കളക്ടറെ വര്ഗീയ കാര്ഡ് ഇറക്കി വിരട്ടി; നടപടിക്കും സാധ്യത
പരവൂര് വെടിക്കെട്ടപകടത്തില് കളക്ടറെയും എ.ഡി.എമ്മിനെയും വിവിധ രാഷ്ട്രീയ പാര്ട്ടിക്കാര് വിരട്ടിയത് വര്ഗീയ കാര്ഡ് ഇറക്കിയെന്ന് സൂചന. കളക്ടര് എം. ഷൈനാമോളും എ.ഡി.എം. എ. ഷാനവാസും മുസ്ലീം സമുദായാംഗങ്ങളാണ്. മത്സരകമ്പം നടത്താന് അനുവദിച്ചില്ലെങ്കില് ഇരുവരെയും വച്ചുപൊറുപ്പിക്കില്ലെന്നുവരെ ഭീഷണിയുണ്ടായി. അതിനിടയില് കൊല്ലം കളക്ടര്ക്കും, എ.ഡി.എമ്മി.നും, എസ്.പി. ക്കുമെതിരെ നടപടിയെടുക്കാനും സര്ക്കാര് ആലോചിക്കുന്നു.
മത്സരകമ്പം നിരോധിക്കുക മാത്രമാണ് കളക്ടര് ചെയ്തത്. എന്നാല് മത്സരകമ്പമാണ് നടക്കാന് പോകുന്നതെന്നറിഞ്ഞിട്ടും ജില്ലാ മജിസ്ട്രേട്ട് കൂടിയായ കളക്ടര് തടഞ്ഞില്ലെന്നാണ് ആരോപണം. സര്ക്കാരിന്റെ ഉന്നതതലങ്ങളില് ഇതു സംബന്ധിച്ച് ആലോചനകള് മുറുകുകയാണ്. കൊല്ലം കളക്ടര്ക്കും, എസ്.പി.ക്കുമെതിരെ നടപടി വേണമെന്ന് ശൂരനാട് രാജശേഖരന് ഉള്പ്പെടെയുള്ള കോണ്ഗ്രസ് നേതാക്കള് ആവശ്യപ്പെട്ടു. വന്ദുരന്തം ഉണ്ടായിട്ടും കളക്ടര് അതിരാവിലെ സംഭവസ്ഥലത്ത് എത്താതിരുന്നതും വിവാദമാകുന്നു. ഉത്തരവ് പാസാക്കുന്ന ജഡ്ജിക്ക് സ്ഥലത്തെത്തി നിയമലംഘനം തടയാനാകുമോ? എന്ന ഷൈനാമോളുടെ പത്രസമ്മേളനത്തിനിടയിലെ ചോദ്യവും സര്ക്കാരിനെ പ്രകോപിപ്പിക്കുന്നു. അതേസമയം തിരുവനന്തപുരം കളക്ടര് ബിജു പ്രഭാകര് സംഭവം നടന്നത് തന്റെ ജില്ലയിലല്ലെങ്കില് പോലും പൊള്ളലേറ്റവര്ക്ക് മികച്ച ചികിത്സാ സൗകര്യങ്ങള് നല്കാന് ജാഗരൂകനായിരുന്നു.
സര്ക്കാര് പ്രഖ്യാപിച്ച ചികിത്സാ സഹായം കളക്ടര് സമയത്ത് വിതരണം ചെയ്തില്ലെന്ന ആക്ഷേപവും ശക്തമാണ്. ഇതിനെതിരെ കോണ്ഗ്രസ് നേതാക്കള് പരസ്യമായി പ്രതികരിച്ചിരുന്നു. കളക്ടറുടെ പ്രവര്ത്തനങ്ങള് തെരഞ്ഞെടുപ്പില് തിരിച്ചടിയാകുമെന്നാണ് നേതാക്കളുടെ ആരോപണം.
നേരത്തെ ഭവനനിര്മ്മാണ ബോര്ഡ് സെക്രട്ടറിയും നിര്മ്മിതികേന്ദ്രം ഡയറക്ടറുമായിരുന്നു ഷൈനാമോള്. ഒപ്പം രജിസ്ട്രേഷന് ഐ.ജി. യുടെ ചുമതലയും വഹിച്ചിരുന്നു. ഇക്കാലയളവില് മന്ത്രി അനൂപ് ജേക്കബുമായി ഉടക്കിയതിനെ തുടര്ന്നാണ് അവരെ തത്സ്ഥാനത്ത് നിന്നും നീക്കം ചെയ്തത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha