പ്രവാസികൾക്ക് ജാഗ്രതാ നിർദ്ദേശം; യുഎഇയിൽ പ്രതിദിന രോഗബാധയിൽ ഇന്നും കുറവില്ല, രോഗമുക്തരുടെ എണ്ണത്തിലും കാര്യമായ വർധനവ് ഒന്നും തന്നെ ഇല്ലാത്തത് ആശങ്ക ഉയർത്തുന്നു! ഇനിയുള്ള നാളുകൾ കൂടുത ജാഗ്രത വേണമെന്ന് അധികൃതർ
ഇളവുകൾ നൽകി പ്രവാസികളെ ഇരുകയ്യും നീട്ടി സ്വീകരിച്ച യുഎഇയിൽ പ്രതിദിന രോഗബാധയിൽ ഇന്നും കുറവില്ല എന്നാണ് റിപോർട്ടുകൾ വ്യക്തമാക്കുന്നത്. കഴിഞ്ഞ 24 മണിക്കൂറിനിടെ 1,210 പേർക്ക് കൊവിഡ്-19 സ്ഥിരീകരിച്ചു. അതോടൊപ്പം തന്നെ രോഗമുക്തരുടെ എണ്ണത്തിലും കാര്യമായ വർധനവ് ഒന്നും തന്നെ ഇല്ലാത്തത് ആശങ്ക ഉയർത്തുന്നുണ്ട്. ആകെ 691 പേർക്കാണ് കഴിഞ്ഞ 24 മണിക്കൂറിനിടെ രോഗമുക്തി ലഭിച്ചത്. രണ്ട് മരണങ്ങളാണ് കൊവിഡിനെ തുടർന്ന് രാജ്യത്ത് റിപ്പോര്ട്ട് ചെയ്തിരിക്കുന്നത്. ഇതോടെ കൊവിഡ് ബാധമൂലം ജീവൻ നഷ്ടമായവരുടെ എണ്ണം 530 ആയി ഉയർന്നെന്ന് യുഎഇ ആരോഗ്യമന്ത്രാലയം വ്യക്തമാക്കുകയുണ്ടായി. പ്രതിദിന രോഗബാധ ആയിരത്തിന് മുകളിൽ ഉയർന്ന് നിൽക്കുന്ന സാഹചര്യത്തിൽ പരിശോധനാ നിരക്കും ഇതോടൊപ്പം അധികൃതർ ഉയര്ത്തിയിട്ടുണ്ട്. 126,916 സാമ്പിളുകളാണ് കഴിഞ്ഞ 24 മണിക്കൂറിൽ പരിശോധിച്ചത്.
അതോടൊപ്പം തന്നെ ആകെ 14.97 ദശലക്ഷം സാമ്പിളുകളാണ് ഇതുവരെ പരിശോധിച്ചത്. രാജ്യത്തിന്റെ ജനസംഖ്യയേക്കാള് അധികം കൊവിഡ് പരിശോധന നടത്തിയെന്ന പ്രത്യേകതയും ഉണ്ട്. ഇതുവരെയുള്ള കണക്കുകൾ പ്രകാരം 1,50,345 പേർക്കാണ് യുഎഇയിൽ കൊവിഡ് സ്ഥിരീകരിച്ചത്. അതിൽ 1,43,252 പേരാണ് ഇതുവരെ രോഗമുക്തി നേടിയത്. 6,563 സജീവ രോഗികളാണ് ഇപ്പോൾ യുഎഇയിലുള്ളത്. അതേസമയം കൊവിഡ് പ്രതിസന്ധിയെത്തുടർന്ന് അടച്ച യുഎഇ-ഒമാൻ റോഡ് അതിർത്തി ഇന്ന് മുതൽ തുറക്കുകയാണ്. നവംബർ 16 മുതൽ യുഎഇ-ഒമാൻ കര അതിർത്തി തുറക്കുമെന്ന് യുഎഇ വ്യക്തമാക്കുകയുണ്ടായി. വിവിധ മന്ത്രാലയങ്ങൾ സംയുക്തമായാണ് കര അതിർത്തി തുറക്കുന്നത് പ്രഖ്യാപിച്ചിട്ടുള്ളത്.
https://www.facebook.com/Malayalivartha