പ്രവാസികൾക്ക് ആശ്വാസമായി ആ തീരുമാനം; ബാഗേജ് ഇളവുകള് ഉള്പ്പെടെ യാത്രക്കാര്ക്ക് വിവിധ ഇളവുകള്, യാത്രക്കാര്ക്ക് കൂടുതല് ആനുകൂല്യങ്ങള് നല്കുന്നതിനായി മൂന്നു വിഭാഗമായി തിരിച്ചാണ് അധികൃതർ ഇളവുകള് പ്രഖ്യാപിച്ചിരിക്കുന്നത്
കൊറോണ വ്യാപനം നൽകിയ ഭീതി ഒഴിയുന്ന പശ്ചാത്തലത്തിൽ കൂടുതൽ ഇളവുകളാണ് ഗൾഫ് രാഷ്ട്രങ്ങൾ നൽകിവരുന്നത്. മുൻപ് ഈടാക്കി വന്നിരുന്ന ടിക്കറ്റിന്റെ പകുതി വിലയാണ് അധികൃതർ നിജപ്പെടുത്തിയിട്ടുള്ളത്. ഇപ്പോഴിതാ പ്രവാസികൾക്ക് ആശ്വാസം നൽകി കൂടുതൽ ഇളവുകൾ പ്രഖ്യാപിക്കുകയാണ് ഖത്തർ എയർവേസ്. ബാഗേജ് ഇളവുകള് ഉള്പ്പെടെ യാത്രക്കാര്ക്ക് വിവിധ ഇളവുകള് പ്രഖ്യാപിച്ചിരിക്കുകയാണ് ഖത്തര് എയര്വെയ്സ്. യാത്രക്കാര്ക്ക് കൂടുതല് ആനുകൂല്യങ്ങള് നല്കുന്നതിനായി ക്ലാസിക്, കംഫേര്ട്ട്, എലൈറ്റ് എന്നിങ്ങനെ മൂന്നു വിഭാഗമായി തിരിച്ചാണ് അധികൃതർ ഇളവുകള് പ്രഖ്യാപിച്ചിരിക്കുന്നത്.
അതോടൊപ്പം തന്നെ ചാര്ജില്ലാതെ ടിക്കറ്റുകള് കാന്സല് ചെയ്യാനും തീയതികള് ഇഷ്ടാനുസരണം മാറ്റാനും അവസരം നല്കുന്നതാണ് പുതിയ ഓഫറുകള്. ബിസിനസ് ക്ലാസ് ടിക്കറ്റുകള് ക്ലാസിക്, കംഫേര്ട്ട്, എലൈറ്റ് എന്നീ കാറ്റഗറികളുമുണ്ട്. ഇക്കോണമി യാത്രക്കാരെ ക്ലാസിക്, കണ്വീനിയന്സ്, കംഫേര്ട്ട് എന്നീ കാറ്റഗറികളുമായാണ് തിരിച്ചിട്ടുള്ളത്. ഉപഭോക്താക്കള്ക്ക് കൂടുതല് സ്വാതന്ത്ര്യവും സൗകര്യവും പ്രദാനം ചെയ്യുന്നതാണ് പുതിയ ഓഫറുകളെന്ന് ഖത്തര് എയര്വെയ്സ് സിഇഒ അക്ബര് അല് ബാകിര് വ്യക്തമാക്കി.
ഇതിലൂടെ ഓരോ ഫെയര് ഓഫറുകള്ക്കും വ്യത്യസ്തമായ ഇളവുകളാണ് നല്കിയിരിക്കുന്നത്. ഇക്കോണമി ക്ലാസ് ടിക്കറ്റില് ഓരോ അധിക യാത്രക്കാര്ക്കും കൊണ്ടുപോകാവുന്ന ബാഗേജിന്റെ അളവില് അഞ്ചു കിലോ അധികം അനുവദിക്കുന്നതായിരിക്കും. ഇക്കോണമി കംഫേര്ട്ട് ടിക്കറ്റുകള്ക്ക് സീറ്റുകള് തെരഞ്ഞെടുക്കാനുള്ള അവസരം നല്കുന്നതാണ്. ഈ വിഭാഗത്തിലും ബിസിനസ് എലൈറ്റ് വിഭാഗത്തിലും യാത്രാ തിയതി ഇഷ്ടാനുസരണം മാറ്റാനും ടിക്കറ്റ് തുക റീഫണ്ട് ചെയ്യാനും സൗകര്യം ലഭിക്കുന്നതായിരിക്കും. എന്നാൽ അധിക ചാര്ജുകള് ഈടാക്കാതെയാകും ഈ സൗകര്യം അനുവദിക്കുക.
https://www.facebook.com/Malayalivartha