വീടിനു മോടി കൂട്ടാം ലാന്‍ഡ്‌ സ്‌കേപ്പിലൂടെ
നമ്മുടെ വീട്‌ എത്ര ചെറുതോ ആകട്ടെ. വന്നുകയറുന്നവര്‍ ആദ്യം ശ്രദ്ധിക്കുന്നത്‌ മുറ്റമായിരിക്കും. തരിശായ മുറ്റം എല്ലാവരുടെ മനസ്സിനേയും മരവിപ്പിക്കും. അവിടെ പുല്ലും മനോഹരമായ ചെടികളും വച്ചുപിടിപ്പിച്ചാല്‍വീടിന്റെ മനോഹാരിത കൂടും. മനോഹരമായ ഒരു പൂന്തോട്ടം എല്ലാവരുടേയും ഒരു സ്വപ്‌നമാണ്‌. ആ സ്വപ്‌നം സാക്ഷാത്‌കരിക്കാന്‍ അധികമൊന്നും മെനക്കെടേണ്ട. അല്‍പ്പ പണവും സമയവും മാത്രം മതി. ആര്‍ക്കും തങ്ങളുടെ മുറ്റം മനോഹരമായി മോടിപിടിപ്പിക്കാം. പ്ലാനിംഗ്‌
പ്രകൃതിയുമായി വീടിനെ കൂട്ടിയിണക്കുക എന്നത്‌ പരമപ്രധാനമാണ്‌. നല്ലൊരു ഡിസൈനറുടെ സേവനത്തിലൂടെയോ സ്വന്തം ഭാവനക്കനുസരിച്ചോ പ്ലാന്‍ തയ്യാറാക്കാം. ഏതെല്ലാം ഭാഗങ്ങളില്‍ എന്തെല്ലാം ചെടികള്‍ നടണം എന്ന കണക്കുകൂട്ടല്‍ ഉണ്ടായിരിക്കണം. പ്രകൃതിയുടെ സന്തുലിതാവസ്ഥയ്‌ക്ക്‌ കോട്ടം വരാത്ത രീതിയില്‍ ഘടനയില്‍ അല്ലറ ചില്ലറ വ്യത്യാസം വരുത്തുന്നതാണ്‌ നല്ലത്‌. മണ്ണിന്റേയും കാലാവസ്ഥയുടേയും ഘടകങ്ങളും ഉള്‍ക്കൊള്ളണം.
തരംതിരിക്കല്‍
വാഹനം കടന്നുപോകാനുള്ള വഴി, നടപ്പാത, കളിക്കാനുള്ള സ്ഥലം, വിശ്രമ സ്ഥലം, എന്നിങ്ങനെ ലാന്‍ഡ്‌ സ്‌കേപ്പ്‌ ചെയ്യാനുള്ള സ്ഥലം പലതായി വിഭജിക്കണം. ഓരോ സ്ഥലവും എങ്ങനെ ഭംഗികൂട്ടാം എന്നതും പ്രധാനമാണ്‌. പൂന്തോട്ടത്തിന്റെ പരമമായ ലക്ഷ്യം തന്നെ നീട്‌ മനോഹരമാക്കുക എന്നുള്ളതാണ്‌. ആ സ്ഥലത്തുള്ള ചെടികള്‍ക്കും വൃക്ഷങ്ങള്‍ക്കും അധികം കോട്ടം തട്ടാത്ത വിധത്തിലായിരിക്കണം പൂന്തോട്ടം ഡിസൈന്‍ ചെയ്യാന്‍. ചെടികള്‍
നമ്മുടെ പ്രകൃതിക്കിണങ്ങിയ ചെടികള്‍ വേണം നടേണ്ടത്‌. തിരു മുറ്റത്ത്‌ പൊക്കംകൂടിയ തരം ചെടികള്‍ നട്ട്‌ വീടിന്റെ പകിട്ട്‌ കളയരുത്‌. വൈവിദ്ധ്യം പരമാനധി കുറച്ച്‌ കാലാവസ്ഥയേയും കീടരോഗങ്ങളേയും ചെറുക്കുന്നവയായിരിക്കണം തിരഞ്ഞെടുക്കേണ്ടത്‌. നമ്മുടെ പരമ്പരാഗത ചെടികള്‍ കുറെയൊക്കെ തിരഞ്ഞെടുക്കുന്നതില്‍ തെറ്റില്ല. പരിചരണം കുറവായ വരണ്ട കാലാവസ്ഥയെ അതിജീവിക്കുന്ന നിരവധി അലങ്കാര ചെടികള്‍ ഇന്ന് സുലഭമാണ്‌,
പുല്‍ത്തകിടി
പുല്‍ത്തകിടിയില്ലങ്കില്‍ എന്തോന്ന്‌ പൂന്തോട്ടം എന്നു ചിന്തിക്കുന്നവരാ അധികവും. പരമാവധി പുല്‍ത്തകിടി കുറയ്‌ക്കുകയാണ്‌ നല്ലത്‌. കാരണം ലാന്‍ഡ്‌സ്‌കേപ്പിംഗില്‍ ഏറ്റവും ചെലവ്‌ കൂടുയതും പരിചരണം ആവശ്യമുളേളതും പുല്‍ത്തകിടിക്കാണ്‌. കൂടാതെ കൂടുതല്‍ വെള്ളവും ഇതിനായി വേണം. പുല്‍ത്തകിടിയെ പ്രകൃതിദത്തമായ ജിയോ ബ്ലാങ്കറ്റ്‌ ഉപയോഗിച്ച്‌ വച്ചു പിടിപ്പിച്ചാല്‍ ജലത്തിന്റേയും വളത്തിന്റേയും അളവ്‌ കുറയ്‌ക്കാനാകും. ഗ്രൗണ്ട്‌ കവറിംഗ്‌ സസ്യങ്ങള്‍, പെബിള്‍സ്‌, സ്റ്റോണ്‍ ചിപ്‌സ്‌ തുടങ്ങീ പരിചരണം കുറഞ്ഞും ആകര്‍ഷകവുമായ മാര്‍ഗങ്ങള്‍ ഉപയോഗിച്ചും പൂന്തോട്ടം മനോഹരമാക്കാം.
ഇങ്ങനെ പ്രകൃതിക്കിണങ്ങിയ രീതിയില്‍ പൂന്തോട്ടമൊരുക്കി നമ്മുടെ വീടും ഒരു ഗ്രീന്‍ ഹൗസാക്കി മാറ്റാം. ശുദ്ധവായുവും മാനസികോല്ലാസവും പ്രതാനം ചെയ്യുന്ന ഇത്തരം ലാന്‍ഡ്‌ സ്‌കേപ്പിങ്ങുകള്‍ നമ്മുടെ പോസിറ്റീവ് എനര്‍ജി കൂട്ടുമെന്നതില്‍ തര്‍ക്കമില്ല.
https://www.facebook.com/Malayalivartha
