വിവാഹ നാളുകളിലെ ആ സ്നേഹം 50 വർഷം കഴിഞ്ഞും ഓർക്കണോ
04 OCTOBER 2022 10:15 PM IST
മലയാളി വാര്ത്ത
എത്ര തിരക്കേറിയ കാര്യങ്ങള് ചെയ്ത് തീര്ക്കേണ്ടതുണ്ടെങ്കിലും ഒരു ദിവസം പങ്കാളിയോടൊപ്പം രണ്ട് മിനിട്ട് സംസാരിച്ചു കൊണ്ട് ആരംഭിക്കാം. ഇത് നമ്മുടെ വൈകാരിക അടുപ്പം വളര്ത്തിയെടുക്കാന് സഹായിക്കും. ഇതിനൊപ്പം പങ്കാളിയുമായി കൂടുതല് അര്ത്ഥവത്തായ ഇടപഴകല് പ്രോത്സാഹിപ്പിക്കുകയും ചെയ്യും.
ദിവസം ആരംഭിക്കുന്നത് പോലെ തന്നെ പ്രധാനമാണ് ഉറങ്ങും മുന്പുള്ള 20മിനിട്ടും. ഒരു ദിവസം നിങ്ങളുടെ ജീവിതത്തിലെ കാര്യങ്ങള്, ഓഫീസിലെ വിശേഷങ്ങള്, തമാശകള് എല്ലാം പങ്കാളിയുമായി ഷെയര് ചെയ്യു. നിങ്ങളുടെ ദിവസത്തെക്കുറിച്ചും അനുഭവത്തെക്കുറിച്ചും പങ്കിടുന്നത് ബന്ധത്തെ ശക്തിപ്പെടുത്തുന്നതിനൊപ്പം നിങ്ങള്ക്ക് സന്തോഷവും ലഭിക്കും.
പങ്കാളിയോട് സത്യസന്ധത പുലര്ത്തേണ്ടത് വളരെ ആവശ്യമാണ്. ഒരിക്കല് കളവ് പറയേണ്ടി വന്നാല് പിന്നീട് അത് തുടരുവാനുള്ള പ്രേരണ നിങ്ങളിലുണ്ടാവും. ഇനിയത് കളവായിരുന്നു എന്ന് എന്നെങ്കിലും പങ്കാളി മനസിലാക്കിയാലും അത് ബന്ധത്തില് വിള്ളല് വീഴ്ത്താം.
ദിവസത്തില് കുറഞ്ഞത് അഞ്ച് മിനിട്ടെങ്കിലും സുരക്ഷിതവും സ്നേഹപൂര്വവുമായ ശാരീരിക സ്പര്ശനത്തില് ഏര്പ്പെടുക. അത് ഒരു ചുംബനമോ, ഹഗ്ഗ് ചെയ്യലോ, ഹൈഫൈയോ എന്തായാലും സന്ദര്ഭത്തിന് അനുസരിച്ച് ചെയ്യാം. ജീവിതമെന്ന കളിയില് ടീം വര്ക്കുണ്ടാകുവാന് ഇത് സഹായിക്കും. ഒപ്പം നിങ്ങളുടെ സന്തോഷവും, സങ്കടവും ഷെയര് ചെയ്യുന്നു എന്ന തോന്നലും അതുണ്ടാക്കും.
അവധി ദിവസങ്ങളില് ഇഷ്ടമുള്ള സ്ഥലങ്ങളിലേക്ക് യാത്ര പോവുക, പ്രിയപ്പെട്ട കഫേയിലോ പാര്ക്കിലോ പോകുക, പിണക്കങ്ങളുണ്ടെങ്കില് അവിടെ വച്ച് സംസാരിക്കുക തുടങ്ങിയ പ്രവര്ത്തികള് ബന്ധം മെച്ചപ്പെടുത്തും. നിങ്ങള് രണ്ടുപേരും ഇഷ്ടപ്പെടുന്ന പ്രിയപ്പെട്ട കഫേയിലോ പാര്ക്കിലോ പോകുക, ശാന്തമായി ഇരുന്നു നിങ്ങളുടെ പ്രശ്നങ്ങളെക്കുറിച്ച് സംസാരിക്കുക.
രാവിലെ വീട്ടില് നിന്നും ഓഫീസിലേക്ക് പോയാല് ഇടയ്ക്ക് ഒരു മിനിട്ടെങ്കിലും ഫോണില് സംസാരിക്കുകയോ, മെസേജ് അയക്കുകയോ ചെയ്യുക. സന്തുഷ്ടവും ആരോഗ്യകരവുമായ ബന്ധത്തിന്റെ താക്കോലാണ് ആശയവിനിമയം.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
