പ്രവാസികൾക്ക് ഉന്മേഷം പകർന്ന് മൂന്നു മലയാളികൾ അടക്കം 20 താരങ്ങളുമായി എമിറേറ്റ്​സ്​ ക്രിക്കറ്റ്​ ബോർഡ്​ (ഇ.സി.ബി) ഒരുവർഷത്തെ കരാറിൽ ഒപ്പുവെച്ചതായി റിപ്പോർട്ട്. അടുത്ത സീസണിലേക്കുള്ള മത്സരങ്ങൾ ആരംഭിക്കുന്നതിന്​ മുന്നോടിയായാണ്​ കരാർ ഒപ്പുവെച്ചത്​. പത്തുപേർ ഫുൾടൈം കോൺട്രാക്​ടിലും പത്തുപേർ പാർട്ട്​ ടൈം കരാറിലുമാണ്​ ഒപ്പുവെച്ചിരിക്കുന്നത്​.

മലയാളി താരങ്ങളായ ബാസിൽ ഹമീദ്​, റിസ്​വാൻ റഊഫ്, അലിഷാൻ ഷറഫു​ എന്നിവർ ഈ കരാറിലുണ്ട്​. എന്നാൽ ഇവർക്ക്​ പാർട്ട്​​ ടൈം കരാറാണ്​ നൽകിയിരിക്കുന്നത്​. റിസ്​വാനും ബാസിലും നിലവിൽ യു.എ.ഇ ദേശീയ ടീമി​െൻറ ഭാഗമാണ്​. 2023 ലോകകപ്പ്​ മുൻനിർത്തി ടീമിനെ ഒരുക്കുന്നതി​െൻറ ഭാഗമായാണ്​ കരാർ ഏർപ്പെടുത്തിയിട്ടുള്ളത്​. ഇപ്പോൾ യു.എ.ഇയിൽ നടക്കുന്ന ഡി 20 ​ക്രിക്കറ്റിൽ ഇ.സി.ബി ടീമി​െൻറ നായകനാണ്​ ബാസിൽ.

അതോടൊപ്പം തന്നെ ഇതേ ടീമിലാണ്​ ഓൾറൗണ്ടർ റിസ്​വാനും ബാറ്റ്​സ്​മാൻ അലിഷാൻ ഷറഫുവും. കഴിഞ്ഞ അണ്ടർ 19 അക്കാദമി ലീഗിൽ സ്വന്തം റെക്കോഡ്​ തിരുത്തിക്കുറിച്ച്​ ടോപ്​ സ്​കോററായ താരമാണ്​ അലിഷാൻ. അണ്ടർ 19 ലോകകപ്പിൽ യു.എ.ഇ ടീമി​െൻറ ഭാഗമായിരുന്നു. യുവതാരങ്ങളെയാണ്​ കൂടുതലും കരാറിൽ ഉൾപ്പെടുത്തിയിട്ടുള്ളത്​. അയർലൻഡ്​ ടീം ഏകദിന പരമ്പരക്കായി അടുത്ത മാസം യു.എ.ഇയിൽ എത്തുകയാണ്​.

രൊഹാൻ മുസ്​തഫ, അഹ്​മദ്​ റാസ, മുഹമ്മദ്​ ഉസ്​മാൻ, ചിരാഗ്​ സുരി, മുഹമ്മദ്​ ബൂത്ത, സുൽത്താൻ അഹ്​മദ്​, സഹൂർ ഖാൻ, ജുനൈദ്​ സിദ്ദീഖ്​, വഹീദ്​ അഹ്​മദ്​, സവാർ ഫരീദ് എന്നിവർ ഫുൾ ടൈം കരാറിലാണ് ഉള്ളത്​. സി.പി. റിസ്​വാൻ, ബാസിൽ ഹമീദ്​, അലിഷാൻ ഷറഫു, കാർത്തിക്​ മെയ്യപ്പൻ, ആര്യൻ ലക്​റ, ആൻഷ്​ ടാൻഡൻ, രാഹുൽ ഭാട്യ, മാതിയുള്ള, ഫഹദ്​ നവാസ്​, സഞ്​ജിത്​ ശർമ എന്നിവരാണ് പാർട്ട്​ ടൈം കരാറിൽ ഉള്ളത്.