ശബരിമലയില്‍ മനുഷ്യാവകാശ ലംഘനമെന്ന് പിഎസ് ശ്രീധരന്‍പിള്ള. ശബരിമലയിലേത് ദുരന്ത പൂര്‍ണമായ അന്തരീക്ഷമാണെന്നും വിശ്വാസികളുടെ മനുഷ്യാവകാശം ലംഘിക്കപ്പെട്ടുവെന്നും പിഎസ് ശ്രീധരന്‍പിള്ള മാധ്യമങ്ങളോട് പറഞ്ഞു. കേന്ദ്ര മനുഷ്യാവകാശ കമ്മീഷന് ബിജെപി പരാതി നൽകിയിട്ടുണ്ട്.
ശബരിമലയിലെത്തിയവര്‍ക്ക് മുറികളും കുടിവെള്ളവും സഞ്ചാര സ്വാതന്ത്ര്യവും നിഷേധിക്കപ്പെട്ടു. സമാധനത്തോടെ ദര്‍ശനം നടത്താന്‍ വിശ്വാസികള്‍ക്ക് സാധിച്ചില്ല.
ശബരിമലയിലെ കടന്നുകയറ്റത്തില്‍ സര്‍ക്കാര്‍ മാപ്പ് പറയണമെന്നും ശ്രീധരന്‍പിള്ള ആവശ്യപ്പെട്ടു. കഴിഞ്ഞ ദിവസം ക്രമസമാധനത്തെ സംബന്ധിച്ച് ഗവര്‍ണറെ കണ്ട് പരാതി നല്‍കിയിട്ടുണ്ടെന്നും അദ്ദേഹം പറഞ്ഞു.

ശബരിമലയിലെ അടിയന്തരാവസ്ഥയ്ക്കു ശേഷം മാധ്യമ നിയന്ത്രണം ചരിത്രത്തിലാദ്യമായി നടപ്പാക്കിയ സംസ്ഥാനമാണ് കേരളം. മാധ്യമ പ്രവർത്തകരെ ആക്രമിച്ചെങ്കിൽ അത് തെറ്റാണ്. കുറ്റക്കാർക്കെതിരെ പോലീസ് നടപടി എടുക്കണം. ക്രിമിനൽ കുറ്റം ആരെങ്കിലും ചെയ്തിട്ടുണ്ടെങ്കിൽ പോലീസ് നടപടി സ്വീകരിക്കണം അതിനാണ് 3000 പോലീസുകാർ അവിടെയുള്ളത് . ശ്രീധരൻ പിള്ള ആഞ്ഞടിച്ചു.

ശബരിമലയില്‍ ഇന്ന് നടന്നത് എന്താണെന്ന് വ്യക്തമായിട്ടില്ലെന്നും , എന്നാൽ മാധ്യമങ്ങളില്‍ വന്ന ദൃശ്യങ്ങളെ വിശ്വാസിക്കുന്നില്ലെന്നും ശ്രീധരന്‍പിള്ള വാര്‍ത്താ സമ്മേളനത്തില്‍ വ്യക്തമാക്കി.വത്സന്‍ തില്ലങ്കേരി പതിനെട്ടാം പടിയില്‍ കയറി പൊലീസ് മൈക്ക് ഉപയോഗിച്ചതിനെ കുറിച്ച് തനിക്ക് അറിയില്ല. വത്സന്‍ തില്ലങ്കേരി ബിജെപിയുടെ ഭാഗമല്ല. അതില്‍ വിശദീകരണം ആവശ്യമെങ്കില്‍ അദ്ദേഹത്തോട് തന്നെ ചോദിക്കണമെന്നും ശ്രീധരന്‍പിള്ള പറഞ്ഞു.

മതപരമായ ആചാരങ്ങള്‍ സംഘടിപ്പിക്കാനോ അനുവര്‍ത്തിക്കാനോ പാടില്ല എന്നത് കേരളത്തിലെ പാര്‍ട്ടി പ്രവര്‍ത്തകര്‍ ലംഘിക്കുന്നുവെന്ന് സിപിഎമ്മിന്റെ കോയമ്പത്തൂര്‍ പാര്‍ട്ടി കോണ്‍ഗ്രസിലെ പ്രമേയവും പ്രചാരണവുമാണ്. അതിന്റെ ഭാഗമാണ് ശബരിമലയിലെ നടപടിയെന്ന് ഞങ്ങള്‍ സംശയിക്കുന്നുവെന്നും ശ്രീധരന്‍ പിള്ള പറഞ്ഞു.ആചാരക്രമവും ഈശ്വര വിശ്വാസവും ഇല്ലാതാക്കണമെന്ന കാഴ്ച്ചപ്പാടോടെയാണ് സര്‍ക്കാരിന്റെ പ്രവര്‍ത്തനം. ശബരിമല സമരത്തിന് ബിജെപി പിന്തുണയ്ക്കുന്നു. അതേസമയം തന്നെ വിളിച്ചിട്ടില്ലെന്ന തന്ത്രിയുടെ പ്രസ്താവനയെ കുറിച്ച് തനിക്ക് പ്രതികരിക്കാനില്ലെന്നും ശ്രീധരൻ പിള്ള മറുപടി പറഞ്ഞു.

, വാർത്ത സമ്മേളനത്തിൽ മാധ്യമപ്രവർത്തകർ പതിനെട്ടാം പടിയിലെ ആചാരത്തെ കുറിച്ച് ചോദിച്ചപ്പോൾ തനിക്ക് പതിനെട്ടാം പടിയെ കുറിച്ചുള്ള ആചാരം അറിയില്ല , അതുകൊണ്ട് തന്നെ ഞാൻ അതിൽ ഗവേഷണo നടത്തിയിട്ട് പറായമെന്നും ശ്രീധരൻ പിള്ള കൂട്ടിച്ചേർത്തു .