ജിഷയെ കൊന്നത് ജിഷയും വീട്ടുകാരുമായും ഏറെ അടുപ്പമുള്ള ഒരാളായിരിക്കും എന്ന നിഗമനത്തിലാണ് പോലീസ് നീങ്ങുന്നത്. ഇത് ജിഷയുടെ സഹോദരീഭര്‍ത്താവാണോ എന്ന് വെളിപ്പെടുത്താന്‍ പോലീസ് തയ്യാറല്ല. സഹോദരീ ഭര്‍ത്താവാണെന്ന തരത്തില്‍ പ്രചരണങ്ങളുണ്ടെങ്കിലും ഉന്നത പോലീസുദേ്യാഗസ്ഥര്‍ പോലും അത് സമ്മതിക്കുന്നില്ല.
ജിഷയുടെ തൊട്ടടുത്തുള്ള ഇതരസംസ്ഥാന കെട്ടിടനിര്‍മ്മാണ തൊഴിലാളിയുടെ തലയില്‍ കേസ് കെട്ടിവയ്ക്കാനുള്ള ശ്രമം ഊര്‍ജിതമാണ്. അതും എന്തുകൊണ്ടാണെന്ന് മനസിലാവുന്നില്ല. കെട്ടിടനിര്‍മ്മാണ തൊഴിലാളിയെ ജിഷയ്ക്ക് അറിയാമായിരുന്നെങ്കിലും അടുപ്പം ഉണ്ടായിരുന്നില്ല. ആരുമായും അടുപ്പം കൂടാത്തവരായിരുന്നു ജിഷയും അമ്മയും.
അതേസമയം ജിഷയുടെ എറണാകുളത്തെ സുഹൃത്തുക്കളെ കേന്ദ്രീകരിച്ചും പോലീസ് അനേ്വഷണം നടത്തുന്നുണ്ട്. ഏതെങ്കിലും തരത്തില്‍ കൊലപാതക ശ്രമം ഇവരിലേക്ക് നീങ്ങുന്നുണ്ടോ എന്നാണ് പോലീസ് അനേ്വഷിക്കുന്നത്. കാരണം നന്നായി അറിയാത്ത ഒരാള്‍ക്ക് വേണ്ടിയല്ലാതെ വീടിന്റെ വാതില്‍ തുറക്കാന്‍ ജിഷ തയ്യാറാവുകയില്ലെന്ന് പോലീസിനറിയാം. അതുകൊണ്ടുതന്നെ ഇതരസംസ്ഥാന തൊഴിലാളിക്കുവേണ്ടി ജിഷ വാതില്‍ തുറന്നെന്ന് പോലീസ് കരുതുന്നില്ല.
എന്നിട്ടും ഇതര സംസ്ഥാന തൊഴിലാളികളെ തന്നെ പോലീസ് നോട്ടമിടുന്നതാണ് ആര്‍ക്കും മനസിലാവാത്ത വസ്തുത. യഥാര്‍ത്ഥ പ്രതിയുടെ സ്വാധീനമാണോ അതോ പ്രതിയെ അറിയാമായിരുന്നിട്ടും കൂടുതല്‍ തെളിവുകള്‍ക്കായി പോലീസ് ശ്രമിക്കുന്നതാണോ എന്നും വ്യക്തമല്ല.
പ്രതിയെ അറസ്റ്റ് ചെയ്യാത്തതിനെതിരെ വന്‍ അമര്‍ഷമാണ് സര്‍ക്കാര്‍ തലത്തില്‍ രൂപം കൊണ്ടിരിക്കുന്നത്. തെരഞ്ഞെടുപ്പ് വേളയില്‍ സര്‍ക്കാരിന്റെ ഇമേജ് മോശമാക്കാനാണ് പോലീസുകാര്‍ ശ്രമിക്കുന്നതെന്ന് സര്‍ക്കാര്‍ തലത്തില്‍ ആരോപണമുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha