പ്രവാസികൾക്ക് ആശ്വാസവാക്ക് നൽകി സൗദി രംഗത്ത് എത്തിയിരിക്കുകയാണ്. സൗദി തൊഴിൽവിസയുള്ള വിദേശ രാജ്യങ്ങളിൽ കഴിയുന്ന പ്രവാസികൾക്ക്​​ സൗദി ജവാസത്തിന്റെ (പാസ്​പോർട്ട്​ വിഭാഗം) അബ്ഷീർ ഓൺലൈൻ പോർട്ടൽ വഴി ഇഖാമ പുതുക്കാനും റീ എൻട്രിയുടെ കാലാവധി നീട്ടാനും സാധിക്കുമെന്ന് വ്യക്തമാക്കുകയുണ്ടായി.

ജവാസത്ത്​ ​സാ​േങ്കതിക വിഭാഗം ഉപമേധാവി ജനറൽ ഖാലിദ്​ അൽസൈഹാനാണ്​ ഇക്കാര്യം അറിയിച്ചത്. അതായത് അബ്ഷിർ പോർട്ടലിൽ പുതുതായി ഉൾപ്പെടുത്തിയ 12 സർവിസുകളിൽ രണ്ടെണ്ണം ഇതിനുള്ളതാണെന്നും അദ്ദേഹം വ്യക്തമാക്കി. ജവാസത്ത്​​ ഓഫിസിൽ നേരിട്ട്​ ഹാജരാവാതെതന്നെ സ്വദേശികൾക്കും വിദേശികൾക്കും പാസ്​പോർട്ട്​ സേവനങ്ങൾ അബ്ഷിർ വഴി നേടാനാവുന്നതായിരിക്കും. ഇതേത്തുടർന്ന് അവധിക്ക്​ നാടുകളിൽ പോയവർക്ക്​ അവിടെ കഴിഞ്ഞുകൊണ്ടുതന്നെ ഇഖാമ പുതുക്കാനും റീ​എൻട്രി വിസ കാലാവധി ദീർഘിപ്പിക്കാനും സാധിക്കുന്നതാണ് .

എന്നാൽ നേര​േത്ത ഇത്​ സാധ്യമായിരുന്നില്ല. പ്രവാസികളുടെ ആശ്രിതരുടെ വിസകൾ പുതുക്കിയിരുന്നതും ജവാസത്ത്​​ ഒാഫിസുകളിൽ നേരിട്ട്​ ഹാജരായി തന്നെയായിരുന്നു. എന്നാൽ, അബ്ഷീർ വന്നതോടെ ഓൺലൈനിൽ നടത്താൻ സാധിക്കുന്നതാണ്. അബ്​ഷീറിൽ ഉൾപ്പെടുത്തിയ പുതിയ സർവിസുകളുടെ ഉദ്​ഘാടനം സൗദി ആഭ്യന്തരമന്ത്രി അമീർ അബ്​ദുൽ അസീസ്​ ബിൻ സഉൗദ്​ ബിൻ നായിഫ്​ കഴിഞ്ഞദിവസം വെർച്വലായി നടന്ന ചടങ്ങിൽ നിർവഹിക്കുകയുണ്ടായി.