മലയാളികളുടെ പ്രിയ നായികയാണ് കീര്‍ത്തി സുരേഷ്. അഭിനേത്രി എന്ന നിലയില്‍ മാത്രമല്ല ചിട്ടയായ ജീവിതശൈലിയിലൂടെയും അപാരമായ ഫിറ്റ്നസും കീർത്തി കാത്ത് സൂക്ഷിക്കുന്നു .2020ല്‍ ചെയ്ത മിസ് ഇന്ത്യ എന്ന ചിത്രത്തിനു വേണ്ടി 20 കിലോയോളം ഭാരം കീര്‍ത്തി കുറച്ചിരുന്നു . ഭാരം കുറയ്ക്കാന്‍ ആഗ്രഹിക്കുന്നവര്‍ക്ക് വേണ്ടി ഫിറ്റ്നസ് രഹസ്യങ്ങള്‍ താരം വെളിപ്പെടുത്തി .

വീട്ടിലും ജിമ്മിലുമായി വെയ്റ്റ് ട്രെയ്നിങ് നിത്യവും ചെയ്യാറുണ്ട്. ജിമ്മിലെ വര്‍ക്ക് ഔട്ടിനു പുറമേ യോഗയും ചെയ്യുന്നു. മിസ് ഇന്ത്യയ്ക്ക് വേണ്ടി പെട്ടെന്ന് ഭാരം കുറയ്ക്കുന്നതിന് കാര്‍ഡിയോ വ്യായാമങ്ങളാണ് മുഖ്യമായും ചെയ്തത് . ട്രെഡ്മില്ലുകള്‍,സ്പിന്നിങ്, ഇന്‍ഡോര്‍ ബൈക്കുകള്‍, എന്നിവയിലും വര്‍ക്ക് ഔട്ട് ചെയ്യാറുണ്ട് . പൂര്‍ണമായും സസ്യാഹാരിയായ കീര്‍ത്തി വീട്ടിലുണ്ടാക്കുന്ന ഭക്ഷണം ലളിതമായിട്ടേ കഴിക്കൂ . ഭക്ഷണത്തിലെ ഈ നിയന്ത്രണവും 20 കിലോ ഭാരം കുറയ്ക്കാന്‍ സഹായിച്ചുവത്രെ .

പാല്‍, നട്സ്, സീഡുകള്‍, റൊട്ടി, പച്ചക്കറി, ചോറ് തുടങ്ങിയ ദക്ഷിണേന്ത്യന്‍ രുചികളാണ് കീര്‍ത്തിക്ക് ഇഷ്ട ഭക്ഷണം. ചെറിയ അളവിലുള്ള ഭക്ഷണം മാത്രം കഴിക്കാനും ശ്രദ്ധിക്കാറുണ്ട് . വൈകുന്നേരങ്ങളില്‍ സൂപ്പ്, ജ്യൂസ് പോലുള്ളവ കഴിക്കും . കൃത്യമായ വ്യായാമവും ലളിതമായ ഭക്ഷണവും വഴി ഭാരം നല്ല തോതില്‍ നിയന്ത്രിക്കാനാകുമെന്ന് കീര്‍ത്തി വെളിപ്പെടുത്തുന്നു.