ഗര്‍ഭധാരണ സാധ്യതയുള്ള എല്ലാ ദിവസവും ബന്ധപ്പെടണോ?, ലൈംഗികബന്ധ ശേഷം ഗര്‍ഭധാരണം ഉറപ്പാക്കാന്‍ ശ്രദ്ധിക്കേണ്ട കാര്യങ്ങള്‍, ആശങ്കകള്‍ക്കും സംശയങ്ങള്‍ക്കും പരിഹാരമിതാ!
ദാമ്പത്യ ജീവിതത്തില്‍ പ്രധാനപ്പെട്ട ഒന്നാണ് ലൈംഗികബന്ധം. വിവാഹം കഴിഞ്ഞ ദമ്പതികളില്‍ ഗര്‍ഭധാരണത്തെക്കുറിച്ച് നിരവധി ആശങ്കളുണ്ടാകാം. എത്രയും പെട്ടെന്ന് ഗര്‍ഭം ധരിക്കണോ, ലൈംഗികബന്ധശേഷം ഗര്‍ഭധാരണം ഉറപ്പാക്കാന്‍ ശ്രദ്ധിക്കേണ്ട കാര്യങ്ങള്‍, ഗര്‍ഭധാരണത്തിനായി എല്ലാം ദിവസവും ലൈംഗികബന്ധം നടത്തണോ എന്നിങ്ങനെ സംശയങ്ങള്‍ അനവധിയാണ്.
എന്നാല്‍ ഗര്‍ഭധാരണം ഉറപ്പാക്കാന്‍ ശ്രദ്ധിക്കേണ്ട കാര്യങ്ങളെ കുറിച്ചാണ് ഇനി പറയുന്നത്. വിവാഹം കഴിഞ്ഞ് 8 മുതല്‍ 12 വരെ മാസം കഴിഞ്ഞ് ഗര്‍ഭം ധരിക്കുന്നതാണ് നല്ലത്. പരസ്പരം അറിയാനും മനസ്സിലാക്കാനും അടുപ്പം വളര്‍ത്താനും ഈ സമയം ഉപയോഗിക്കാം. നല്ല അച്ഛനും അമ്മയുമാകാനുള്ള മാനസിക തയാറെടുപ്പുകളും ഈ കാലയളവില്‍ നടത്താം.
ബന്ധപ്പെട്ടതിനു ശേഷം 20-30 മിനിറ്റു നേരം ബെഡില്‍ തന്നൈ കിടക്കുക. ഇതിനുശേഷം മാത്രം മൂത്രമൊഴിക്കുകയോ കഴുകുകയോ ചെയ്യാം. ഇത് ബീജം യോനിയില്‍തന്നെ ആയിരിക്കാന്‍ സഹായിക്കും. ആഴത്തില്‍ ലിംഗപ്രവേശം സാധ്യമാകുന്ന ലൈംഗിക നിലകള്‍ സ്വീകരിക്കാം. ജെല്ലുകള്‍ പോലുള്ള കൃത്രിമ ലൂബ്രിക്കന്റുകള്‍ ബീജത്തിന്റെ ചലനശേഷിയെ ബാധിക്കാമെന്നുള്ളതുകൊണ്ട് ഇവ ഉപയോഗിക്കാതിരിക്കാന്‍ ശ്രദ്ധിക്കണം.
ഗര്‍ഭധാരണ സാധ്യതയുള്ള എല്ലാ ദിവസവും ബന്ധപ്പെടണോ?: സ്ത്രീകളില്‍ ഗര്‍ഭധാരണം നടക്കാന്‍ ഏറ്റവും സാധ്യതയുള്ള ദിവസങ്ങള്‍ കണ്ടെത്തി ബന്ധപ്പെട്ടാല്‍ മതിയാകും. കൃത്യമായി 28 ദിവസങ്ങളുള്ള ആര്‍ത്തവചക്രമുള്ളവര്‍ക്ക് 14-ാം ദിവസമാകും അണ്ഡവിസര്‍ജനം നടക്കുക. ഇവര്‍ക്ക് 11 മുതല്‍ 14 വരെയുള്ള ദിവസങ്ങളില്‍ ഗര്‍ഭധാരണത്തിനായി ബന്ധപ്പെടാം.
https://www.facebook.com/Malayalivartha
