ഗൾഫ് രാഷ്ട്രങ്ങളിൽ​ വേനൽ കനത്തുതുടങ്ങിയതോടെ തീപിടിത്തത്തിനെതിരെ ജാഗ്രത പാലിക്കാൻ മുന്നറിയിപ്പുമായി അധികൃതർ രംഗത്ത് എത്തിയിരിക്കുകയാണ്. ഇതേതുടർന്ന് കടുത്ത ചൂടിൽ രാജ്യം വെന്തുരുകുമ്പോൾ കെട്ടിടങ്ങൾക്ക് തീപിടിച്ചുണ്ടാവുന്ന അപകടങ്ങൾ തുടര്കഥയാവുകയാണ്​. വേനൽക്കാലത്ത് കെട്ടിടങ്ങളിലും അതോടൊപ്പം തന്നെ വണ്ടികളിലും തീപിടിത്തങ്ങൾ പെരുകുന്ന പതിവുതന്നെയാണ് ഇത്തവണയും ആവര്ത്തിക്കുന്നത്. ആയതിനാൽ കൂടുതൽ ജാഗ്രത പുലർത്തണം എന്ന മുന്നറിയിപ്പാണ് അധികൃതർ നൽകുന്നത്.

എന്നാൽ ഉയർന്ന അന്തരീക്ഷ ഊഷ്മാവും ചൂടുകാറ്റ്​ വീശുന്നത​ും കാരണം തീ ആളിപ്പടരുന്നത്​ നിയന്ത്രണവിധേയമാക്കുക പ്രയാസകരമാണ്. ഇത്തരത്തിൽ കൊടുംചൂടിൽ തീപിടിത്തസാധ്യത കൂടുതലായതിനാൽ തടയാൻ സജ്ജീകരണങ്ങൾ ഉറപ്പാക്കണമെന്ന് അഗ്​നിശമനസേനയുടെ മുന്നറിയിപ്പുണ്ട്. ഇതേതുടർന്ന് വളരെ വേഗത്തിൽ തീപിടിക്കാൻ ഇടയുള്ള വസ്​തുക്കൾ സുരക്ഷാ സംവിധാനങ്ങളോടെയാണോ സൂക്ഷിക്കുന്നത് എന്ന് ഉറപ്പാക്കണമെന്ന് ഏവരോടും നിർദേശിക്കുകയുമുണ്ടായി.

അതേസമയം ഒരാഴ്​ചക്കിടെ കുവൈറ്റിൽ​ ശുവൈഖ്​, മഹബൂല, മംഗഫ്​, ജഹ്​റ, ജാബിരിയ, നുവൈസീബ്​ എന്നിവിടങ്ങളിൽ തീപിടിത്തം റിപ്പോർട്ട് ചെയ്യപ്പെടുകയുണ്ടായി. ​ഞായറാഴ്​ച ദോഹ, ഫിഫ്​ത്​ റിങ്​ റോഡ്​ ജങ്​ഷനിൽ വാഹനത്തിന്​ തീപിടിച്ചതായും റിപ്പോർട്ട് ചെയ്തിരുന്നു. കഴിഞ്ഞദിവസം ശുവൈഖിൽ സുൽത്താൻ സ​െൻററിന്​ സമീപം വൻ തീപിടിത്തമുണ്ടായപ്പോൾ ഏറെ പണിപ്പെട്ടാണ്​ അധികൃതർ നിയന്ത്രണ വിധേയമാക്കിയത്​. കുവൈത്ത്​ അഗ്​നിശമനസേന ഇപ്പോൾ കോവിഡ്​ പ്രതിരോധപ്രവർത്തനങ്ങളിലും സജീവമാണ്​. റെസിഡൻഷ്യൽ ഏരിയകളിൽ മരുന്ന്​ എത്തിക്കുന്നതിലും മറ്റു സേവനങ്ങളിലും അവർ വ്യാപൃതരാണ്​.ആയതിനാൽ തന്നെ ഇത്തരം സാഹചര്യങ്ങളിൽ കൂടുതൽ ജാഗ്രത പുലർത്തേണ്ടത് ഏവരുടെയും ആവശ്യം കൂടിയാണ്.