സർക്കാർ ഇടപെടേണ്ടത് ക്ഷേത്ര കാര്യങ്ങളിലല്ല . നാട്ടിലെ ക്രമസമാധാന പ്രശ്നങ്ങളിലാണെന്നു ഹൈക്കോടതി ക്ഷേത്ര നടത്തിപ്പിൽ സർക്കാരിന് ഇടപെടാനാവില്ല. ദേവസ്വം ബോർഡിനോട് ഓരോ കാര്യങ്ങളും ആജ്ഞാപിക്കരുത് .ശബരിമല വിഷയവുമായി ബന്ധപ്പെട്ട മൂന്ന് ഹർജികളാണ് ഹൈക്കോടതി ഇന്ന് പരിഗണിച്ചത്.   ദേവസ്വത്തിന്റെ അധികാരത്തില്‍ സര്‍ക്കാര്‍ ഇടപെടുന്നുവെന്ന് സൂചിപ്പിച്ചുകൊണ്ടുള്ള ഹര്‍ജി കോടതി ഒക്ടോബർ 30 ന് പരിഗണിച്ചിരുന്നു.ഇതിൽ ശബരിമലയില്‍ തീര്‍ത്ഥാടനവുമായി ബന്ധപ്പെട്ട് എടുക്കുന്ന തീരുമാനങ്ങള്‍ യഥാസമയം കോടതിയെ അറിയിക്കണമെന്ന് സര്‍ക്കാരിന് നിര്‍ദ്ദേശം നൽകിയിരുന്നു.   സുപ്രീം കോടതി വിധിയുടെ പശ്ചാത്തലത്തിൽ യുവതികളെത്തിയാൽ സന്നിധാനത്തിൽ എത്തിക്കാൻ സർക്കാർ ശ്രമിക്കുന്നതിനു ഇടയിലാണ് ഹൈക്കോടതിവിധി. യുവതികൾ പ്രവേശിച്ചാൽ എന്ത് വിലകൊടുത്തും തടയുമെന്ന് സംഘപരിവാർ സംഘടനകളും പ്രതിരോധിക്കാൻ കണ്ണൂരിലെ സി.പി.എം, ഡിവൈ.എഫ്.ഐ സഖാക്കളും ശബരിമലയിൽ എത്തിയിരിക്കുകയാണ് . ഇത് ശബരിമലയിൽ ക്രമസമാധാന പ്രശ്നങ്ങൾ ഉണ്ടാക്കുമെന്ന് ഉറപ്പാണ്..   ക്രമസമാധാനം ഉറപ്പിക്കുക എന്നതാണ് സർക്കാരിന്റെ ഉത്തരവാദിത്തം.ശബരിമല വിഷയത്തിൽ കടും പിടുത്തം ഒഴിവാക്കി സമവായത്തിന്റെ രീതി സ്വീകരിക്കണമെന്നാണ് പൊതുവെയുള്ള അഭിപ്രായം. ക്ഷേത്രങ്ങളുടെ ആചാരങ്ങളുമായി ബന്ധപ്പെട്ട വിഷയത്തിൽ തീർപ്പ് കല്പിക്കേണ്ടത് ദേവസ്വം ബോർഡാണ് . അതിൽ സർക്കാർ ഇടപെടേണ്ട കാര്യമില്ല. ശബരിമലയിൽ യുവതീ പ്രവേശനമുണ്ടായാൽ നടയടച്ചു ശുദ്ധി കലശം ചെയ്യുമെന്നാണ്‌  തന്ത്രിയുടെ തീരുമാനം .