നീണ്ട ഇടവേളയ്ക്ക് ശേഷം കൊറോണ വ്യാപനത്തിന്റെ പശ്ചാത്തലത്തിൽ ദുബായിലേക്ക് വരാനൊരുങ്ങുന്നവർ ശ്രദ്ധിക്കുക. ഇന്ത്യയിലെ ഏഴ് ലാബറോട്ടറികളിൽ നിന്ന് നടത്തുന്ന കോവിഡ് 19 പരിശോധനാ ഫലങ്ങൾ സ്വീകാര്യമല്ലെന്ന് എയർ ഇന്ത്യാ എക്സ്പ്രസ് അധികൃതർ മുന്നറിയിപ്പ് നൽകുകയുണ്ടായി. ആർടി–പിസിആർ പരിശോധനകൾ നടത്തുന്ന കേരളത്തിലെ മൈക്രോ ഹെൽത്ത് ലാബുകൾ, ജയ്പൂരിലെ സൂര്യം ലാബ്, ഡൽഹിയിലെ ഡോ. പി. ഭാസിൻ പാത് ലാബ്സ് ലിമിറ്റഡ്, നോബിൾ ഡയഗ്നോസ്റ്റിക് സെന്റർ, അസാ ഡയഗ്നോസ്റ്റിക് സെന്റർ, 360 ഡയഗ്നോസ്റ്റിക് ആൻഡ് ഹെൽത് സർവീസസ്, എഎആർഎ ക്ലിനിക്കൽ ലാബറോട്ടറീസ് എന്നിവയിൽ നിന്നുള്ള ഫലമാണ് സ്വീകരിക്കില്ല എന്ന് അധികൃതർ വ്യക്തമാക്കിയത്.

അതേസമയം ഇതിൽ നാലു ലാബുകളെ എയർ ഇന്ത്യാ എക്സ്പ്രസ്, ഫ്ലൈ ദുബായ് എന്നിവ നേരത്തെ തന്നെ നിരോധിച്ചിരുന്നു. ഇന്നു മുതൽ മൂന്നു ലാബുകൾക്ക് കൂടി വിലക്കേർപ്പെടുത്തുകയാണ് ചെയ്തിരിക്കുന്നത്. ഇതേതുടർന്ന് അംഗീകൃത പ്യുവർ ഹെൽത് ലാബുകളിൽ നിന്നു മാത്രം കോവിഡ‍് പരിശോധന നടത്താൻ അധികൃതർ നിർദേശിക്കുകയുണ്ടായി. വിവരങ്ങൾ screening.purehealth.ae എന്ന വെബ് സൈറ്റ് വഴി ലഭിക്കുന്നതായിരിക്കും.

ശ്രദ്ധിക്കേണ്ട മറ്റു കാര്യങ്ങൾ ഇവയൊക്കെ;

∙ യുഎഇയിലേയ്ക്ക് വരുന്ന 12 വയസിന് മുകളിലുള്ളവർ യാത്ര പുറപ്പെടുന്നതിന് 96 മണിക്കൂറിനകം ലഭിച്ച കോവിഡ്19 ആർടി–പിസിആർ നെഗറ്റീവ് സർടിഫിക്കറ്റിന്റെ പ്രിന്റ് ചെയ്ത കോപ്പി കൈയിൽ കരുത്തിയിരിക്കണം. സാമ്പിൾ/ സ്വാബ് ശേഖരിച്ചതു മുതൽ കണക്കാക്കുന്നതാണ് 96 മണിക്കൂർ മാത്രമാണ്.

∙ എന്നാൽ ഏതെങ്കിലും തരത്തിലുള്ള അംഗവൈകല്യമുള്ളവരെ യുഎഇ യാത്രയ്ക്കുള്ള കോവിഡ് ആർടി–പിസിആർ പരിശോധനയിൽ നിന്ന് ഒഴിവാക്കിയിരിക്കുന്നു.

∙ ഷാർജയിലേയ്ക്ക് വരുന്നവർ എസ്എംഎസ് മുഖേനയോ അൽ ഹൊസൻ (AL HOSN) ആപ്ലിക്കേഷൻ എന്നിവയിൽ ലഭിക്കുന്ന സന്ദേശം സ്വീകാര്യമാണ്.

∙ പരിശോധനാ ഫലം ഇംഗ്ലീഷിലോ ആ ഭാഷയിലേയ്ക്ക് പരിഭാഷപ്പെടത്തിയതോ ആയിരിക്കേണ്ടതാണ്. കൂടാതെ, ഹെൽത് കെയർ അധികൃതറുടെ പേര്, ബന്ധപ്പെടേണ്ട വിലാസം, ഒപ്പ്, മുദ്ര എന്നിവ കരുത്തേണ്ടതാണ്...