പിന്നില് റിയല് എസ്റ്റേറ്റ് താത്പര്യം.. സ്കൂളുകള് പൂട്ടുന്നു.. താഴുവീഴാന് കാത്തിരിക്കുന്നത് 25 വിദ്യാലയങ്ങള്
ഇന്ന് സ്കൂളുകള് തുറന്നു. എന്നാല് കേരളത്തില് ഏതു നിമിഷവും പൂട്ടു വീഴാന് പോകുന്നത് 25 സ്കൂളുകള്ക്കാണ്. തൃശൂര് കിരാലൂര് പിഎം എല് പി സ്കൂള് കഴിഞ്ഞ ദിവസം അടച്ചു പൂട്ടി. എന്നാല് കോഴിക്കോട് മലാപറമ്പ് സ്കൂള് അടച്ചു പൂട്ടലിനെതിരെ യുദ്ധവുമായി നാട്ടുകാര് രംഗത്തുള്ളതു കാരണം ഇതേ വരെ താഴു വീണില്ല.
കേരള വിദ്യാഭ്യാസ നിയമത്തിലെ സ്കൂളുകള് പൂട്ടാന് ഉപയോഗിച്ചാണ് കണ്ണായ സ്ഥലങ്ങളിലുള്ള സ്കൂളുകള് പൂട്ടാന് എയ്ഡഡ് മാനേജര്മാര് ശ്രമിക്കുന്നത്. 25 എയ്ഡഡ് സ്കൂളുകള് പൂട്ടാനുള്ള അപേക്ഷകളാണ് പൊതു വിദ്യാഭ്യാസ വകുപ്പിന് മുന്നിലുള്ളത്. കിരാലൂരില് സംഭവിച്ചതു പോലെ പൂട്ടാന് അധികാരം നല്കിയാല് കേരളത്തിലെ എയ്ഡഡ് വിദ്യാലയങ്ങള്ക്ക് സംഭവിക്കാന് പോകുന്നത് കൂട്ടമരണമാണ്..
എയ്ഡഡ് സ്കൂള് നടത്തിപ്പില് മാനേജ്മെന്റ് പരാജയപ്പെട്ടാല് ബദല് സംവിധാനം എന്താണെന്ന് വിദ്യാഭ്യാസവകാശ നിയമത്തില് പറയുന്നില്ല. മലാപറമ്പ് സ്കൂള് സര്ക്കാര് ഏറ്റെടുക്കാന് തയ്യാറെടുക്കുകയാണെങ്കില് മാത്രം അടച്ചു പൂട്ടാതിരിക്കാന് സുപ്രീംകോടതി അനുവാദം നല്കും. എന്നാല് ഭാരിച്ച സാമ്പത്തിക ബാധ്യതയുള്ള ഇത്തരം നടപടികള് സര്ക്കാര് സ്വീകരിക്കുമോ എന്ന് കണ്ടറിയണം. എന്നാല് എയ്ഡഡ് സ്കൂള് നടത്തിപ്പിന് സംസ്ഥാന സര്ക്കാരിന് അധികാരം നല്കുന്ന വിധത്തില് നിയമഭേദഗതി കൊണ്ടു വരാമെങ്കില് അടച്ചു പൂട്ടല് ഒഴിവാക്കാം.പൊതു വിദ്യാലയങ്ങളില് കുട്ടികള് കുറയുന്നതിന്റെ കാരണവും ഇതോടൊപ്പം കണ്ടെത്തേണ്ടതുണ്ട്. പഠിപ്പിക്കാന് ചുമതലപ്പെടുത്തുന്നവര് നന്നായി പഠിപ്പിക്കുകയാണെങ്കില് വിദ്യാര്ത്ഥികളുടെ എണ്ണം കുറയുകയില്ല. അക്ഷരവും കണക്കും അറിയാത്ത ഒരു തലമുറയെ കേരളത്തില് വളര്ത്തി കൊണ്ടു വരുന്നത് ഇവിടത്തെ സര്ക്കാര് എയ്ഡഡ് വിദ്യാലയങ്ങള് തന്നെയാണെന്ന കാര്യം നാം മറക്കരുത്.
അധ്യാപകന് കൂടിയായ വിദ്യാഭ്യാസ മന്ത്രി ഇക്കാര്യം ശ്രദ്ധിച്ചാല് പൂട്ടു വീഴുന്ന സ്കൂളുകളെ രക്ഷിക്കാനാകും. ഇല്ലെങ്കില് ഏറ്റവും കൂടുതല് എയ്ഡഡ് വിദ്യാലയങ്ങള് പൂട്ടിയ വിദ്യാഭ്യാസമന്ത്രി എന്ന കുപ്രസിദ്ധിക്കും പ്രൊഫ.രവീന്ദ്രനാഥ് അര്ഹനാവുക.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha