കൊറോണ ,വ്യാപനത്തിന് പിന്നാലെ പ്രവാസലോകത്തേക്ക് തിരിച്ചെത്താൻ ഏറെ പ്രതീക്ഷകളോടെയാണ് പ്രവാസികൾ കാത്തിരിക്കുന്നത്. പ്രത്യേകിച്ച് സൗദിയിലേക്കും കുവൈറ്റിലേക്കും. ഇവിടങ്ങളിലേക്ക് നേരിട്ടെത്താൻ വിലക്ക് ഉള്ളതിനാൽ തന്നെ ദുബായ് പോലുള്ള ഇടത്താവളങ്ങളെയാണ് പ്രവാസികൾ ആശ്രയിച്ചു പോരുന്നത്. എന്നാൽ ഇതുമൂലം ഉണ്ടാകുന്ന ചിലവുകൾ സാധാരണക്കാരായ പ്രവാസികൾക്ക് താങ്ങാവുന്നതിനും അപ്പുറമാണ്. കൊറോണ വ്യാപനത്തെ തുടർന്നുള്ള നിയന്ത്രണങ്ങൾ നിലനിൽക്കുമ്പോഴും ഇളവുകൾ നൽകുകയാണ് ഗൾഫ് രാഷ്ട്രങ്ങൾ. സൗദയിൽ നിന്നും ഏറെ പ്രതീക്ഷ നൽകുന്ന വാർത്തയാണ് പുറത്ത് വരുന്നത്.

അതായത് കുടുംബ വിസയില്‍ സൗദിയിലേക്ക് വരുന്നതിന് വിലക്കില്ല. ഉപയോക്താക്കളിലൊരാളുടെ അന്വേഷണത്തിനു മറുപടി നല്‍കികൊണ്ടാണ് കുടുംബ വിസയില്‍ സൗദിയി വരുന്നവരുടെ വിഷയത്തില്‍ പാസ്പോര്‍ട്ട് ഡയറക്ടറേറ്റ് വ്യക്തത വരുത്തിയിരിക്കുന്നത് . കുടുംബ വിസയില്‍ സൗദിയി വരുന്നതിന് നിലവില്‍ വിലക്കില്ലെന്ന് പാസ്പോര്‍ട്ട് ഡയറക്ടറേറ്റ് അറിയിക്കുകയുണ്ടായി.

അതേസമയം കൊറോണയുടെ ഭീതി പൂര്‍ണ്ണമായും വിട്ടുമാറാത്തതിനാലും വൈറസ് തടയുക എന്ന ലക്ഷത്തോടെയും സൗദിയില്‍ വരുന്നവര്‍ക്ക് പി.സി.ആര്‍ പരിശോധനാ റിപ്പോര്‍ട്ട് നിര്‍ബന്ധമാക്കിയിട്ടുണ്ട്. സൗദിയില്‍ പ്രവേശിക്കുന്നതിന് കാലാവധിയുള്ള വിസയോടൊപ്പം 72 മണിക്കൂറിനുള്ളില്‍ കരസ്ഥമാക്കിയ നെഗറ്റീവ് പി.സി.ആര്‍ പരിശോധനാ റിപ്പോര്‍ട്ട് കുടുംബവിസയിലെത്തുന്നവരുടെ കൈവശം ഉണ്ടായിരിക്കേണ്ടതാണ്. വിസയും പി.സി.ആര്‍ റിപ്പോര്‍ട്ടും ഉള്ളവര്‍ക്ക് സൗദിയിലേക്ക് വരാമെന്ന് പാസ്പോര്‍ട്ട് വിഭാഗം വ്യക്തമാക്കുകയുണ്ടായി.