യാത്രക്കാർക്ക് പുതിയ ഓഫറുമായി എമിറേറ്റ്സ് എയര്ലൈന്സ്; എമിറേറ്റ്സ് വിമാനങ്ങള് വഴി ദുബൈയിലെത്തുന്നവര്ക്ക് കാത്തിരിക്കുന്നത് വമ്പൻ അവസരം, കണ്ണ് തള്ളേണ്ട ഇത് യാഥാർഥ്യം തന്നെ! പഞ്ചനക്ഷത്ര ഹോട്ടലായ ജെ.ഡബ്ല്യൂ മാരിയറ്റ് മാര്ക്വിസില് സൗജന്യ താമസം
കൊറോണ വ്യാപനം സഞ്ചാരമേഖലയ്ക്ക് നൽകിയ കനത്ത ആഘാതങ്ങൾ മറികടക്കാൻ പുതുവഴികൾ തിരയുകയാണ് ഗൾഫ് രാഷ്ട്രങ്ങൾ. ഇപ്പോഴിതാ ഏവരെയും ആകർഷിക്കുന്ന ഒരു പാക്കേജാണ് പ്രവാസികൾക്കായി ദുബായ് ഒരുക്കുന്നത്. വിനോദ സഞ്ചാരികളെ ആകര്ഷിക്കാന് പുതിയ ഓഫറുമായി എമിറേറ്റ്സ് എയര്ലൈന്സ് രംഗത്ത് എത്തിയിരിക്കുന്നു. ദുബായ് ടൂറിസവുമായി സഹകരിച്ചാണ് ഈ പദ്ധതി രൂപീകരിച്ചിട്ടുള്ളത്. എമിറേറ്റ്സ് (Emirates) വിമാനങ്ങള് വഴി ദുബൈയിലെത്തുന്നവര്ക്ക് പഞ്ചനക്ഷത്ര ഹോട്ടലായ ജെ.ഡബ്ല്യൂ മാരിയറ്റ് (JW Marriott Hotel) മാര്ക്വിസില് സൗജന്യ താമസം വാഗ്ദാനം ചെയ്തിരിക്കുകയാണ് എയര്ലൈന്സ് അധികൃതർ.
അതായത് 2020 ഡിസംബര് 6 മുതല് 2021 ഫെബ്രുവരി 28 വരെ ദുബൈയിലേക്ക് യാത്ര ചെയ്യുന്ന വിനോദസഞ്ചാരികള്ക്കാണ് ഈ ഓഫര് ലഭ്യമാകുന്നത്. എമിറേറ്റ്സിലെ ഇക്കണോമി ക്ലാസ് യാത്രക്കാര്ക്ക് ഒരു ദിവസവും ഫസ്റ്റ് ക്ലാസ്, ബിസിനസ് ക്ലാസ് യാത്രക്കാര്ക്ക് രണ്ട് ദിവസവും പഞ്ചനക്ഷത്ര താമസ സൗകര്യം സൗജന്യമായി ലഭിക്കുന്നതായിരിക്കും. കൊറോണ വ്യാപനം നൽകിയ പ്രതിസന്ധി ഏറ്റവുമധികം ബാധിച്ചത് ടൂറിസം മേഖലയെയാണ്. കൊറോണ വ്യാപനത്തെ ഭയന്ന് വിദേശയാത്രകളടക്കം ആളുകള് ഒഴിവാക്കിയെങ്കിലും ഒരു ഇടവേളയ്ക്ക് ശേഷം വീണ്ടും യാത്രയ്ക്ക് തയ്യാറെടുക്കുകയാണ്. ഈ അവസരമാണ് ദുബായ് വിനിയോഗിക്കാന് ഒരുങ്ങുന്നത്.
https://www.facebook.com/Malayalivartha