സെക്സിനെ കുറിച്ച് വാചാലരാകുന്നത്?
സെക്സിനെ കുറിച്ചും രതിമൂര്ച്ചയെ കുറിച്ചും പലരും വാചാലരാകാറുണ്ട്. സെക്സിന് ശേഷം സംസാരത്തിലേക്ക് കടക്കുന്നത് പുരുഷന്മാരെ അപേക്ഷിച്ച് സ്ത്രീകളാണെന്നാണ് പഠനങ്ങള് പറയുന്നത്. എന്നാല് എല്ലാ സ്ത്രീകളും ഇങ്ങനെ സംസാരിക്കുന്നുമില്ല. ഇതിന് കാരണം ഓര്ഗാസം അനുഭവിക്കുന്ന സ്ത്രീകളിലാണ് ഓക്സിടോസിന് ഹോര്മോണ് കൂടുന്നത് എന്നതുകൊണ്ടാണ്. ഓക്സിടോസിന് കൂടിയ അവസ്ഥയില് അവള്ക്ക് അവനോട് കൂടുതല് വിശ്വാസവും അടുപ്പവും തോന്നുമത്രേ. അതാണ് സംതൃപ്തിയുള്ള സെക്സിന് ശേഷം അവള് തന്റെ ഏറ്റവും അഗാധമായ വികാരങ്ങളെ കുറിച്ച് അവനോട് വാചാലയാകുന്നത്.
രതിമൂര്ച്ഛ അനുഭവിച്ച സ്ത്രീകളാണ് അനുഭവിക്കാത്തവരെ അപേക്ഷിച്ച് സെക്സിന് ശേഷം പങ്കാളിയോട് ഹൃദയം തുറന്ന് സംസാരിക്കുന്നവരെന്ന് ശാസ്ത്രജ്ഞ അമാന്ഡ ഡെനിസ് (പ്രൊഫസര്,കമ്മ്യൂണിക്കേഷന് വിഭാഗം, കണക്റ്റിക്കട്ട് സര്വകലാശാല, യുഎസ്എ) കണ്ടെത്തി. രതിമൂര്ച്ഛക്ക് ശേഷം സ്ത്രീയിലും പുരുഷനിലും ട്രസ്റ്റ് ഹോര്മോണ് എന്നറിയപ്പെടുന്ന ഓക്സിടോസിന്റെ അളവ് കൂടുന്നു. പക്ഷെ ഈ ഘട്ടത്തില് ഒരു പ്രത്യേക ശാരീരിക മാറ്റം ഇണകളില് സംഭവിക്കുന്നു.
പുരുഷനില് ടെസ്റ്റോസ്റ്റെറോണ് എന്ന ഹോര്മോണ് കൂടി ഉത്പാദിപ്പിക്കപ്പെടുന്നു. തല്ഫലമായി രതിമൂര്ച്ഛയെത്തുടര്ന്ന് ശാരീരമാറ്റങ്ങളെ ടെസ്റ്റോസ്റ്റെറോണ് മന്ദഗതിയിലാക്കുന്നു. ഇക്കാരണത്താല് സെക്സിന് ശേഷം പുരുഷന്മാര് പെട്ടന്ന് മറ്റുകാര്യങ്ങളിലേക്ക് ശ്രദ്ധ മാറ്റുന്നു. പെട്ടെന്ന് ഒരു തണുപ്പന് മട്ടുകാരനാകും.
സെക്സിനെ കുറച്ച് തുറന്ന് സംസാരിക്കുന്നത് കൂടുതല് രസകരവും ആനന്ദകരവുമാക്കും. ഇഷ്ടാനിഷ്ടങ്ങളെ കുറിച്ച് ആദ്യമേ തന്നെ ചോദിക്കൂ. ബെഡ്ഡില് എന്താണ് ആഗ്രഹിക്കുന്നതെന്ന് സംസാരിക്കുന്നത് ലൈംഗികതയിലേക്ക് കടക്കാനുള്ള ഉത്തേജനമായി മാറും. സ്വന്തം കാര്യം മാത്രം നോക്കി പോവുന്നവരുണ്ട്. താല്പര്യപ്പെട്ട് പുതിയൊരു പൊസിഷന് അവര്ക്കെത്ര അരോചകമാണെന്ന് ഓര്ക്കില്ല ചിലര്. ഇത്തരം അസ്വാരസ്യങ്ങള് തുടര്ന്ന് ക്രമേണ വിവാഹബന്ധം തന്നെ തകര്ന്നു പോയേക്കാം.
ലൈംഗികതയില് എന്താണ് താല്പര്യമില്ലാത്തതെന്ന് അങ്ങോട്ടുമിങ്ങോട്ടും പറയാം. അതിര് വെക്കാതെ ആസ്വദിക്കാന് കഴിയുന്നത് എന്തൊക്കെ എന്നും അറിയിക്കാം. നിങ്ങള് തയ്യാറാല്ലാത്തതിന് പങ്കാളി ചിലപ്പോള് തയ്യാറായെന്ന് വരാം. തുറന്ന സംസാരിത്തിലൂടെ മാത്രമേ ഇതെല്ലാം അറിയാന് സാധിക്കൂ. സെക്സില് പരസ്പരമുള്ള ശരീരഭാഷ ശ്രദ്ധിക്കുന്നതും നല്ലതാണ്.
അസ്വസ്ഥത കണ്ണുകളിലുണ്ടോ, ടെന്ഷനടിക്കുന്നുണ്ടോ എന്നെല്ലാം. പലര്ക്കും ശാരീരിക ബന്ധം കഴിഞ്ഞ ഉടന് സംസാരിക്കാന് വലിയ താല്പര്യമാണ്. പ്രത്യേകിച്ചും സ്ത്രീകള്ക്ക്. അവര് അവരുടെ ഉള്ളിലുള്ള പല കാര്യങ്ങളും ആ സമയം തുറന്നുപറഞ്ഞെന്നു വരും. അനിഷ്ടമുണ്ടാക്കുന്ന വിഷയങ്ങള്, മറ്റു ബന്ധങ്ങളെ പറ്റിയോ, വ്യക്തിപരമായ ദോഷങ്ങളെ കുറിച്ചോ ആ സമയത്ത് പറയാതിരിക്കുന്നതാണ് ഭംഗി.
https://www.facebook.com/Malayalivartha
