പ്രവാസലോകം കനിഞ്ഞ് കോടീശ്വരനായ പ്രവാസി; ഭാഗ്യ ടിക്കറ്റായ ‘ബിഗ് ടിക്കറ്റ്’ തുണച്ചപ്പോൾ അത് പത്തനംതിട്ട ജില്ലയുടെയും ഭാഗ്യമായി മാറി, സമ്മാനമായി നേടിയത് 30 കോടി രൂപ
പ്രവാസലോകം പ്രവാസികൾക്ക് എന്നും സ്വപ്നം തന്നെയാണ്. തങ്ങളുടെ സ്വപ്നം യാഥാർഥ്യമാക്കുന്ന ലോകം. അത്തരത്തിൽ തന്നെയാണ് ജീവിത മാർഗം തേടി ഈ കുടുംബവും കുവൈത്തിലെത്തിയത്. ഭാഗ്യ ടിക്കറ്റായ ‘ബിഗ് ടിക്കറ്റ്’ തുണച്ചപ്പോൾ അത് പത്തനംതിട്ട ജില്ലയുടെയും ഭാഗ്യമായി മാറിയ കഥ ഏറെ ആകാംക്ഷയോടെയാണ് പ്രവാസികൾ കേൾക്കുന്നത്. അബുദാബിയിൽ ബുധനാഴ്ച നറുക്കെടുത്ത ബിഗ് ടിക്കറ്റ് ലോട്ടറിയുടെ ഒന്നാം സ്ഥാനം പങ്കിട്ട 3 സുഹൃത്തുക്കളിൽ 2 പേരും പത്തനംതിട്ട ജില്ലക്കാരാണ്- കല്ലൂപ്പാറ മഠത്തും ഭാഗം വടക്ക് പെരിലിലത്ത് നോബിൻ പി.മാത്യു(38), കുമ്പളാംപൊയ്ക പുത്തൻവീട്ടിൽ മിനു തോമസ് (45) എന്നിവരാണ് ഇവർ.
ഒന്നരക്കോടി ദിർഹം അതായത് ഏകദേശം 30 കോടി രൂപയാണ് സമ്മാനമായി നേടിയത്. കഴിഞ്ഞ മാസം 17 നാണ് ഇവർ ഓൺലൈൻ ടിക്കറ്റ് എടുത്തത്. 42 കുവൈത്ത് ദിനാറായിരുന്നു ടിക്കറ്റ് വില എന്നത്. കാഞ്ഞങ്ങാട് സ്വദേശിയും സഹപ്രവർത്തകനുമായ പ്രമോദ് മാട്ടുമ്മലും ടിക്കറ്റ് എടുക്കാൻ പങ്കാളിയാവുകയായിരുന്നു. ബുധനാഴ്ച വൈകിട്ട് സഹപ്രവർത്തകനായ അഖിൽ നായരാണ് ഭാഗ്യവിവരം ഇവരെ ഫോണിലൂടെ അറിയിച്ചത്. എന്നാൽ ആദ്യം വിശ്വസിക്കാനായില്ല. പിന്നീട് ഓൺലൈൻ മാധ്യമങ്ങളിലും ചാനലുകളിലും വിവരം എത്തിയപ്പോഴാണ് വിശ്വാസം വന്നത് എന്നും ഇവർ പറയുകയുണ്ടായി.
https://www.facebook.com/Malayalivartha