എത്രതരം വെള്ളം ഉണ്ടെന്ന് അറിയാമോ? ഏഴു തരം വെള്ളമുണ്ട്. ഓരോന്നിനും ഓരോ പ്രത്യേകതകളും സവിശേഷതകളുമുണ്ട്. അറിഞ്ഞിരിക്കാം അവ ഏതെന്നും എന്തെന്നും.

1. ഇൻഫ്യൂസ് / ഡീ ടോക്സ് വാട്ടര്‍

അരിഞ്ഞ പഴങ്ങള്‍, പച്ചക്കറികള്‍, പച്ചമരുന്നുകള്‍ എന്നിവയ്ക്കൊപ്പം തണുപ്പിച്ച വെള്ളം ഒഴിച്ച് വെച്ച് കുറച്ച് സമയത്തിന് ശേഷം ഉപയോഗിക്കുന്നതാണ് ഇൻഫ്യൂസ് അഥവാ ഡിടോക്സ് വാട്ടര്‍. രുചിയില്‍ മാത്രമല്ല, ശരീരത്തിലെ വിഷാംശം അകറ്റുന്നതിനും ഇത് വളരെ പ്രയോജനപ്രദമാണ്. ശരീരഭാരം കുറയ്ക്കുന്നതിനും ഇത് സഹായിക്കും.
2. ടോണിക് വാട്ടര്‍
കോക്ടെയിലുമായി മിക്സ് ചെയ്യുന്നതിനായാണ് ടോണിക് വാട്ടര്‍
ഉപയോഗിക്കുന്നത്. വൈദ്യരംഗത്ത് ടോണിക്കുകളില്‍ ചേര്‍ക്കാനാണ് ഈ വെള്ളം ഉപയോഗിക്കുന്നത്.
3. സ്പാര്‍ക്ലിങ് വാട്ടര്‍
പ്രകൃതിദത്ത വാതകങ്ങള്‍- നാച്ചുറല്‍ ഗ്യാസ്- വെള്ളത്തില്‍ കടത്തിവിട്ട് നിര്‍മ്മിക്കുന്നതാണ് സ്പാര്‍ക്ലിങ് വാട്ടര്‍.

എന്നാല്‍ ചിലതില്‍ അമിതമായി പഞ്ചസാരയുടെ അംശം അടങ്ങിയിട്ടുള്ളതിനാല്‍ ആരോഗ്യത്തിന് അത്ര നല്ലതല്ല.
4. ആര്‍ ഒ വാട്ടര്‍  
റിവേഴ്സ് ഓസ്മോസിസ് അഥവാ ആര്‍ ഒ പ്രക്രിയയിലൂടെ തയ്യാറാക്കുന്ന വെള്ളമാണിത്. അര്‍ദ്ധതാര്യ പ്രതലത്തിലൂടെ വെള്ളം ശക്തിയായി കടത്തിവിട്ട് അണുക്കളെയും ബാക്ടീരിയകളെയും നശിപ്പിച്ചാണ് വെള്ളം നമ്മുടെ കൈകളിലെത്തുന്നത്.
5. ഫ്ലേവേര്‍ഡ് വാട്ടര്‍
പഴങ്ങളോ പച്ചക്കറികളോ പച്ച മരുന്നുകളോ വെള്ളത്തില്‍ ചതച്ച് ചേര്‍ത്ത് തയ്യാറാക്കുന്നതാണിത്. വിപണിയില്‍ ലഭ്യമാണെങ്കിലും സ്വന്തമായി തയ്യാറാക്കുന്നതാണ് ഏറ്റവും നല്ലത്. വിപണിയില്‍ ലഭ്യമായവയില്‍ കൃത്രിമ ഫ്ലേവറുകള്‍ ചേര്‍ക്കാനുള്ള സാധ്യതയുണ്ട്.

6. മിനറല്‍ വാട്ടര്‍ 
വെള്ളച്ചാട്ടങ്ങളില്‍ നിന്നും അരുവികളില്‍ നിന്നും ശേഖരിക്കുന്ന, മിനറലുകളും സള്‍ഫറും ഉപ്പും അടങ്ങിയിട്ടുള്ള ബോട്ടില്‍ഡ് വെള്ളമാണ് മിനറല്‍ വാട്ടര്‍.
7. ഡിസ്റ്റില്‍ഡ് വാട്ടര്‍
ലഭ്യമായതില്‍ വെച്ച് ഏറ്റവും ശുദ്ധമായ വെള്ളമാണിത്. 99.9 ശതമാനം ശുദ്ധമായിരിക്കും ഡിസ്റ്റില്‍ഡ് വാട്ടര്‍. വെള്ളത്തെ നീരാവിയാക്കി അത് തണുപ്പിച്ച് വീണ്ടും വെള്ളമാക്കിയാണ് ഡിസ്റ്റില്‍ഡ് വാട്ടർ തയ്യാറാക്കുന്നത്.