ചാണകവും നെറ്റിലൂടെ എത്തിക്കും!
കൃഷിയിലും കൃഷിരീതികളിലും എന്തെല്ലാം പുതുമകള്‍ കണ്ടെത്താം. പലതുമുണ്ട്. മൃഗങ്ങളുടെ മാലിന്യത്തില്‍ നിന്നും ചെടികളില്‍ നിന്നും വൈദ്യുതി ഉല്‍പാദിപ്പിക്കാം. ആര്‍ക്കും ഉപയോഗമില്ലാതെ പുറംതള്ളുന്ന ചാണകം വരെ വിറ്റ് കാശാക്കാം.
രാജസ്ഥാനിലെ കോട്ടയിലെ മൂന്നു യുവ സംരംഭകരാണ് ചാണകം വില്‍പന നടത്തുവാന്‍ ഒരു ഇ-കൊമേഴ്‌സ് പോര്‍ട്ടല്‍ തുടങ്ങിയത്. ചെറിയ കാര്യമാണെന്നു കരുതരുത്. സംഗതി സീരിയസാണ്. 40 ഏക്കറില്‍ പരന്നു കിടക്കുന്നതാണ് 'ഗവു' ഫാം. ഇവിടെ നിന്ന് ലഭിക്കുന്ന ചാണകത്തിന് ആവശ്യക്കാര്‍ ഏറെയുണ്ട്.
രാജ്യത്തിന്റെ വിവിധ ഭാഗങ്ങളില്‍ നിന്ന് ഇ കൊമേഴ്‌സ് പോര്‍ട്ടല്‍ വഴി ചാണകം ഓര്‍ഡര്‍ ചെയ്യുന്നവരുടെ എണ്ണം കൂടി വരുന്നതായി ഡയറക്ടര്‍ അമന്‍പ്രീത് സിങ് പറയുന്നു. 12 എണ്ണം 120 രൂപയ്ക്കാണ് വില്‍ക്കുന്നത്. പ്രതിവാരം 15 ബുക്കിങ് ലഭിക്കും. കഴിഞ്ഞ മൂന്നു മാസമായി വില്‍പന തകൃതി.
ചാണകം സംസ്‌കരിച്ച് വൃത്താകൃതിയിലാക്കിയാണ് വില്‍പന. കടലാസ് പെട്ടിയില്‍ ഭംഗിയായി പാക്ക് ചെയ്താണ് ആവശ്യക്കാര്‍ക്ക് എത്തിച്ചുകൊടുക്കുന്നത്.
https://www.facebook.com/Malayalivartha
