പ്രഭാതഭക്ഷണം ഐസ്‌ക്രീം ആക്കിയോലോ?
ഐസ്‌ക്രീം എന്നു കേള്‍ക്കുമ്പോള്‍ തന്നെ വായില്‍ വെള്ളമൂറും. ഐസ്‌ക്രീം കഴിക്കാന്‍ പ്രത്യേക സമയമൊന്നുമില്ല. സമയം ഏതായാലും ഐസ്‌ക്രീം കിട്ടിയാല്‍ കഴിക്കും. ഇനിമുതല്‍ പ്രഭാതഭക്ഷണത്തിന് ഐസ്‌ക്രീം ആക്കിയാലോ? കേള്‍ക്കുമ്പോള്‍ തന്നെ വായില്‍ വെളളമൂറുന്നുണ്ടല്ലേ. ഇനി ധൈര്യമായി രാവിലെ എണീറ്റയുടനെ ഐസ്‌ക്രീം കഴിച്ചോളു. പ്രഭാതഭക്ഷണമായി ഐസ്‌ക്രീം കഴിക്കുന്നത് ആളുകളെ കൂടുതല്‍ മിടുക്കരും കൂടുതല്‍ നന്നായി ജോലി ചെയ്യാന്‍ പ്രാപ്തരും ആക്കുമത്രേ.
ഒരു സംഘം സന്നദ്ധ പ്രവര്‍ത്തകരെ രണ്ട് ഗ്രൂപ്പായി തിരിച്ച് ഒരു ഗ്രൂപ്പിന് ഉണര്‍ന്നയുടനെ ഐസ്‌ക്രീമും രണ്ടാമത്തെ ഗ്രൂപ്പിന് സാധാരണ പ്രഭാതഭക്ഷണവും നല്‍കിയാണ് പഠനം നടത്തിയത്. തുടര്‍ന്ന് ഇവരുടെ തലച്ചോറിന്റെ പ്രവര്‍ത്തനം അളന്നപ്പോള്‍ ഐസ്‌ക്രീം കഴിച്ചവരില്‍ ഉയര്‍ന്ന ആവൃത്തിയിലുള്ള ആല്‍ഫാ തരംഗങ്ങള്‍ ഉണ്ടായതായി കണ്ടു. ഇത് കൂടുതല്‍ ശ്രദ്ധാലു ആക്കുന്നതോടൊപ്പം മാനസിക അസ്വസ്ഥതകളെ കുറയ്ക്കുകയും ചെയ്യുന്നതായി കണ്ടെത്തി. ഐസ്‌ക്രീം കഴിക്കുന്നത് തലച്ചോറിന്റെ പ്ലഷര്‍ സെന്ററുകളെ ഉദ്ദീപിപ്പിക്കും. എന്നാല്‍ ഇതിനൊരു മറുവശം കൂടിയുണ്ട്. പഞ്ചസാര ഉപദ്രവകാരിയാണ്. ദീര്‍ഘകാലം ഉപയോഗിച്ചാല്‍ വിഷാദത്തിനും തലച്ചോറിന്റെ പ്രവര്‍ത്തനങ്ങള്‍ കുറയാനും കാരണമാകും.
https://www.facebook.com/Malayalivartha
