എല്‍.ഡി.എഫ്. അധികാരത്തിലെത്തിയാല്‍ വി.എസ്. അച്യുതാനന്ദന്‍ മുഖ്യമന്ത്രിയാകില്ല. പകരം പിണറായിയായിരിക്കും മുഖ്യമന്ത്രി. മദ്യനയമാണ് നിയുക്ത മുഖ്യമന്ത്രിയുടെ ആദ്യപ്രസ്താവന. പിണറായിയുടെ മദ്യനയപ്രഖ്യാപനം കേട്ട് വി.എസ് മൂക്കത്ത് വിരല്‍ വച്ചു. സാധാരണ ഗതിയില്‍ മുഖ്യമന്ത്രിയെ തീരുമാനിക്കുന്നത് എം.എല്‍.എ. മാരാണ്. പിണറായി സീറ്റ് നല്‍കിയിരിക്കുന്നത് അദ്ദേഹത്തെ പിന്തുണക്കുന്നവര്‍ക്കാണ്. അച്യുതാനന്ദനൊപ്പം നില്‍ക്കുന്നവര്‍ക്ക് വിരലിലെണ്ണാവുന്ന സീറ്റുകള്‍പോലും നല്‍കിയിട്ടില്ല. തെരഞ്ഞെടുപ്പില്‍ ഇടതുമുന്നണി അധികാരത്തിലെത്തുകയാണെങ്കില്‍ പിണറായി നിഷ്പ്രയാസം മുഖ്യമന്ത്രിയാകും.
ഇതുസംബന്ധിച്ച് സീതാറാം യെച്ചൂരിയുമായി ചില രഹസ്യകരാറുകള്‍ ഉണ്ടായിട്ടുണ്ടെന്നും സൂചനയുണ്ട്. മുഖ്യമന്ത്രി സ്ഥാനത്തേക്ക് ആരെയും ഉയര്‍ത്തി കാണിക്കേണ്ടതില്ലെന്ന പ്രസ്താവന ഇതിന്റെ ഭാഗമാണ്. കേന്ദ്രം നേതൃത്വത്തിനു മുമ്പില്‍ വി.എസിന് മുഷ്ടി ചുരുട്ടേണ്ട തരത്തിലുള്ള ആരാധകപ്രവാഹവും അദ്ദേഹത്തിനില്ല. ബൃന്ദാകാരാട്ടും യെച്ചൂരിയും ചില ബംഗാള്‍ നേതാക്കളുമാണ് വി.എസിനൊപ്പമുള്ളത്. എന്നാല്‍ 94 വയസായ ഒരാള്‍ ഒരു സംസ്ഥാനത്തിന്റെ മുഖ്യമന്ത്രിയാകുന്നതിനോട് അവര്‍ക്കും യോജിപ്പില്ല.
വി.എസിന്റെ ഇടതു സര്‍ക്കാര്‍ അധികാരത്തിലെത്തുകയാണെങ്കില്‍ മുതിര്‍ന്ന അംഗമാക്കും എന്നതില്‍ കവിഞ്ഞ് യാതൊന്നും സംഭവിക്കില്ല. ചുരുക്കത്തില്‍ നരേന്ദ്രമോദി അധികാരത്തിലെത്തിയപ്പോള്‍ അദ്വാനിക്കുണ്ടായ അതേ അവസ്ഥയാണ് വിഎസിനെയും കാത്തിരിക്കുന്നത്. വി.എസ് മുഖ്യമന്ത്രിയാകുമെന്ന കട്ടില്‍ കണ്ട് ആരും പനിക്കേണ്ടതില്ലെന്ന് ചുരുക്കം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha