അങ്ങനെ ആദ്യമായി ശമ്പളവും മടങ്ങി ! ഇടതന്‍മാര്‍ കൊടുത്തു പണി.....
സരിതയെ ഇറക്കി ഉമ്മന്‍ചാണ്ടിയെ ഓടിക്കാന്‍ ശ്രമിക്കുന്ന ഇടതുപക്ഷം സര്‍ക്കാര്‍ ജീവനക്കാരുടെ ശമ്പളവും മുടക്കി. എന്നാല്‍ തെരഞ്ഞെടുപ്പ് പ്രചരണത്തിന്റെ തിരക്കിലാണ്ട ധനമന്ത്രി കൂടിയായ മുഖ്യമന്ത്രി ഇക്കാര്യം അറിഞ്ഞതേയില്ല.
ധനസെക്രട്ടറി ഡോ. കെ.എം. എബ്രഹാമാണ് ഇപ്പോള്‍ കേരളത്തിന്റെ ധന'മന്ത്രി'. അദ്ദേഹം ഗവര്‍ണറുടെ സെക്രട്ടറിയാവാന്‍ ശ്രമിച്ചിരുന്നെങ്കിലും നടന്നില്ല. അതിന്റെ വാശിയാണ് ഇപ്പോള്‍ തീര്‍ത്തത്.
ധനവകുപ്പിലെ ഉദേ്യാഗസ്ഥരില്‍ 90 ശതമാനവും ഇടതുപക്ഷക്കാരാണ്. ഇടതുപക്ഷ അനുഭാവികളാണെന്ന് മാത്രമല്ല ഇടതുപക്ഷ യൂണിയന്‍ പ്രവര്‍ത്തകരുമാണ്. ഇവരാണ് ധനവകുപ്പിന്റെ ശ്വാസം. അവരെ ഒഴിവാക്കി ഒരിക്കലും ഒരു സര്‍ക്കാരിനും ഭരിക്കാനാവില്ല.
ഉമ്മന്‍ചാണ്ടിയുടെ ഇമേജില്‍ അസ്വസ്ഥമായ ഇടതുപക്ഷം ഏറെ നാളുകളായി ജീവനക്കാരെ ഉപയോഗിച്ച് ഭരണം അട്ടിമറിക്കാന്‍ ശ്രമിക്കുകയായിരുന്നു. സരിതയെയും ബിജുരമേശിനെയും ഇറക്കി തളര്‍ന്നപ്പോള്‍ അവര്‍ കണ്ടെത്തിയ മറിമായമായിരുന്നു ലക്ഷക്കണക്കിന് സര്‍ക്കാര്‍ ജീവനക്കാരുടെ ശമ്പളം മുടക്കുക എന്ന ഐഡിയ. അങ്ങനെ ശമ്പളത്തിന് ഇലക്‌ട്രോണിക്‌സ് സംവിധാനം ഏര്‍പ്പെടുത്താന്‍ തീരുമാനിച്ചു. സാധാരണ തെരഞ്ഞെടുപ്പ് മാസം ഇത്തരം ഇടപാടുകളും പരിഷ്‌കാരങ്ങളുമെന്നും നടത്താറുള്ളതല്ല. കാരണം അങ്ങനെ നടത്തിയാല്‍ കളിപാളും.
ഇലക്‌ട്രോണിക്‌സ് സംവിധാനം ഏര്‍പ്പെടുത്തിയതോടെ കളിമാറി. ലക്ഷക്കണക്കിന് ജീവനക്കാരുടെ ശമ്പളം മുടങ്ങി. സാമ്പത്തിക പ്രതിസന്ധി കാരണം ശമ്പളം മുടങ്ങിയതായി ദേശാഭിമാനി ഒന്നാം പേജില്‍ വാര്‍ത്തയും കൊടുത്തു. മുഖ്യമന്ത്രിയുടെ ഓഫീസില്‍ ജോലിചെയ്യുന്ന ഒന്നിനുംകൊള്ളാത്ത ചില ജീവനക്കാര്‍ക്ക് 'ദേശാഭിമാനികളുടെ' കള്ളക്കളി മനസ്സിലായില്ല. അവര്‍ മുഖ്യമന്ത്രിയെ വിവരം അറിയിച്ചുമില്ല. ഇനിയുമുണ്ട് പതിനായിരങ്ങള്‍ ശമ്പളം വാങ്ങാനായി.
ഇതിനിടയില്‍ പെന്‍ഷനും മുടങ്ങി. പെന്‍ഷനും ശമ്പളവും ഉപയോഗിച്ചാണ് പലരും ജീവിക്കുന്നത്. തെരഞ്ഞെടുപ്പിന് ഒരാഴ്ച മുമ്പ് ഇങ്ങനെ സംഭവിച്ചാല്‍ ജീവനക്കാരും അവരുടെ കുടുംബാംഗങ്ങളും ആര്‍ക്കാവും വോട്ടുചെയ്യുക?
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
