സൗദിയിൽ വെള്ളിയാഴ്ച വരെ ജാഗ്രതാ മുന്നറിയിപ്പ്; വിവിധ ഭാഗങ്ങളില് ശക്തമായ കാറ്റിനും മഴയ്ക്കും ഇടിക്കും സാധ്യതയുണ്ടെന്ന് സൗദി സിവില് ഡിഫന്സ് മുന്നറിയിപ്പ്, ക്ക, അല് ബഹ, ഹൈല്, അസിര്, കിഴക്കന് പ്രവിശ്യ, വടക്കന് അതിര്ത്തി പ്രദേശം തുടങ്ങിയ ഇടങ്ങളിലാണ് ജാഗ്രതാ നിര്ദ്ദേശം
വരുന്ന വെള്ളിയാഴ്ച വരെ സൗദി അറേബ്യയുടെ വിവിധ ഭാഗങ്ങളില് ശക്തമായ കാറ്റിനും മഴയ്ക്കും ഇടിക്കും സാധ്യതയുണ്ടെന്ന് സൗദി സിവില് ഡിഫന്സ് മുന്നറിയിപ്പ് നല്കിയിരിക്കുകയാണ്. ആയതിനാൽ തന്നെ കടുത്ത ജാഗ്രതപുലർത്തണമെന്ന് അധികൃതർ മുന്നറിയിപ്പ് നൽകി. മക്ക, അല് ബഹ, ഹൈല്, അസിര്, കിഴക്കന് പ്രവിശ്യ, വടക്കന് അതിര്ത്തി പ്രദേശം തുടങ്ങിയ ഇടങ്ങളിലാണ് അധികൃതർ ജാഗ്രതാ നിര്ദ്ദേശം നല്കിയിരിക്കുന്നത്. ഇവിടങ്ങളിലെ ചില പ്രദേശങ്ങളില് ശക്തവും നീണ്ടുനില്ക്കുന്നതുമായ മഴയ്ക്ക് സാധ്യതയുണ്ടെന്ന് സിവില് ഡിഫന്സ് ട്വിറ്റര് സന്ദേശത്തിലൂടെ അറിയിക്കുകയുണ്ടായി.
അതോടൊപ്പം തന്നെ മദീന, ജസാന്, ജൗഫ് എന്നിവിടങ്ങളിലും മഴയ്ക്കും കാറ്റിനും സാധ്യതയുണ്ടെങ്കില് മിതമായ തോതില് മാത്രമേ ഉണ്ടാവുകയുള്ളൂ എന്നും സന്ദേശത്തില് പറഞ്ഞു. ഇതിനുപുറമെ ഖാസിം പ്രദേശത്ത് നേരിയ മഴയ്ക്കും ശക്തമായ കാറ്റിനും സാധ്യതയുണ്ട്. കാലാവസ്ഥയ്ക്കും പരിസ്ഥിതി സംരക്ഷണത്തിനുമുള്ള ജനറല് അതോറിറ്റിയുടെ കണക്കുകള് പ്രകാരമാണ് ഈ ജാഗ്രതാ നിര്ദ്ദേശം നൽകിയിരിക്കുന്നത്.
https://www.facebook.com/Malayalivartha