ജിഷ കൊലക്കേസില്‍ തട്ടി പി.പി. തങ്കച്ചന്റെ രാഷ്ട്രീയ ഭാവി തകര്‍ന്നടിയുമോ എന്ന് മണിക്കൂറുകള്‍ക്കുള്ളില്‍ അറിയാം. ജോമോന്‍ പുത്തന്‍പുരയ്ക്കല്‍ മുഖ്യമന്ത്രിക്ക് നല്‍കിയ പരാതിയിലാണ് തങ്കച്ചന്റെ മൊഴിയെടുക്കാന്‍ പോലീസ് തീരുമാനിച്ചത്. തങ്കച്ചനെ ആയുധ പോലീസ് ക്ലബിലേക്ക് വിളിച്ചു വരുത്താനാണ് ആലോചിക്കുന്നത്. ഇല്ലെങ്കില്‍ അദ്ദേഹത്തിന്റെ വീട്ടിലെത്തി മൊഴിയെടുക്കും.
കഴിഞ്ഞ ദിവസം ആയുധ പോലീസ് ക്ലബിലെത്തിയ അഡീഷണല്‍ ഡിജിപി ബി സന്ധ്യ വിളിച്ചു ചേര്‍ത്ത ഉന്നത തല യോഗത്തിലാണ് തീരുമാനം. കോണ്‍ഗ്രസ് നേതാവിനെതിരെ ആരോപണം ഉയര്‍ന്ന സാഹചര്യത്തില്‍ അദ്ദേഹത്തിന്റെ മൊഴിയെടുക്കണമെന്നു തന്നെയാണ് യോഗത്തില്‍ പങ്കെടുത്ത ഉന്നത പോലീസുദ്യോഗസ്ഥന്‍ തീരുമാനിച്ചത്. എന്നാല്‍ ഇക്കാര്യം ആഭ്യന്തര വകുപ്പിന്റെ ചുമതലയുള്ള മുഖ്യമന്ത്രിയുമായി ആലോചിക്കണമെന്നായിരുന്നു ബി സന്ധ്യയുടെ തീരുമാനം.
അതേസമയം കോണ്‍ഗ്രസിന്റെ മുതിര്‍ന്ന നേതാവിനെ എത്രയും വേഗം ചോദ്യം ചെയ്യണമെന്ന ആവശ്യവുമായി ജോമോന്‍ പുത്തന്‍പുരയ്ക്കല്‍ മുഖ്യമന്ത്രിയെ കണ്ടു. മുഖ്യമന്ത്രി ജോമോന്റെ ആവശ്യത്തിന്മേല്‍ തീരുമാനമെടുക്കാന്‍ പരാതി ബി സന്ധ്യക്ക് കൈമാറി.
തങ്കച്ചനെ പിണക്കാന്‍ സര്‍ക്കാര്‍ ഒരുക്കമല്ല. ജിഷ കൊലപാതകത്തിലെ തെളിവ് നശിപ്പിക്കാന്‍ കൂട്ടു നിന്ന മൂന്നു മേലുദ്യോഗസ്ഥരെ സസ്‌പെന്റ് സസ്‌പെന്റ് ചെയ്യണമെന്ന ആവശ്യവുമായി ജിഷയുടെ പിതാവ് രംഗത്തെത്തിയതാണ് പ്രശ്‌നം. ഇവര്‍ ഉന്നത സ്വാധീനമുള്ള പ്രതികളെ സംരക്ഷിക്കാന്‍ കൂട്ടു നിന്നു എന്നാണ് ആരോപണം. ഉന്നത സ്വാധീനമുള്ള പ്രതികള്‍ എന്ന് പറയുന്നത് തങ്കച്ചനെയും സംഘത്തെയുമെന്നാണ് കരുതുന്നത്. കഴിഞ്ഞ സര്‍ക്കാരിന്റെ കാലത്താണ് അട്ടിമറി നടന്നതെന്ന് പാപ്പു ആരോപിക്കുന്നു. കൊലപാതകം നടന്ന് അഞ്ചു ദിവസം ഇക്കാര്യം മൂടിവച്ചു എന്നും പിതാവ് ആരോപിക്കുന്നു.
അതിനിടെ തങ്കച്ചനെ സഹായിക്കുന്നതില്‍ നിന്നും മുന്‍ ആഭ്യന്തരമന്ത്രി രമേശ് ചെന്നിത്തലയും കൂറുമാറി. തങ്കച്ചനെ സഹായിച്ചത് ചെന്നിത്തലയാണെന്ന മട്ടില്‍ ആരോപണങ്ങള്‍ ഉയര്‍ന്ന പശ്ചാത്തലത്തിലാണ് ഇത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha