റാസല്ഖൈമയിലെ ലേഡി കാസനോവയ്ക്ക് എട്ടിന്റെ പണികൊടുത്ത് സൂപ്പർ വൈഫ്; നിന്റെ ഭർത്താവിനെ ഞാൻ വശീകരിച്ചെടുക്കുമെന്ന് യുവതി വെല്ലുവിളിച്ചതിന് പിന്നാലെ ഭർത്താവിന് സംരക്ഷണം നൽകണമെന്ന് ആവശ്യപ്പെട്ട് ഭാര്യ കോടതിയിൽ... പിന്നീട് സംഭവിച്ചത് ഇങ്ങനെ
ഭര്ത്താവിനെ വശീകരിച്ച് സ്വന്തമാക്കാന് ശ്രമിക്കുന്നുവെന്ന പരാതിയുമായി ഭാര്യ കോടതിയില്. ഭര്ത്താവിനെ തട്ടിയെടുക്കുമെന്ന് ഭീഷണിപ്പെടുത്തി യുവതി ഭാര്യയ്ക്ക് തുടര്ച്ചയായി സന്ദേശമയക്കുകയായിരുന്നു. തുടര്ന്നാണ് പരാതി നല്കിയത്. കേസ് പരിഗണിച്ച കോടതി യുവതിക്ക് 5000 ദിര്ഹം പിഴശിക്ഷ വിധിച്ചു. തുടര്ച്ചയായി യുവതി സമൂഹമാധ്യമങ്ങളിലൂടെ തന്നെ അപകീര്ത്തിപ്പെടുത്തുകയും ഭീഷണിപ്പെടുത്തുകയും ചെയ്യുന്നുവെന്ന പരാതിയുടെ അടിസ്ഥാനത്തിലായിരുന്നു റാസല്ഖൈമ ഫസ്റ്റ് ഇന്സ്റ്റന്സ് കോടതി കേസ് പരിഗണിച്ചത്.
ഭീഷണി, വാര്ത്താവിനിമയ സംവിധാനങ്ങളുടെ ദുരുപയോഗം തുടങ്ങിയ കുറ്റങ്ങള് യുവതിക്കെതികെ ചുമത്തിയിട്ടുണ്ട്. തന്റെ ഭര്ത്താവുമായി ബന്ധം സ്ഥാപിച്ച് അദ്ദേഹവുമായി ഉടന് വിവാഹം നടത്തുമെന്ന് യുവതി ഭീഷണിപ്പെടുത്തിയതായി പരാതിയില് പറഞ്ഞിരുന്നു. വാട്സ്ആപ്പിലൂടെയായിരുന്നു ഭീഷണി. കേസ് കോടതിയില് എത്തിയപ്പോള് കുറ്റാരോപിതയായ യുവതി കുറ്റം സമ്മതിക്കുകയായിരുന്നു. നിലവിലുള്ള ഭാര്യയില് നിന്നും വിവാഹമോചനം സ്വന്തമാക്കി യുവാവിനെ വിവാഹം കഴിക്കാനായിരുന്നു യുവതിയുടെ ശ്രമമെന്നും റിപ്പോര്ട്ടില് പറയുന്നു.
https://www.facebook.com/Malayalivartha