വെളുത്തുളളിയെകുറിച്ചും അതിന്റെ ചില ഗുണങ്ങളെകുറിച്ചും നമുക്കെല്ലാര്‍ക്കും അറിയാം. വെളുത്തുളള സ്വാദിനുമാത്രമല്ല ആരോഗ്യത്തിനും ഏറെ ഗുണംചെയ്യും. നല്ലൊരു ഔഷധവുമാണ് വെളുത്തുളളി. ഇഷ്ടമില്ലെങ്കിലും വെളുത്തുളളി കഴിക്കുന്നത് ഇനി ശീലമാക്കണം. രാവിലെ വെറുംവയറ്റില്‍ വെളുത്തുള്ളി ചതച്ചത് കഴിക്കുന്നത് ശരീരത്തിന് വളരെ നല്ലതാണ്. വെളുത്തുള്ളി പച്ച ചതച്ചു കഴിയ്ക്കുന്നതാണ് ഏറെ നല്ലത്. ചതയ്ക്കുമ്പോള്‍ ഈ ഗുണങ്ങള്‍ നല്‍കുന്ന അലിസിന്‍ ആഗിരണം ചെയ്യാനുള്ള ശരീരത്തിന്റെ കഴിവ് വര്‍ദ്ധിയ്ക്കും. വെളുത്തുളളിയുടെ ഗുണങ്ങള്‍ എന്തൊക്കെയെന്ന് നമുക്ക് നോക്കാം.

വെറുംവയറ്റില്‍ അടുപ്പിച്ച് വെളുത്തുള്ളി കഴിയ്ക്കുന്നത് തടി കുറയാന്‍ ഏറെ സഹായകമാണ്. ബിപി, കൊളസ്‌ട്രോള്‍ എന്നിവ ഒരാഴ്ച കൊണ്ട് കുറയ്ക്കാന്‍ വെളുത്തുള്ളി ചതച്ചത് കഴിയ്ക്കുന്നതിലൂടെ സാധിയ്ക്കും. ഹൃദയവാല്‍വുകള്‍ കട്ടി പിടിയ്ക്കുന്ന ആര്‍ട്ടീരിയോക്ലീറോസിസ് എന്ന പ്രശ്‌നത്തിനുള്ള നല്ലൊരു പരിഹാരം. ഓസ്റ്റിയോആര്‍െ്രെതറ്റിസ്, ഡയബെറ്റിസ്, പ്രോസ്‌റ്റേറ്റ് എന്നീ പ്രശ്‌നങ്ങള്‍ക്കുള്ള നല്ലൊരു മരുന്നു കൂടിയാണിത്. ശരീരത്തിന് പ്രതിരോധശേഷി നല്‍കാനും വെളുത്തുള്ളി ഏറെ നല്ലതുതന്നെ. ദഹനത്തിനും അസിഡിറ്റി പോലുള്ള പ്രശ്‌നങ്ങള്‍ക്കും വെറുംവയറ്റില്‍ വെളുത്തുള്ളി ചതച്ചതു കഴിയ്ക്കുന്നത് ഏറെ ഗുണം ചെയ്യും.