എല്‍ ഡി എഫ് വരും എല്ലാം ശരിയാകും. ആപ്തവാക്യം തുണച്ചു അടുത്ത മുഖ്യന്‍ ആരെന്ന ചോദ്യം മാത്രം ഇനി ബാക്കി. വി എസിനെ നിര്‍ത്തി പട നയിച്ച ഇടതുപക്ഷത്തിന്റെ കണക്കുകൂട്ടലുകള്‍ ഒരിടത്തും പിഴച്ചില്ല. പാര്‍ട്ടിയില്‍ സര്‍വ്വാരാധ്യനായി അധികാരം ഉള്ള ഇനി സാക്ഷാല്‍ പിണറായിക്കാരന്‍ വിജയന്‍ തീരുമാനിക്കും കേരളത്തിന്റെ കാര്യങ്ങള്‍.
പാര്‍ട്ടിക്ക് എന്തുവിലകൊടുത്തും ഇത്തവണ ജയം അഭിമാന പ്രശനമായിരുന്നു. കേന്ദ്രത്തില്‍ ബിജെപി എത്തിയതുമുതല്‍ വിവിധ കേസുകളില്‍ പാര്‍ട്ടിക്ക് കനത്ത തിരിച്ചടിയായിരുന്നു. കൂടാതെ വെള്ളാപ്പള്ളിയുടെ നിലപാടുകളും പാര്‍ട്ടിയെ ആശങ്കയിലാക്കിയിരുന്നു. ഇടതിന്റെ വോട്ടുകളായിരുന്നു വെള്ളാപ്പള്ളി ലക്ഷ്യം വെച്ചത് എന്നാല്‍ കണക്കുകൂട്ടലുകള്‍ എല്ലാം അസ്ഥാനത്തായി.
എന്തുകൊണ്ട് വി എസിനെ വെട്ടി നിരത്തും. പാര്‍ട്ടിക്ക് വിഎസ് എന്നും അണികളെ കൂട്ടാനുള്ള ആളെന്നതിലപ്പുറം പാര്‍ട്ടിയില്‍ വിഎസ് ദുര്‍ബലനാണ്. പാര്‍ട്ടി എന്നും പിണറായിക്കൊപ്പമാണ്. എത്രയോ വര്‍ഷമായി പിണറായി കാത്തിരുന്നതാണ് ഈ വിജയം. വ്യക്തമായ ഭൂരിപക്ഷം നേടിയതോടെ ഇനി ആരുടെയും സഹായമില്ലാതെ പിണറായിക്ക് കാര്യങ്ങള്‍ തീരുമാനിക്കാം. വിഎസിന്റെ വിശ്വസ്തര്‍ അധികമൊന്നും ജയിച്ചുവന്നിട്ടില്ല. കൂടാതെ കേന്ദ്രത്തില്‍ പിണറായിക്കാണ് പിടി. യെച്ചൂരി വിഎസ്സിന്റെ പേരുപറഞ്ഞാലും ഭൂരിപക്ഷം പിണറായിയെ തുണക്കും. പാര്‍ട്ടിക്ക് നിര്‍ണായ സമയമാണ് ഇനി മുമ്പിലുള്ളത്.
പതിമൂന്ന് വര്‍ഷത്തെ വേദനകള്‍ക്കുള്ള മധുരപ്രതികാരമാണ് പിണറായി വിജയന്‍ ഇപ്പോള്‍ അനുഭവിക്കുന്നത്. ലാവ്‌ലിന്‍ കേസില്‍ തന്നെ പ്രതിസ്ഥാനത്ത് നിര്‍ത്തിയവരെ ഇനി പിണറായി ഒതുക്കും.
അച്യുതാനന്ദനായിരിക്കും പിണറായിയുടെ ആദ്യ ഇര. തന്നെ വര്‍ഷങ്ങളോളം വേട്ടയാടിയ വി.എസിനെ പിണറായി വെറുതെ വിടില്ല. അങ്ങനെ ഇനി പിണറായിയുടെ സമയം ബെസ്റ്റ് സമയം.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha