ബ്രെസ്റ്റ് ക്യാന്‍സര്‍ ഇന്ന് സ്ത്രീകളെ ബാധിയ്ക്കുന്ന ഒരു പ്രധാന രോഗമായി മാറിക്കഴിഞ്ഞു. ഏതു ക്യാന്‍സറിലും നാലു സ്റ്റേജുകളുണ്ട്. ആദ്യ രണ്ടു സ്റ്റേജുകളില്‍ ഇത് തുടങ്ങിയിടത്തു തന്നെ നില്‍ക്കുന്നു. അടുത്ത സ്റ്റേജുകളില്‍ ശരീരത്തിന്റെ മറ്റു ഭാഗങ്ങളിലേയ്ക്ക്‌ പടരുകയും ചെയ്യുന്നു. .

മറ്റെല്ലാ ക്യാന്‍സറുകളെപ്പോലെയും തുടക്കത്തില്‍ കണ്ടെത്തി ചികിത്സിയ്ക്കുകയാണെങ്കില്‍ പൂര്‍ണായും സുഖപ്പെടുത്താവുന്ന ഒന്നാണിത്. ഇതുകൊണ്ടു തന്നെ സ്തനാര്‍ബുദ പരിശോധനയ്ക്കും പ്രാധാന്യമേറുന്നു.

ആക്‌സിലറി ലിംഫ് നോഡിനെ ബാധിയ്ക്കുന്ന ഈ അസുഖം വളരെ സാവധാനമാണ് പടരുക. ബ്രെസ്റ്റ് ക്യാന്‍സര്‍ 50 മേല്‍ പ്രായമുളള സ്ത്രീകള്‍ക്കാണ് വരാന്‍ സാധ്യതയേറെ. കാരണം മെനോപോസ് എന്ന ഘടകം തന്നെ.

ഹോര്‍മോണുകളില്‍ വരുന്ന വ്യത്യാസമാണ് കാരണമായി വരുന്നത്. പല ക്യാന്‍സറുകള്‍ക്കും സ്‌ക്രീനിംഗ് ടെസ്‌ററില്ല, എന്നാല്‍ ബ്രെസ്റ്റ് ക്യാന്‍സറിന് സ്‌ക്രീനിംഗ് ഉണ്ട്. ലക്ഷണങ്ങളില്ലാത്തവരില്‍ അസുഖം കണ്ടെത്താനുള്ള ടെസ്റ്റുകളാണ് സ്‌ക്രീനിംഗ് ടെസ്റ്റുകള്‍. ഇതാണ് മാമോഗ്രാം.

ഒരു പരിധി വരെ സ്തനാര്‍ബുദ സൂചനകള്‍ നിങ്ങള്‍ക്ക് തന്നെ കണ്ടെത്താവുന്നതേയുള്ളൂ. എന്നാല്‍ മിക്ക സ്ത്രീകള്‍ക്കും ഇപ്പോഴും സ്തനങ്ങള്‍ എങ്ങനെയാണ് പരിശോധിക്കേണ്ടതെന്ന് അറിയില്ലെന്നതാണ് വാസ്തവം. എല്ലാ ആര്‍ത്തവത്തിനും ശേഷം സ്തനങ്ങള്‍ സൂക്ഷ്മമായി സ്വയം പരിശോധിക്കുക.ആര്‍ത്തവശേഷം പത്തു ദിവസങ്ങള്‍ക്കുള്ളില്‍ ഇത്തരം സ്വയം പരിശോധന നടത്തുന്നതാണ് നല്ലത്.

20 വയസിനു മുകളിലുള്ള സ്ത്രീകള്‍ക്കിത് ചെയ്യാം. കുളിയ്ക്കുന്ന സമയത്ത് മാറിടത്തിലൂടെ വിരലുകള്‍ അമര്‍ത്തി പരിശോധിയ്ക്കുക. നനഞ്ഞ ചര്‍മത്തില്‍ മുഴകളും തടിപ്പുകളും പെട്ടെന്ന് തിരിച്ചറിയാന്‍ സാധിയ്ക്കും.

കണ്ണാടിയുടെ മുന്നില്‍ നിന്നും സ്തനങ്ങളില്‍ എന്തെങ്കിലും മാറ്റമുണ്ടോയെന്നു കണ്ടെത്താം. നിവര്‍ന്ന് നിന്ന് തോള്‍ ഭാഗം നിവര്‍ത്തി വച്ച്‌ സ്വയമേ സ്തനപരിശോധനകള്‍ നടത്താം. ഇനി സ്തനങ്ങളില്‍ ഇനി ഒരു കണ്ണാടിയുടെ സഹായത്തോടെ സ്തനങ്ങളെ നോട്ടത്തിലൂടെ പരിശോധിക്കാം. ആകൃതി, വലിപ്പം എന്നിവയില്‍ എന്തെങ്കിലും വ്യത്യാസമോ, അസാധാരണത്വമോ ഉണ്ടോയെന്നാണ് നോട്ടത്തില്‍ പരിശോധിക്കേണ്ടത്.

ഒപ്പം തന്നെ സ്തനങ്ങളില്‍ നിറവ്യത്യാസം, പാടുകള്‍ എന്തെങ്കിലുമുണ്ടോയെന്നും പരിശോധിക്കുക. കാണാനുന്ന രീതിയില്‍ സ്തനങ്ങളുടെ ഏതെങ്കിലും ഭാഗത്ത് മുഴച്ചിരിക്കുന്നുണ്ടോയെന്നും പരിശോധിക്കുക. നിപ്പിള്‍ പരിശോധനയും പ്രധാനമാണ്. നിപ്പിള്‍ ഉള്ളിലേയ്ക്കു വലിഞ്ഞിട്ടുണ്ടോയെന്നും നിപ്പിളില്‍ അമര്‍ത്തി ഇതിനു പുറകിലായി എന്തെങ്കിലും തടിപ്പോ മുഴകളോ ഉണ്ടോയെന്നും നോക്കുക.

രണ്ട് കൈകളും പൊക്കിപ്പിടിച്ച ശേഷം ആദ്യഘട്ടത്തില്‍ ചെയ്ത അതേ കാര്യങ്ങള്‍ തന്നെ ചെയ്തുനോക്കുക. നിറവ്യത്യാസം, പാടുകള്‍ എന്തെങ്കിലുമുണ്ടോയെന്നും പരിശോധിക്കുക. കാണാനുന്ന രീതിയില്‍ സ്തനങ്ങളുടെ ഏതെങ്കിലും ഭാഗത്ത് മുഴച്ചിരിക്കുന്നുണ്ടോയെന്നും പരിശോധിക്കുക.

മൂന്നാം ഘട്ടത്തില്‍ ശ്രദ്ധിക്കേണ്ടത്, മുലക്കണ്ണുകളില്‍ നിന്ന് എന്തെങ്കിലും ദ്രാവകമോ നീരോ പുറത്തുവരുന്നുണ്ടോ എന്നതാണ്. മുലയൂട്ടുന്ന സ്ത്രീകളല്ലെങ്കില്‍ ഇക്കാര്യം ഗൗരവമായി എടുക്കണം. അത്തരത്തില്‍ മുലക്കണ്ണില്‍ നിന്ന് ദ്രാവകം പുറത്തുവരുന്നത് സ്തനാര്‍ബുദ ലക്ഷണമാകാം.