കേരളം മയക്കുമരുന്നിന്റെ പിടിയില്; സ്വയം സൂക്ഷിക്കുക
പെരുമ്പാവൂരില് ക്രൂരപീഡനത്തിന് ഇരയായശേഷം കൊല്ലപ്പെട്ട ജിഷയും എറണാകുളം നഗരത്തില് പതിനേഴ് കുത്തുകള് ഏറ്റുവാങ്ങി മരിച്ച കുഞ്ഞും കേരളത്തെ പഠിപ്പിക്കുന്ന ചില പാഠങ്ങളുണ്ട്. ജീവന് വേണമെങ്കില് നമ്മുടെ കുഞ്ഞുങ്ങളെ ശ്രദ്ധിക്കുക.
ഇതും യു.ഡി.എഫ് സര്ക്കാരിന്റെ പ്രവര്ത്തനനേട്ടം തന്നെയാണ്. മലയാളികളെ കഞ്ചാവിനും ചരസിനും അടിമയാക്കിയശേഷം ഞാനൊന്നുമറിഞ്ഞില്ലേ രാമനാരായണ എന്ന മട്ടില് ഉമ്മന്ചാണ്ടി സര്ക്കാര് രംഗം വിടാനൊരുങ്ങുന്നു.
കേരളത്തില് മദ്യലഭ്യത കുറഞ്ഞതോടെയാണ് കഞ്ചാവും ചരസുമൊക്കെ രംഗം കീഴടക്കാന് തുടങ്ങിയത്. മദ്യത്തിന് മണമുണ്ട്. കഞ്ചാവിനും അത്തരത്തിലുള്ള മയക്കുമരുന്നുകള്ക്കും പഞ്ഞമില്ല. മയക്കുമരുന്ന് ഉപയോഗിച്ച് വാഹനം ഓടിച്ചാല് പോലും ആരും തിരിച്ചറിയില്ല.മദ്യലഭ്യത എളുപ്പമായിരുന്ന കാലത്ത് ആളുകള് മദ്യത്തെയാണ് ആശ്രയിച്ചിരുന്നത്. കേരളത്തില് മദ്യനയം നടപ്പിലാക്കിയതോടെ മദ്യലഭ്യതയില് കാര്യമായ ഇടിവ് സംഭവിച്ചു.
മയക്കുമരുന്ന് ഇന്ന് സാര്വത്രികമാണ്. തിരുവനന്തപുരത്തും എറണാകുളത്തും ഓട്ടോറിക്ഷകളില് വരെ മയക്കുമരുന്ന് ലഭിക്കുമെന്നാണ് കേള്വി. മദ്യം പിടിക്കാന് എക്സൈസുണ്ട്. എന്നാല് മയക്കുമരുന്നുകള് കണ്ടുപിടിക്കാന് യാതൊരു സാങ്കേതികജ്ഞാനവും പോലീസിന്റെ പക്കലില്ല. കഞ്ചാവും മറ്റും പ്രചരിപ്പിക്കുന്നവരെ കുറിച്ച് പോലീസിന് ശരിയായ ധാരണയുണ്ടെങ്കിലും കുറ്റവാളികളെ നിയമത്തിനു മുമ്പിലെത്തിക്കാന് അവര് ശുഷ്കാന്തി കാണിക്കുന്നില്ല. മയക്കുമരുന്നിന് അടിമകളാകുന്നവരാണ് മറ്റുള്ളവര് ചെയ്യാനറയ്ക്കുന്ന ക്രൂരതകള് കാണിക്കുന്നത്. മയക്കുമരുന്നിന് അടിമയാകുന്നവര് എന്താണ് ചെയ്യുന്നതെന്ന് അവര്ക്കുപോലുമറിവില്ല.
മദ്യപാനികള് ഒരു നിശ്ചിത സമയം കഴിഞ്ഞാല് അതില്നിന്നും മുക്തരാകും. എന്നാല് മയക്കുമരുന്ന് ഉപയോഗിക്കുന്നവര് അങ്ങനെയല്ല. ആര്ക്കും നിയന്ത്രിക്കാനാവാതെ അശ്വമേധം തുടരുകയാണ് ഇത്തരക്കാര്.
ഇവരില് നിന്നും നമ്മുടെ കുഞ്ഞുങ്ങളെ രക്ഷിക്കണമെങ്കില് നമ്മള് തന്നെ വിചാരിക്കണം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha