കാരുണ്യയെ കൈവിടരുതെന്ന അപേക്ഷയുമായി മാണി പിണറായിയെ കണ്ടു
കെ.എം. മാണി പിണറായിയെ കണ്ടു. എന്റെ മാനസപുത്രിയായ കാരുണ്യയെ കൈവിടരുതെന്നായിരുന്നു മാണി നിയുക്ത മുഖ്യമന്ത്രിക്ക് മുമ്പില് സമര്പ്പിച്ച ആദ്യ അപേക്ഷ.
ഗവര്ണറെ കാണാന് ഒരുങ്ങുന്നതിനിടയിലാണ് പിണറായി വിജയനെ മുന്കൂട്ടി സമയം നിശ്ചയിച്ച് കെ.എം. മാണി കണ്ടത്. പിണറായിയുടെ ഫ്ളാറ്റിലായിരുന്നു കൂടികാഴ്ച. പത്തുമിനിറ്റോളം കൂടികാഴ്ച നീണ്ടുനിന്നു. ബൊക്കെയുമായെത്തിയ കെ.എം. മാണിയെ നിറഞ്ഞ ചിരിയോടെ പിണറായി സ്വീകരിച്ചു.
താന് ബജറ്റിലൂടെ അവതരിപ്പിച്ച കാരുണ്യ ഭാഗ്യക്കുറിയെ സംരക്ഷിക്കണമെന്നായിരുന്നു മാണിയുടെ ആദ്യ ആവശ്യം. റബര് വിലയിടിവ് മറികടക്കാന് വേണ്ട നടപടികളും സ്വീകരിക്കണം. കേരളത്തിലെ റബര് കര്ഷകര് അനുഭവിക്കുന്ന ദുരിതചിത്രം ചുരുങ്ങിയ സമയത്തിനുള്ളില് കെ.എം. മാണി പിണറായിയോട് പറഞ്ഞു.
കെ.എം. മാണിയുടെ സഹായം പിണറായി അഭ്യര്ത്ഥിച്ചു. ക്രിയാത്മക പ്രതിപക്ഷമായി പ്രവര്ത്തിക്കുമെന്ന് കെ.എം. മാണിയും ഉറപ്പുനല്കി.
ഏതായാലും ഉമ്മന്ചാണ്ടിയെക്കാളും പിണറായി വിജയന് കെ.എം. മാണിയോട് നീതി പുലര്ത്തും. കാരണം കോണ്ഗ്രസ് സര്ക്കാരാണല്ലോ മാണിയെ ഇന്നത്തെ അവസ്ഥയിലാക്കിയത്.
പിണറായിയെ കണ്ടശേഷം സി.പി.എം. നേതാവ് കെ. അനിരുദ്ധന്റെ വസതിയും മാണി സന്ദര്ശിച്ചു. കെ. അനിരുദ്ധന് മദ്രാസ് ലോ കോളേജില് കെ.എം. മാണിയുടെ സഹപാഠിയായിരുന്നു. എ. സമ്പത്ത് എം.പി. അനിരുദ്ധന്റെ മകനാണ്..
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
