിഡി ഇന്നത്തെ വെളിപ്പെടുത്തലോടെ വേറൊരുവിധത്തില്‍ പൊങ്ങുമോ എന്നാണ് മലയാളികളുടെ ആശങ്ക. ആ സി.ഡി. മോഷണം പോയെന്ന് ബിജു രാധാകൃഷ്ണന്‍ തന്നെ പറഞ്ഞിരുന്നു.
ആ സിഡിയും വിഷ്വലും എല്ലാം ഭദ്രമായ കൈകളിലാണെന്ന് റിപ്പോര്‍ട്ടുണ്ടായിരുന്നു. അത് വേണ്ട സമയത്ത് പുറത്ത് വരുമെന്നാണ് അന്ന് ആരോപണമുയര്‍ന്നത്. സരിതയുടെ കത്ത് പുറത്തായ സ്ഥിതിക്ക് ആ സിഡിയും ഇനി പൊങ്ങുമോന്ന് പലരും ആശങ്കപ്പെടുന്നു. ഇതൊരു മരണക്കളിയാണ്. യുഡിഎഫില്‍ നിന്നും പുറത്താക്കപ്പെട്ട ചിലരും ഒരു പ്രമുഖ ബാര്‍ മുതലാളിയുമാണ് ഇതിന് പിന്നിലെന്ന് ആരോപണമുണ്ട്. രാഷ്ട്രീയമല്ല പിന്നിലെന്ന് മുഖ്യമന്ത്രിയും വ്യക്തമാക്കിക്കഴിഞ്ഞു.
ഇതോടെയാണ് സിഡിയുടെ പുകമറയും. ഇത് സോഷ്യല്‍ മീഡിയയില്‍ എത്തിയാലത്തെ കാര്യം പറയുകയും വേണ്ട.
സോളാര്‍ കേസിലെ മുഖ്യമന്ത്രിക്കെതിരായ വിവാദ സിഡി കണ്ടെത്താന്‍ ബിജു രാധാകൃഷ്ണനുമായി കോയമ്പത്തൂരില്‍ എത്തിയ പോലീസ് സംഘത്തിന് അന്ന് സിഡി കണ്ടെടുക്കാനായില്ല. കോയമ്പത്തൂരില്‍ താന്‍ താമസിച്ചിരുന്ന സെല്‍വി എന്നയാളുടെ വീട്ടില്‍ സിഡി സൂക്ഷിച്ചിട്ടുണ്ടെന്ന ബിജുവിന്റെ മൊഴി പ്രകാരമാണ് ഇവിടെ പരിശോധന നടത്തിയത്. ബിജു രാധാകൃഷ്ണന്‍ ഏല്‍പ്പിച്ചിരുന്ന കവര്‍ സെല്‍വി ഉദ്യോഗസ്ഥര്‍ക്ക് കൈമാറി. പക്ഷെ കവറില്‍ സിഡി ഇല്ലായിരുന്നു. ബിജു പറയുന്നത് സിഡി കള്ളന്‍ കൊണ്ടുപോയിട്ടുണ്ടാകുമെന്നാണ്.
അതേസയം തന്റെ സിഡിയെപ്പറ്റി തിരുവഞ്ചൂര്‍ രാധാകൃഷ്ണന് അറിയാമെന്ന് സരിത നേരത്തെ സോളാര്‍ കമ്മീഷനിലും പറഞ്ഞിരുന്നു. എന്നാല്‍ സരിത പറയുന്ന സിഡിയുടെ കാര്യം തനിക്ക് അറിയില്ലെന്നും സരിതയുടെ ആരോപണത്തെ നിയമപരമായി നേരിടുമെന്നും തിരുവഞ്ചൂര്‍ പറഞ്ഞിരുന്നു. നാളുകള്‍ക്ക് മുന്‍പേ ഇത്തരം ഒരു ആരോപണം അന്തരീക്ഷത്തില്‍ ഉണ്ടായിരുന്നു. ആദ്യം പെന്‍ ഡ്രൈവുണ്ടെന്നും പിന്നീട് ഫോട്ടോയുണ്ടെന്നും ഇപ്പോള്‍ സിഡിയുണ്ടെന്നുമാണ് ആരോപണം. ഇതില്‍ നിന്നുതന്നെ ഇത് കള്ളക്കഥയാണെന്ന് വ്യക്തമാണെന്നും തിരുവഞ്ചൂര്‍ കൂട്ടിച്ചേര്‍ത്തു. ചാണ്ടി ഉമ്മന് സോളാര്‍ കമ്പനിയിലെ ഒരു സ്ത്രീയുമായി അവിഹിത ബന്ധമുണ്ടെന്നും ഇത് സംബന്ധിച്ച ദൃശ്യങ്ങള്‍ അന്നത്തെ ആഭ്യന്തരമന്ത്രിയായിരുന്ന തിരുവഞ്ചൂര്‍ രാധാകൃഷ്ണന്റെ കൈവശമുണ്ടെന്നും സരിത സോളാര്‍ കമ്മിഷനില്‍ മൊഴി നല്‍കിയിരുന്നു. ഈ ദൃശ്യങ്ങള്‍ മുന്‍നിര്‍ത്തി തിരുവഞ്ചൂര്‍ മുഖ്യമന്ത്രിയെ സമ്മര്‍ദ്ദത്തിലാക്കിയിരുന്നു എന്നും ആരോപണമുണ്ടായി.

എന്തായാലും എല്ലാവരുടെ മനസിലേക്കും ആ പഴയ സിഡിയാത്ര ഓടിയെത്തുകയാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha