കൊറോണ വൈറസ് വ്യാപനത്തെ തുടർന്ന് ഒമാനിൽ കുടുങ്ങിയ വിദേശികളുടെ വിസിറ്റ്​, എക്​സ്​പ്രസ്​ വിസകളുടെ കാലാവധി ഈ മാസം 15 വരെ നീട്ടിയതായി റോയൽ ഒമാൻ പൊലീസ്​ വ്യക്തമാക്കുകയുണ്ടായി. ലോകമെമ്പാടും ലോക്ക് ഡൗൺ കല്പിച്ചതിനെ തുടർന്ന് വിമാനത്താവളം അടച്ചതിനാൽ സ്വദേശത്തേക്ക്​ മടങ്ങാൻ കഴിയാത്തവർക്കാണ്​ ഈ ആനുകൂല്ല്യം ലഭ്യമാവുക എന്നാണ്. എന്നാൽ സന്ദർശന വിസകൾ പുതുക്കാനായി ഒന്നും ചെയ്യേണ്ടതില്ല. 15 വരെ ഇവ സൗജന്യമായി തനിയെ പുതുക്കി കിട്ടുമെന്നും ആർ.ഒ.പി ഉന്നത ഉദ്യോഗസ്​ഥനെ ഉദ്ധരിച്ച്​ ഔദ്യോഗിക ദിനപത്രമായ ഒമാൻ ഒബ്​സർവർ റിപ്പോർട്ട്​ ചെയ്യുകയുണ്ടായി.

അതോടൊപ്പം തന്നെ ലോക്​ഡൗണിനെ തുടർന്ന്​ വിദേശത്ത്​ കുടുങ്ങിയ ഒമാനിൽ റസിഡൻസ്​ വിസയുള്ളവർക്ക്​ അതി​​​​ന്റെ കാലാവധി കഴിയുന്നത്തിന്റെ തുടർന്ന് ഓൺലൈനിൽ പുതുക്കാൻ സാധിക്കുമെന്നും റിപ്പോർട്ടിൽ പറയുകയാണ്. എന്നാൽ ഒമാന്​ അകത്തുള്ളവർക്കും റസിഡൻസ്​ വിസ ഓൺലൈനിൽ പുതുക്കാൻ സൗകര്യവും ഏർപ്പെടുത്തിയിട്ടുണ്ട്​. സന്ദർശക വിസ ലഭിച്ചെങ്കിലും വിമാനത്താവളം അടക്കുന്നതിന്​ മുമ്പ്​ രാജ്യത്ത്​ ഇറങ്ങാൻ സാധിക്കാത്തവർ പഴയ വിസക്ക്​ പകരം പുതിയത്​ അപേക്ഷിക്കണം എന്നതാണ് പുതിയ നിയമം എന്നത്.

ഇതേതുടർന്ന് ഭൂരിപക്ഷം വിസകളും ഓൺലൈനിൽ പുതുക്കാൻ സൗകര്യവും ഒരുക്കിയിട്ടുണ്ട്​. പുതുക്കുന്നതിനുള്ള അപേക്ഷ ഓൺലൈൻ സംവിധാനത്തിൽ സ്വീകരിക്കാത്ത പക്ഷം ആ വിസ പുതുക്കാൻ കഴിയില്ലെന്ന കാര്യം മനസിലാക്കണമെന്ന്​ ആർ.ഒ.പി ഉദ്യോഗസ്​ഥൻ പറയുകയുണ്ടായി.

വൈകിയാൽ ഒരു മാസത്തിന്​ 22.500 റിയാൽ എന്ന തോതിലാണ്​ പിഴ അടക്കേണ്ടി വരുക. കാലാവധി കഴിഞ്ഞ്​ ഒരു ദിവസം പിന്നിട്ടാൽ പോലും ഈ തുക അടക്കേണ്ടി വരും. ഇതിൽ 12.5 റിയാൽ ലേബർ കാർഡി​​​​ന്റെ ഒരു മാസത്തെ ഫീസും പത്ത്​ റിയാൽ പിഴയുമാണ്​ ഈടാക്കിവരുന്നത്.