ഒടുവില് കുഞ്ഞിക്കയും ഉമ്മന്ചാണ്ടിയെ കൈവിട്ടു
ഒടുവില് പി.കെ. കുഞ്ഞാലിക്കുട്ടിയും ഉമ്മന്ചാണ്ടിയെ കൈവിട്ടു. പ്രതിപക്ഷ നേതൃസ്ഥാനത്തേയ്ക്ക് ഉമ്മന്ചാണ്ടിയുടെ പേര് നിര്ദ്ദേശിക്കാന് ബുദ്ധിമുട്ടുണ്ടെന്നും പ്രതിപക്ഷ നേതാവിനെ തീരുമാനിക്കേണ്ടത് കോണ്ഗ്രസാണെന്നും കുഞ്ഞാലിക്കുട്ടി ഹൈക്കമാന്റിനെ അറിയിച്ചു. ഹൈക്കമാന്റ് പ്രതിനിധികള് കുഞ്ഞാലിക്കുട്ടിയുമായി നടത്തിയ അനൗപചാരിക ചര്ച്ചയിലായിരുന്നു നിര്ദ്ദേശം. കെ.എം. മാണിയുമായും ഹൈക്കമാന്റ് പ്രതിനിധികള് സംസാരിച്ചു എന്നാണ് സൂചന. മാണിയുടെ നിലപാട് വ്യക്തമല്ല. ഉമ്മന്ചാണ്ടിയും പ്രതിപക്ഷ നേതാവാകാന് യോഗ്യനാണ് എന്ന് നേരത്തെ മാണി വ്യക്തമാക്കിയിരുന്നു.
കുഞ്ഞാലിക്കുട്ടിയും മാണിയുമായി ഉമ്മന്ചാണ്ടി കഴിഞ്ഞദിവസം സംസാരിച്ചിരുന്നു. താന് പ്രതിപക്ഷ നേതാവാകാന് ഇല്ലെന്നും എന്നാല് ഹൈക്കമാന്റ് പറയുകയാണെങ്കില് ഏറ്റെടുക്കാം എന്നുമാണ് ചാണ്ടിയുടെ നിലപാട്. അതേസമയം ചാണ്ടിയെ വെട്ടാന് രമേശ് ചെന്നിത്തലയും എ.കെ. ആന്റണിയും വി.എം. സുധീരനും അടങ്ങുന്ന കോണ്ഗ്രസ് നേതാക്കള് രംഗത്തെത്തി. ഉമ്മന്ചാണ്ടിയെ പ്രതിപക്ഷ നേതാവാക്കിയാല് മുന്നോക്ക വോട്ടുകള് വീണ്ടും ചോരുമെന്നാണ് കോണ്ഗ്രസ് നേതാക്കളുടെ അഭിപ്രായം. അതിനിടെ കെ. ബാബു ഉള്പ്പെടെയുള്ള കോണ്ഗ്രസ് നേതാക്കള് ഉമ്മന്ചാണ്ടിക്ക് അനുകൂലമായി രംഗത്തെത്തി. എന്നാല് പല്ലുപോയ സിംഹങ്ങള് വിചാരിച്ചാല് കേരളത്തിലൊന്നും നടക്കില്ല.രമേശ് ചെന്നിത്തലയ്ക്കെതിരെ കെ. മുരളീധരനെ രംഗത്തിറക്കാനുള്ള നീക്കം എ ഗ്രൂപ്പിന്റേതാണ്. അനുഭവങ്ങളില് നിന്നും പഠിച്ച മുരളി പക്ഷേ ഇതിന് തയാറല്ല. കുഞ്ഞാലിക്കുട്ടിയും നിലപാട് മാറ്റിയതോടെ ഉമ്മന്ചാണ്ടിയുടെ കാര്യം പ്രതിസന്ധി യിലായിരിക്കുകയാണ്. ഒരു തിരിച്ചുവരവ് ഉമ്മന്ചാണ്ടിക്ക് ഉണ്ടാകുമോ എന്നു തന്നെ സംശയമാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha