തിരുവനന്തപുരം നഗര പ്രാന്തലിലെ ഒരു ഹോട്ടലിലുള്ള ബിയര്‍-വൈന്‍ പാര്‍ലലില്‍ സന്ദര്‍ശിക്കുമ്പോള്‍ അവിടെ ഒഴിച്ചു കൊടുക്കാന്‍ നില്‍ക്കുന്ന നേപ്പാള്‍ ബര്‍മ്മന്‍ യുവതികളെ കണ്ട് അത്ഭുതപ്പെടരുത്. കാരണം ഇടുക്കി ജില്ലയിലെ ചില റിസോര്‍ട്ടുകള്‍ കേന്ദ്രീകരിച്ച് നടന്നു വന്നിരുന്ന അന്യരാജ്യയുവതികളെ ഉപയോഗിച്ചുള്ള അന്യദേശ വ്യഭിചാരം പതിയെ പതിയെ തിരുവനന്തപുരത്തേക്കും പറിച്ചു നടപ്പെട്ടിരിക്കുന്നു. 

വിസിറ്റിംഗ് ടൂറിസം വിസയിലെത്തുന്ന അന്യ രാജ്യക്കാരില്‍ അധികം പേരും 25 വയസ്സിനു താഴെയുള്ളവരാണ്. ഇടുക്കിയിലെ റിസോര്‍ട്ടുകളില്‍ കഴിഞ്ഞ ഏതാനും വര്‍ഷങ്ങളായി ഇത്തരത്തിലുള്ള അന്യ രാജ്യമാംസക്കച്ചവടം പൊടിപൊടിക്കുന്നുണ്ട്. റിസോര്‍ട്ടുകള്‍ കേന്ദ്രീകരിച്ച് നടക്കുന്ന മാംസക്കച്ചവടം ഇപ്പോള്‍ ബ്യൂട്ടി പാര്‍ലറുകളിലേക്കും വ്യാപിച്ചിരിക്കുന്നു. കൈ നിറയെ പണം കിട്ടുമെന്നതാണ് ഇതിന്റെ പ്രത്യേകത. വീട്ടമ്മമാരും ഇത്തരം ഹൈക്ലാസ് കച്ചവടത്തില്‍ പങ്കാളികളാണെന്ന് പറയപ്പെടുന്നുണ്ട്. പണസമ്പാദനവും സുഖസമ്പാദനവുമാണ് ലക്ഷ്യം. 

ഇടുക്കിയിലെ വാഗമണ്ണിലാണ് ഇത്തരത്തില്‍ അന്യരാജ്യ പെണ്‍കുട്ടികള്‍ സ്ഥിരമായെത്തുന്നത്. വന്‍കിട ബിസിനസ് ഡീലുകള്‍ പറഞ്ഞുറപ്പിക്കുന്നത് ഇത്തരം സ്ഥലങ്ങളിലാണ്. മുന്‍ ചലച്ചിത്ര നിര്‍മ്മാതാവിന്റെ ഉടമസ്ഥതയില്‍ വാഗമണ്ണില്‍ റിസോര്‍ട്ടുണ്ട്. നേരത്തെ പണാപഹരണകേസില്‍ അദ്ദേഹം ആരോപണവിധേയനായിട്ടുണ്ട്. കോളേജ് വിദ്യാര്‍ത്ഥിനികള്‍ അടക്കമുള്ള പെണ്‍കുട്ടികള്‍ ഇത്തരം റിസോര്‍ട്ടുകളിലെത്താറുണ്ടത്രേ. ഇവിടെ വന്‍ രാഷ്ട്രീയ നേതാക്കളും സിനിമാക്കാരും നിത്യസന്ദര്‍കരാണെന്നും പറയുന്നു. 

അന്യരാജ്യ തൊഴിലാളികള്‍ നഗരത്തിലെ ഹോട്ടലുകളില്‍ ജോലിക്കെത്തിയിട്ടും അധികൃതര്‍ അറിഞ്ഞ മട്ടില്ല. ഇടുക്കിയിലെ കാര്യങ്ങളാണ് കൂടുതല്‍ രസകരം. വാഗമണ്ണിലെ ഏലപ്പാറയിലും എത്ര റിസോര്‍ട്ടുകള്‍ ഉണ്ടെന്നു പോലും സര്‍ക്കാരിനറിയില്ല.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha