ഭക്ഷ്യസുരക്ഷാകമ്മീഷണര് പച്ചക്കറി വാങ്ങാറില്ല;കാരണം?
ഭക്ഷ്യസുരക്ഷാകമ്മീഷണര് ടി വി അനുപമ ഇപ്പോള് ഓപ്പണ്മാര്ക്കറ്റില് നിന്നും പച്ചക്കറി വാങ്ങാറില്ല.കീടനാശിനികളുടെ അമിതോപയോഗം ശരീരം കേടാക്കുമെന്ന് ഭയന്നാണ് പച്ചക്കറി വാങ്ങുന്നത് നിര്ത്തിയത്. കിറ്റ്സ് നടത്തുന്ന പച്ചക്കറിത്തോട്ടത്തില് നിന്നാണ് അനുപമ പച്ചക്കറി വാങ്ങാറുള്ളത്. താമസിക്കുന്ന വീടിനു സമീപം വീടുകളില് കൃഷിചെയ്യുന്ന പച്ചക്കറികളും വാങ്ങാറുണ്ട്.അനുപമയുടേയും ഭര്ത്താവിന്റേയും വീട്ടില് പച്ചക്കറി കൃഷിയുണ്ട്.തിരുവനന്തപുരത്ത് അവര് ഇപ്പോള് താമസിക്കുന്ന വീട്ടിലും പച്ചക്കറികൃഷി നടത്തിയിരുന്നു.എന്നാല് ഏതാനും ദിവസം മാറിനിന്നാല് കൃഷിനശിക്കുമെന്നായപ്പോള് അത് നിര്ത്തി.
കറിവേപ്പില,മല്ലിയില,പച്ചമുളക് എന്നിവയില് കീടനാശിനിയുടെ അംശം കൂടുതലായതിനാല് വാങ്ങാറില്ല.അത്യാവശ്യം വീട്ടുകാര്യത്തിന് പച്ചക്കറി വീട്ടില് നട്ടുവളര്ത്തുന്നുണ്ട്.അത് തന്നെ ധാരാളം.പച്ചമുളകും വീട്ടില്തന്നെയുണ്ട്.മല്ലിയില വേണ്ടെന്നു വയ്ക്കുന്നതിനാല് പ്രശ്നമില്ല.മറ്റ് പച്ചക്കറികളില് കീടനാശിനിയുടെ ഉപയോഗം കുറവാണെന്നാണ് പരിശോധനാഫലങ്ങള് തെളിയിക്കുന്നതെന്ന് റ്റി വി അനുപമ പറയുന്നു.
കീടനാശിനികള് തടയാനായില്ലെങ്കിലും കീടനാശിനികളുടെ അമിതോപയോഗമുള്ള സാധനങ്ങള് ഉപയോഗിക്കാതിരിക്കാനുള്ള സ്വാതന്ത്യം നമുക്കുണ്ടെന്ന് റ്റി വി അനുപമ പറയുന്നു.ഭക്ഷ്യസാധനങ്ങളിലെ വിഷാംശത്തിനെതിരെ ശക്തമായ സമരങ്ങളാണ് അനുപമ നയിച്ചിട്ടുള്ളത്.എന്നാല് പലതും ഫലവത്തായിട്ടില്ല. ഫലവത്താകണമെങ്കില് ഭരണപക്ഷം കൂടി ഇച്ഛാശക്തിയോടെ പെരുമാറണം.അനുപമയുടെ സമരങ്ങളോട് കീടനാശിനികമ്പനികള് പ്രതികരിച്ചത് വക്കീല്നോട്ടീസ് വഴിയാണ്.എന്നാല് കടലാസുപുലികളെ കാണിച്ച് തന്നെ പേടിപ്പിക്കേണ്ടതില്ലെന്നാണ് അനുപമയുടെ തീരുമാനം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha