പ്രവാസികളുടെ ശ്രദ്ധയ്ക്ക്... യുഎഇയുടെ വിവിധ മേഖലകളിൽ ശക്തമായ മൂടൽമഞ്ഞ് കാണപ്പെടുന്നുണ്ട് .... പലയിടങ്ങളിലും രാവിലെ ഒൻപതരയോടെയാണ് അന്തരീക്ഷം തെളിഞ്ഞത് എന്ന കാര്യം അന്തരീക്ഷ മാറ്റത്തിലേക്ക് വിരൽ ചൂണ്ടുന്നു. . ദൂരക്കാഴ്ച കുറഞ്ഞത് വാഹന ഗതാഗതത്തെ ബാധിക്കുന്ന അവസ്ഥയാണ് ഉള്ളത് . പ്രധാന പാതകളിലടക്കം ഗതാഗതക്കുരുക്ക് അനുഭവപ്പെടുകയും ചെയ്തു . ഇന്നും നാളെയും മൂടൽമഞ്ഞിനു സാധ്യതയുണ്ടെന്നു കാലാവസ്ഥാ നിരീക്ഷണ കേന്ദ്രം മുന്നറിയിപ്പു നൽകിയിരിക്കുകയാണ് . രാത്രിയിൽ അന്തരീക്ഷ ഈർപ്പം കൂടുതലാണ്. ആകാശം പൊതുവേ മേഘം കൊണ്ട് നിറഞ്ഞിരിക്കുകയാണ്ത . മാത്രമല്ല ഇത് എല്ലാ എമിറേറ്റുകളിലും മൂടൽമഞ്ഞ് അനുഭവപ്പെടുകയുണ്ടായി .ദുബായ് ഷെയ്ഖ് സായിദ് റോഡ്, ഷെയ്ഖ് മുഹമ്മദ് ബിൻ സായിദ് റോഡ്, എമിറേറ്റ്സ് റോഡ് എന്നിവിടങ്ങളിൽ രാവിലെ ഗതാഗതക്കുരുക്ക് രൂക്ഷമായി കാണപ്പെടുകയും ചെയ്തു ചിലയിടങ്ങളിൽ വാഹനാപകടങ്ങൾ റിപ്പോർട്ട് ചെയ്തെങ്കിലും ആളപായമൊന്നുമുണ്ടായിരുന്നില്ല . പകൽ കുറഞ്ഞ താപനില 22 ഡിഗ്രി സെൽഷ്യസ് ആയി മാറി . കൂടിയത് 34 ആണ് . റക്ന മേഖലയിൽ പുലർച്ചെ താപനില 13.1 ഡിഗ്രി സെൽഷ്യസ് വരെ താഴ്ന്നു. കാലാവസ്ഥാ മാറ്റത്തിനു മുന്നോടിയാണിതെന്നും മഴയ്ക്കു സാധ്യത കുറവാണെന്നും അറിയിപ്പിൽ പറയുന്നുണ്ട് .

വാഹനമോടിക്കുന്നവർ അതീവ ജാഗ്രത പുലർത്തണമെന്നു പൊലീസ് അറിയിച്ചു . മൂടൽമഞ്ഞ് ദൂരക്കാഴ്ച മറയ്ക്കുന്നതിനാൽ വേഗത്തിൽ മാത്രമല്ല, പാർക്കിങ്ങിലും ശ്രദ്ധവേണമെന്നും മുന്നറിയിപ്പ് നൽകുകയുണ്ടായി . ലോങ് ബീം ഒഴിവാക്കി ലോ ബീം ലൈറ്റുകൾ ഉപയോഗിക്കണം. ഹസാർഡ് ലൈറ്റ് ഇടരുത്. അടിയന്തര സാഹചര്യങ്ങളിൽ മാത്രം ഉപയോഗിക്കേണ്ടതാണിത്. വാഹനങ്ങൾ തമ്മിൽ സുരക്ഷിത അകലം പാലിക്കുകയും ഓവർടേക്കിങ് ഒഴിവാക്കുകയും വേണമെന്നും അറിയിക്കുകയുണ്ടായി.