ഭരണപരിഷ്‌ക്കാരം വേണോ? ഇല്ലെങ്കില്‍ ഒന്നുമില്ല... ബാധ്യതയാകുന്ന ഒരു സ്ഥാനമാനങ്ങളും നല്‍കില്ല; അദ്വാനിയായി വിഎസ്
ഭരണപരിഷ്‌കാര കമ്മീഷന്‍ ചെയര്‍മാന്‍ സ്ഥാനം ഏറ്റെടുക്കാന്‍ തയ്യാറായില്ലെങ്കില്‍ വിഎസ് അച്യുതാനന്ദന് പകരം സ്ഥാനങ്ങളൊന്നും നല്‍കേണ്ടതില്ലെന്നു തീരുമാനം. സീതാറാം യച്ചൂരി കഴിഞ്ഞ ദിവസം ഇക്കാര്യം വിഎസിനെ അറിയിച്ചു.
കാറും ഔദ്യോഗിക വസതിയും സ്റ്റാഫും അടക്കമുള്ള സ്ഥാനങ്ങളാണ് ഭരണപരിഷ്‌ക്കാര കമ്മീഷന്‍ ചെയര്‍മാന്റേത്. വിഎസിന് ഇപ്പോള്‍ ആവശ്യം ഇവ മൂന്നുമാണ്. സര്‍ക്കാരിന്റെ ഉപദേശകനാക്കാനോ എല്‍ഡിഎഫിന്റെ അധ്യക്ഷനാക്കാനോ സര്‍ക്കാര്‍ തയ്യാറല്ല. ഇത്തരം സ്ഥാനങ്ങള്‍ വിഎസിന് നല്‍കിയാല്‍ അത് ബാധ്യതയാകുമെന്നാണ് എല്‍ഡിഎഫ് കരുതുന്നത്.
വിഎസിന് സ്ഥാനലബ്ധി വൈകാനുള്ള മറ്റൊരു പ്രധാന കാരണം അദ്ദേഹം നേരിട്ട് സ്ഥാനം വേണമെന്ന് പറഞ്ഞ് കത്ത് നല്‍കിയതാണ്. സര്‍ക്കാരിനു പുറത്ത് മറ്റൊരു അധികാരകേന്ദ്രം ഉണ്ടാക്കുന്നതിനോട് ഘടക കക്ഷികള്‍ക്ക് താത്പര്യമില്ല.
ഭരണപരിഷ്‌ക്കാര കമ്മീഷന്‍ ചെയര്‍മാന്‍ സ്ഥാനം ഏറ്റെടുക്കാനാവില്ലെന്ന് വിഎസ് സംസ്ഥാന കേന്ദ്ര നേതൃത്വങ്ങളെ അറിയിച്ചിട്ടില്ല. തനിക്ക് വിഷയത്തില്‍ താത്പര്യമില്ലെന്ന് അദ്ദേഹം ഡല്‍ഹിയിലെ ചില മാധ്യമ പ്രവര്‍ത്തകരെ അറിയിക്കുകയായിരുന്നു. അവര്‍ സീതാറാം യച്ചൂരിയുമായി ബന്ധപ്പെടുകയും വിഷയം അവതരിപ്പിക്കുകയും ചെയ്തു. സീതാറാം യച്ചൂരി വിഎസിനെ ബന്ധപ്പെട്ടെന്നാണ് വാര്‍ത്ത.
ഏതായാലും തങ്ങള്‍ ഇതൊന്നും അറിഞ്ഞിട്ടില്ലെന്നാണ് സിപിഎം പറയുന്നത്. സംസ്ഥാന കമ്മിറ്റിയെ വിഎസ് ഒന്നും അറിയിച്ചിട്ടില്ല. ഡല്‍ഹിയിലെ മാധ്യമ പ്രവര്‍ത്തകര്‍ വഴി പുതിയ ലാവണം അന്വേഷിക്കുകയാണ് വിഎസ്. അത് നല്‍കാന്‍ കേന്ദ്രകമ്മിറ്റി തയ്യാറായില്ലെങ്കില്‍ പഴയപടി ഉപദ്രവം തുടരും. ഒടുവില്‍ സര്‍ക്കാരിനും പാര്‍ട്ടിക്കും വിഎസിന് മുന്നില്‍ സുല്ലിടേണ്ടി വരും. ഇല്ലെങ്കില്‍ വിഎസിനെ പാര്‍ട്ടിയില്‍ നിന്നും പുറത്താക്കേണ്ടി വരും.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്Likeചെയ്യുക
https://www.facebook.com/Malayalivartha
