മട്ടുപ്പാവ് കൃഷിയിൽ ശ്രദ്ധിക്കേണ്ടതെന്തെല്ലാം
ഇന്ന് മട്ടുപ്പാവ് കൃഷി ഏവരെയും സ്വാധീനിച്ചിട്ടുണ്ട്. പലരും പല വീട്ടിലും ഇപ്പോള് കൃഷിയ്ക്കായി ടെറസ് ഉപയോഗിക്കാറുണ്ട്. എന്നാല് ടെറസില് കൃഷി ചെയ്യുന്നവര് അറിഞ്ഞിരിയ്ക്കേണ്ട ചില കാര്യങ്ങളുണ്ട്. ഇത്തിരി സ്ഥലത്തു ഒത്തിരി വിളയിച്ചെടുക്കാൻ ചില വഴികളുണ്ട്. തോട്ടം തയ്യാറാക്കുമ്പോള് എങ്ങനെയെല്ലാം അതിനെ സജ്ജീകരിയ്ക്കാം എന്നതിനെക്കുറിച്ച് ആദ്യമേ തന്നെ അറിഞ്ഞിരിയ്ക്കണം. പറ്റിയ സ്ഥലം തിരഞ്ഞെടുക്കുകയാണ് ആദ്യം വേണ്ടത്. സൂര്യപ്രകാശം ലഭിയ്ക്കുന്ന തുറന്ന സ്ഥലങ്ങള് ആയിരിക്കണം കൃഷിയ്ക്കായി തിരഞ്ഞെടുക്കേണ്ടത്. സൂര്യപ്രകാശം അധികമാവാനും പാടില്ല. എങ്കിൽ അത് പ്രതികൂലമായി തന്നെ നമ്മുടെ കൃഷിയെ ബാധിക്കും.
കൃഷിക്കായി തിരഞ്ഞെടുക്കേണ്ട മണ്ണിന്റെ കാര്യത്തിലും ഏറെ ശ്രദ്ധിക്കേണ്ടതുണ്ട്. ഓര്ഗാനിക് കൃഷിയാണെങ്കില് അതില് ചാണകവും ചേര്ത്ത് വേണം മണ്ണ് തയ്യാറാക്കാന്. വീട്ടില് ഉപയോഗിച്ച് ബാക്കി വരുന്ന പഴങ്ങളും പച്ചക്കറികളും ഉപയോഗിച്ച് കമ്പോസ്റ്റ് തയ്യാറാക്കണം. ഇതും മുകളില് ചാണകവും മണ്ണും തയ്യാറാക്കിയതിന്റെ കൂടെ ചേര്ക്കാം. വീട്ടിലെ എപ്പോഴും ലഭ്യമാകുന്ന പാഴ്വസ്തുക്കളാണ് ഏറ്റവും നല്ല വളങ്ങളെന്നും നമ്മൾ വിസ്മരിച്ചുകൂടാ.
തക്കാളി, മുളക്, ചീര എന്നിങ്ങനെയുള്ള വേഗത്തില് വളരുന്ന പച്ചക്കറികള് മാത്രം ആദ്യം തിരഞ്ഞെടുക്കുക. നിത്യേന നനച്ചു കൊടുക്കേണ്ടത് ആവശ്യമാണ്. അതിലും ശ്രദ്ധ ആവശ്യമാണ്. അധികം നനയ്ക്കുകയും ചെയ്യരുത്. ഇത് വേരുകള് ചീയാന് കാരണമാകും. മാത്രമല്ല മണ്ണിലെ പോഷകങ്ങള് നശിക്കാനും ഇത് കാരണമാകും. ജൈവ വളം മാത്രം ഉപയോഗിക്കുക. വളം ചേർക്കേണ്ട കാലയളവ് കൂടി ശ്രദ്ധിക്കണം. ഇല്ലെങ്കിൽ വെളുക്കാൻ തേച്ചത് പാണ്ടാകും. ഈ വക കാര്യങ്ങളിൽ അല്പം ശ്രദ്ധിച്ചാൽ നമുക് ആവശ്യമുള്ള പച്ചക്കറികൾ നമ്മുടെ ടെറസിൽ തന്നെ വിളയിച്ചെടുക്കാം.
https://www.facebook.com/Malayalivartha