സി. ദിവാകരനെ ഒഴിവാക്കിയത് പിണറായി; എല്ലാവരും കരുതുന്നതുപോലെ കാനം രാജേന്ദ്രനല്ല കാരണം
സി.പി.ഐ നേതാവ് സി. ദിവാകരനെയും മുല്ലക്കര രത്നാകരനെയും വെട്ടിയത് പിണറായി വിജയന്. സി. ദിവാകരനെതിരെ കഴിഞ്ഞ എല്.ഡി.എഫ് മന്ത്രിസഭയുടെ കാലത്തുയര്ന്ന ചില വിവാദങ്ങളാണ് കാരണം. എന്നാല് അഴിമതി ആരോപണങ്ങള്ക്ക് അതീതനായ മുല്ലക്കര രത്നാകരനെ ഒഴിവാക്കിയത് സി. ദിവാകരനെ ഒഴിവാക്കിയതു കൊണ്ടുമാത്രമാണ്. അഴിമതിക്ക് അതീതമായ മന്ത്രിസഭയായിരിക്കണം വേണ്ടതെന്ന പിണറായിയുടെ കടുംപിടുത്തം കാരണമാണ് ദിവാകരന് ഒഴിവാകേണ്ടിവന്നത്. എല്ലാവരും കരുതുന്നതുപോലെ കാനം രാജേന്ദ്രനല്ല കാരണം.
അഴിമതിക്കാരായ മന്ത്രിമാരെ ഒഴിവാക്കണമെന്ന നിര്ദ്ദേശം കാനം രാജേന്ദ്രന് നല്കിയത് പിണറായി നേരിട്ട് തന്നെയാണ്. സത്യപ്രതിജ്ഞക്ക് മുമ്പ് എം.എന്. സ്മാരകത്തിലെത്തിയ പിണറായി കാനത്തെ അറിയിച്ചതാണ് ഇക്കാര്യം. സി.പി.ഐ മന്ത്രിമാരില് പുതുമുഖങ്ങള് മതിയെന്ന തീരുമാനവും പിണറായിയുടേതായിരുന്നു.
മുല്ലക്കര രത്നാകരനെ മന്ത്രിയാക്കാന് സി.പി.എമ്മിന് താത്പര്യമുണ്ടായിരുന്നെങ്കിലും സി. ദിവാകരനെ കരുതി വേണ്ടെന്നു വയ്ക്കുകയായിരുന്നു. പി.എസ്. സുനില്കുമാറിനെ മന്ത്രിയാക്കാന് നിര്ദ്ദേശിച്ചതും പിണറായിയാണ്. സുനില്കുമാറിന്റെ ജനപ്രീതിയും അഴിമതിവിരുദ്ധ ഇമേജുമായിരുന്നു കാരണം.
സി.പി.എമ്മിലെ നിയുക്ത മന്ത്രിമാരെയും സി.പി.എം അരിച്ചുപെറുക്കിയാണ് കണ്ടെത്തിയത്. അഴിമതിവിരുദ്ധ ഇമേജ് മാത്രമാണ് സി.പി.എമ്മിനുള്ളത്. അതുകൂടി നഷ്ടപ്പെട്ടാല് കേരളത്തിലും പാര്ട്ടി ഇല്ലാതാകുമെന്ന് പിണറായിക്കറിയാം. മികച്ച ഭരണം കാഴ്ച വച്ചാല് അടുത്ത അഞ്ചുകൊല്ലം കൂടി അധികാരത്തിലെത്താമെന്നാണ് പിണറായി കരുതുന്നത്. അതുകൊണ്ടുതന്നെ മന്ത്രിമാരെ തെരഞ്ഞെടുക്കുമ്പോള് കര്ശന നിരീക്ഷണം ഏര്പ്പെടുത്തും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha