വിവാദം അഞ്ജുവിനെ തിരിഞ്ഞുകൊത്തുന്നു... അഞ്ജുബോബിജോര്ജിനെതിരെ ത്വരിത പരിശോധന വരും....
അഞ്ജുബോബി ജോര്ജിനെതിരെ വിജിലന്സ് ത്വരിത പരിശോധന വന്നേക്കും. യുഡിഎഫ് സര്ക്കാരിന്റെ കാലത്ത് സ്പോര്ട്സ് കൗണ്സില് പ്രസിഡന്റായി നിയമിച്ച അഞ്ജുവിനോട് സ്ഥാനം ഒഴിയാന് കായികമന്ത്രി ജയരാജന് ആവശ്യപ്പെട്ടെങ്കിലും സാധ്യമല്ലെന്ന നിലപാടിലാണ് അഞ്ജു. എന്നാണ് രാജി വയ്ക്കുന്നത് എന്നു മാത്രമാണ് അഞ്ജുവിനോട് ജയരാജന് ചോദിച്ചത്. രാജി വയ്ക്കുന്ന പ്രശ്നമില്ലെന്ന മറുപടി കേട്ടപ്പോഴാണ് അഞ്ജുവിന്റെ ബാംഗ്ലൂര് യാത്രയെ കുറിച്ചു സഹോദരന്റെ നിയമനത്തെ കുറിച്ചും ജയരാജന് അന്വേഷിച്ചത്. അതോടെ പ്രകോപിതയായ അഞ്ജു മുഖ്യമന്ത്രിയെ കണ്ട് മന്ത്രിയ്ക്കെതിരെ വാക്കാല് പരാതി അറിയിച്ചു. എന്നാല് അഞ്ജുവിന്റെ കുഴപ്പങ്ങള് മുഖ്യമന്ത്രിക്ക് നന്നായറിയാം.
ബാംഗ്ലൂരില് കസ്റ്റംസ് ഉദ്യോഗസ്ഥയാണ് അഞ്ജു വല്ലപ്പോഴും മാത്രമാണ് അവര് കേരളത്തിലെത്തുന്നത്. എന്നാല് സ്പോര്ട്സ് കൗണ്സില് പ്രസിഡന്റ് സ്ഥാനം മുഴുവന് സമയ പ്രവര്ത്തനം ആവശ്യമുള്ളതാണ്. ദേശീയ അത്ലറ്റിക് ക്യാമ്പിന്റെ കോ-ഓര്ഡിനേറ്റര് പദവിയും അഞ്ജുവിനുണ്ട്. ഡപ്യൂട്ടേഷനിലാണ് പ്രസ്തുത പദവി അഞ്ജു വഹിക്കുന്നത്. ശമ്പളം നല്കുന്നത് കസ്റ്റംസ് വകുപ്പാണ്. ബാംഗ്ലൂരുവില് തന്റെ പേരില് ആരംഭിച്ച സ്പോര്ട്സ് അക്കാദമി നോക്കി നടത്തുകയാണ് അഞ്ജുവിന്റെ പ്രധാന ജോലി. പി.ടി ഉഷാ അക്കാദമിയുടെ ചുവടു പിടിച്ചാണ് അഞ്ജു ബാംഗ്ലൂരുവില് അക്കാദമി ആരംഭിച്ചത്. ഉഷയാകട്ടെ കേരളത്തിലാണ് അക്കാദമി തുടങ്ങിയത്. അഞ്ജുവാകട്ടെ കര്ണാടകത്തിലും സ്വന്തം ആവശ്യത്തിനും യാത്രകളുടെ ചെലവ് വഹിക്കുന്നത് കേരള സര്ക്കാരാണ്.
അഞ്ജുബോബി ജോര്ജിന്റെ സഹോദരന് അജിത് മാര്ക്കോസിനെ കൗണ്സിലില് നിയമിച്ചത് 80,000 രൂപ ശമ്പളത്തിലാണ്. ഗണേശന് നിയമിച്ച പത്മിനി തോമസിനെ ഒഴിവാക്കിയാണ് അഞ്ജു ബോബി ജോര്ജിനെ നിയമിച്ചത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha