ഏതൊരു ഭാര്യ ഭർത്താവും ഏറ്റവും കൂടുതൽ ആഗ്രഹിക്കുന്നതാണ് ഒരു കുഞ്ഞ്. എന്നാൽ ഗർഭധാരണം എന്നത് അത്ര എളുപ്പമുള‌ള ഒരു കാര്യമായി പലരും കരുതുന്നെങ്കിൽ ആ ചിന്തയിൽ പിശകുണ്ട്. വിദഗ്ദ്ധർ പറയുന്നതനുസരിച്ച് രണ്ട് മുതൽ മൂന്ന് ദിവസത്തിനിടെ ദമ്പതികൾ തമ്മിൽ നല്ല ലൈംഗികബന്ധം ഉണ്ടായാൽ മാത്രമേ ഗർഭധാരണം കൃത്യമായി നടക്കൂ

ഏ‌റ്റവുമധികം ഗർഭം സ്ഥിരീകരിക്കുന്നത് എല്ലാ ദിവസവും തമ്മിൽ ബന്ധപ്പെടുന്നവരിലോ ഒന്നിടവിട്ട ദിവസങ്ങളിൽ ശാരീരിക ബന്ധത്തിലേർപ്പെടുന്നവരിലോ ആണെന്ന് വിദഗ്ദ്ധർ പറയുന്നുണ്ട്. എല്ലാദിവസവും ലൈംഗികബന്ധത്തിൽ ഏർപ്പെടുന്നത് സാദ്ധ്യമല്ലെങ്കിൽ രണ്ടോ മൂന്നോ ദിവസത്തിനിടെയെങ്കിലും ബന്ധപ്പെടുന്നത് ഗർഭധാരണത്തിന് സഹായകവുമാണ്.

ദമ്പതികൾ തമ്മിൽ നിരന്തരം ബന്ധപ്പെട്ടാൽ അത് ഗർഭധാരണത്തിന് സാദ്ധ്യത കൂട്ടുമെന്ന് കോർടിജെനിക്‌സ് പ്രിവന്റീവ് ഹെൽത്ത് കമ്പനി സിഇഒ ഡോ. ആഡം മാസെ ചൂണ്ടിക്കാട്ടുന്നത്. എന്നാൽ സ്‌ത്രീയുടെ ആകെ ആരോഗ്യവും ഇക്കാര്യത്തിൽ പ്രധാനമാണ്. ഓവുലേഷൻ സമയത്ത് തന്നെ ബന്ധത്തിന് ദമ്പതികൾ ശ്രമിക്കണം.

ആർത്തവചക്രത്തിന്റെ ഭാഗമായ അണ്ഡോൽപാദനം ആർത്തവത്തിന് 10 മുതൽ 16 ദിവസത്തിനിടെയാണ് സംഭവിക്കുക.പതിനാല് ആഴ്‌ചകളിലെ കണക്കെടുത്താൽ ശരാശരി 100 തവണയിലേറെ ബന്ധപ്പെടുന്നത് ഉചിതമെന്ന് കണക്കുകൾ ചൂണ്ടിക്കാട്ടി വിദഗ്ദ്ധർ പറയുന്നത്.

യുവ ദമ്പതികളിൽ ഒന്നിടവിട്ട ദിവസങ്ങളിൽ ബന്ധപ്പെടുന്നവർക്ക് ഗർഭധാരണത്തിന് സാദ്ധ്യത ഏറെയാണ്. പുരുഷനും സ്‌ത്രീകളും ഗർഭധാരണത്തിന് ആഗ്രഹിക്കുന്നെങ്കിൽ കഫീൻ അടങ്ങിയ ഭക്ഷണം കുറയ്‌ക്കണം, അമിത ഭാരം ഒഴിവാക്കണം, കഠിനവ്യായാമം ചെയ്യരുത്, മദ്യപിക്കുകയോ പുകവലിക്കുകയോ ചെയ്യരുത്.