തുടർച്ചയായി നാലാം ദിനം....യുഎഇ വിജയദിനങ്ങളിലേക്ക്; അതിവേഗം അതിജീവിച്ച് പ്രവാസലോകം, ഗൾഫ് രാഷ്ട്രങ്ങളിലെ കണക്കുകൾ ഇങ്ങനെ
യു.എ.ഇ.യിൽ ചൊവ്വാഴ്ചയും കോവിഡ്-19 ബാധിച്ചുള്ള മരണമില്ല എന്ന വാർത്തകളാണ് പുറത്തേക്ക് വരുന്നത്. കോവിഡ് മരണമില്ലാത്ത തുടർച്ചയായ നാലാംദിവസം കൂടി യുഎഇ രേഖപ്പെടുത്തുകയാണ്. ഇതിനോടകം തന്നെ 227 പേർകൂടി രോഗമുക്തരായി ആശുപത്രിവിടുകയും ചെയ്തു. ഇതോടെ 55,090 പേരാണ് രോഗമുക്തി നേടി ആശുപത്രി വിട്ടത്. എന്നാൽ 30,000 പേരിൽ നടത്തിയ പരിശോധനയിൽനിന്ന് 189 പേർക്ക് മാത്രമാണ് പുതുതായി രോഗം സ്ഥിരീകരിച്ചു.നിലവിൽ 5911 പേർ മാത്രമാണ് ചികിത്സയിലുള്ളത്. ആകെ മരണം-351 ആണ്. ഒപ്പം ആകെ രോഗികൾ-61,352. തിങ്കളാഴ്ച 164 പേരിൽ മാത്രമായിരുന്നു രോഗം സ്ഥിരീകരിച്ചത്..
അതേസമയം സൗദി അറേബ്യയിൽ 1635 പേർകൂടി സുഖംപ്രാപിച്ചതായി റിപ്പോർട്ട്. 1342 പേർകൂടി രോഗബാധിതരായി. എന്നാൽ 35 പേരാണ് രോഗം ബാധിച്ച് മരിച്ചത്. ആകെ മരണം ഇതോടെ 2984-ലെത്തിയിരിക്കുകയാണ്. ആകെ രോഗബാധിതർ 2,81,435 ആയി. ഇതിൽ 2,43,688 പേർ രോഗമുക്തിനേടിയിരുന്നു. ഒപ്പം 34,763 പേർ നിലവിൽ ചികിത്സയിലുണ്ട്. ഇവരിൽ 1983 പേരുടെ നില ഗുരുതരമാണ് എന്നാണ് രേഖപ്പെടുത്തുന്നത്.
ഖത്തറിലും ചൊവ്വാഴ്ച കോവിഡ് മരണമൊന്നും തന്നെ രേഖപ്പെടുത്തിയിട്ടില്ല. ഒപ്പം 252 പേർ സുഖംപ്രാപിച്ചു. ആകെ സുഖംപ്രാപിച്ചവർ ഇതോടെ 1,08,254 ആയി ഉയരുകയുണ്ടായി. ആകെ മരണം 177 ആണ്. പുതുതായി 216 പേരിൽകൂടി രോഗം സ്ഥിരീകരിക്കുകയുണ്ടായി. നിലവിൽ 3107 പേരാണ് നിലവിൽ ചികിത്സയിലുള്ളത്. അതിൽ 390 പേർ ഗുരുതരാവസ്ഥയിലാണ്.
അതോടൊപ്പം കുവൈത്തിൽ 587 പേരാണ് സുഖംപ്രാപിച്ച് ആശുപത്രിവിട്ടത്. നാല് മരണവും റിപ്പോർട്ട് ചെയ്യപ്പെട്ടു. മരണമിതോടെ ആകെ 465 ആയി. ഇന്നലെ 475 പുതിയ കേസുകൾ സ്ഥിരീകരിച്ചു. ആകെ രോഗികൾ-68,774. ആകെ രോഗമുക്തി-60,326. ആശുപത്രിയിൽ ചികിത്സയിലുള്ളത് 8000 പേരാണ്. അതിൽ 131 പേരുടെ സ്ഥിതി ഗുരുതരമാണ് എന്നാണ് ലഭ്യമാകുന്ന വിവരം. ബഹ്റൈനിൽ 341 പേർകൂടി രോഗമുക്തി നേടിയാതായി റിപ്പോർട്ട്. ആകെ രോഗമുക്തർ ഇതോടെ 39,007 ആയി. മൂന്നു പേർകൂടി മരിച്ചതോടെ ആകെ മരണം 150 ആയി ഉയരുകയുണ്ടായി. 299 പേരിൽകൂടി രോഗം സ്ഥിരീകരിച്ചു. 2678 പേരാണ് ചികിത്സയിലുള്ളത്. അതിൽ 48 പേരുടെ നില ഗുരുതരമാണ് എന്നാണ് ലഭ്യമാകുന്ന വിവരം.
https://www.facebook.com/Malayalivartha